банкнота – Kurir.mk

Фалсификувал банкнота од 50 евра и си платил со неа

Ивана Ефремовски — Thu, 27 Jul 2023 17:28:21 +0000

Надворешната канцеларија за криминалистички работи Кочани поднесе кривична пријава против М.Д.(45) од Кочани, поради постоење основи на сомнение за сторено кривично дело „фалсификување пари“. На 21.05.2023 во населба Оризари – Кочани пријавениот пуштил во оптек фалсификувана банкнота од 50 евра.

КОЛКУ ВРЕДИТЕ? Поучна приказна чија порака треба да ја разберете!

Ивана Ефремовски — Mon, 10 Apr 2023 20:25:41 +0000

Еден познат говорник го започнал својот говор покажувајќи банкнота од 20 долари. Почнувајќи ја својата приказна пред 200 присутни, тој прашал: -Кој ја сака оваа банкнота? Присутните полека почнале да ги креваат своите раце. Потоа, говорникот додал: -Ќе ви ја дадам оваа банкнота, но само ако ми дозволите да направам нешто прво. Потоа ја изгужвал. Прашал повторно: -Кој ја сака оваа банкнота? Пак, луѓето почнале да ги креваат своите раце. Тој се насмевнал и продолжил: -Што ако го направам ова? Потоа ги спуштил парите на подот и ги згазил, а потоа валкани и изгужвани повторно ги подигнал и го поставил истото прашање: -Ја сакате ли уште оваа банкнота? Луѓето повторно ги кренале своите раце. -Пријатели мои, ова што денес го научивте е вредна лекција. Без оглед на тоа што и да направив со парите, тоа не ја намали нивната вредност. Уште вредеа 20 долари. Многупати во нашиот живот ќе бидеме згужвани, ќе паднеме на земја, ќе бидеме згазени. Но, размислете - ја намалува ли тоа нашата вредност? Не сте безвредни. Напротив, вие сте посебни и никогаш немојте да го заборавите тоа.

Штипјанка се обидела да размени фалсификувана банкнота

Ивона Петрова — Fri, 24 Mar 2023 10:40:34 +0000

На 23.03.20223 околу 09.00 часот, полициски службеници од Полициската станица Штип ја лишиле од слобода С.Ш.(56) од Штип, поради сомнение дека во менувачница во Штип се обидела да размени фалсификувана банкнота од 100 евра, информира МВР. Банкнотата била одземена за понатамошна постапка. По целосно документирање на случајот ќе биде поднесена соодветна пријава.

Австралија ја менува банкнотата од пет долари со ликот на кралицата Елизабета

Ивона Петрова — Thu, 02 Feb 2023 07:47:25 +0000

Австралија ќе ја замени својата банкнота од пет австралиски долари на која е портрет на кралицата Елизабета Втора со нов дизајн што ќе ја одразува и почитува историјата на домородната култура на континентот, соопшти денеска Националната банка на земјата. Одлуката уследи по консултациите со федералната влада, која ја поддржува промената, се вели во соопштението. Додаваат дека од другата страна на банкнотата, како и досега, ќе има слика од парламентот. Австралиските власти по смртта на Елизабета Втора соопштија дека ликот на кралот Чарлс Трети нема автоматски да го замени ликот на починатата британска кралица на банкнотата од пет долари и оти може да биде заменет со австралиски мотиви. Банкнотата од пет австралиски долари е единствената банкнота во земјата што го носи ликот на кралицата. На австралиските монети мора да стои ликот на британскиот монарх, а на новите монети ќе биде ликот на кралот Чарлс Трети.

Ликот на Меси ќе стои на банкнота во Аргентина!?

Ристе Здравков — Wed, 21 Dec 2022 18:47:21 +0000

Аргентинската банка размислува ликот на Лионел Меси да го стави на банкнота од 1.000 пезоси, која е со вредност од нешто повеќе од пет евра, пренесува El Financiero. Идејата за Меси да биде ставен на банкнота во Аргентина дојде по фудбалската еуфорија која владее во земјата, а по освојувањето на светската титула во Катар. Меси во Катар постави дури 12 рекорди во историјата на Светските првенства, а по пауза од 36 години ја оведе Аргентина до фудбалскиот планетарен трон.

Со фалсификувана банкнота од 500 евра си ставил бензин – скопјанец кривично ќе одговара

Ивана Ефремовски — Tue, 10 May 2022 14:53:34 +0000

ОВР Прилеп поднесе кривична пријава против Н.Х.Л.(23) од Скопје, поради постоење основи на сомнение за сторено кривично дело „фалсификување на пари“. На 26.01.2022, пријавениот на бензинска пумпа платил со фалсификувана банкнота од 500 евра, што било потврдено и од извршената проверка на банкнотата од страна на НБРМ.

Платил бензин со фалсификат банкнота од 500 евра

Ивана Ефремовски — Thu, 10 Mar 2022 15:13:33 +0000

Поради постоење основи на сомнение за сторено кривично дело „фалсификување пари“, ОВР Кичево поднесе кривична пријава против О.Р.(32) од кичевското село Чегране. Тој на 23.01.2022, на бензинска станица во Кичево, пуштил во оптек банкнота од 500 евра, за која подоцна било утврдено дека е фалсификат.

Прилепчанец сакал да размени фалсификувана банкнота од 200 евра

Ивана Ефремовски — Tue, 31 Aug 2021 14:09:38 +0000

СВР Битола поднесе кривична пријава против А.Р.(21) од Прилеп поради постоење основи на сомнение за сторено кривично дело „фалсификување пари“. Пријавениот, на 05.06.2021 во Прилеп пронашол банкнота од 200 евра за која знаел дека е фалсификат и се обидел да ја размени во маркет, но вработените се посомневале во исправноста на банкнотата, по што пријавиле во ОВР Прилеп.

Наскоро банкнота со ликот на Марадона

Тале Кристо — Tue, 08 Dec 2020 18:01:34 +0000

Аргентинскиот Конгрес наскоро ќе расправа за барање ликот на покојниот легендарен фудбалер Диего Армандо Марадона да биде ставен на националната банкнота од 1.000 пезоси. Според подносителот на барањето, сенаторката Норма Дуранго, банкнотата од едната страна треба да го носи ликот на Марадона, додека на другата страна би била поставена фотографија од легендарниот гол, познат како „Божја рака“, што Аргентинецот го постигна против Англија на Мундијалот во 1986 година. – Идејата не е само да му се оддаде почит на нашиот најголем идол, туку има и економска заднина. Сметам дека голем број туристи на заминување ќе сакаат да го „понесат“ Марадона со себе. Независно дали бил добар или лош, тој е најпознатиот Аргентинец во светот, изјави Дуранго. Идејата, сепак, уште пред да се најде на расправа во Конгресот наиде на отпор кај дел од Аргентинците, кои сметаат дека поставувањето на „Божјата рака“ на банкнота ќе значи одобрување на незаконитоста, со оглед дека прославениот гол Марадона го постигна со рака. Банкнотата од 1.000 пезоси, која според курсот со денешен датум има вредност од 12,27 долари, сега го носи ликот на црвениот печкар, националната птица во Аргентина од родот колибри.

Ликот на Марадона ќе се најде на банкнота, оваа идеја не им се допадна на сите (ВИДЕО)

Ивана Ефремовски — Tue, 08 Dec 2020 09:28:32 +0000

Аргентинскиот конгрес наскоро ќе расправа за барањето на банкнота од 1.000 пезоси да се стави ликот од покојната фудбалска ѕвезда Диего Марадона.

На банкнотата вредна околу 12,27 американски долари според девизниот курс во понеделникот, од едната страна би се наоѓало ликот на Марадона, а од другата фотографија на „Божјата рака“, еден од неговите најпознати голови против Англија на Светското првенство во 1986 година, предложи членот на Претставничкиот дом, сенаторката Норма Дуранго.

„Идејата не е само да му оддадеме почит на нашиот најважен идол, туку и да размислиме за економското прашање“, рече Дуранго.

„Мислиме дека кога туристите ќе дојдат тука, тие ќе сакаат да го понесат Марадона со себе. Без разлика дали бил добар или лош, тој е најпознатиот Аргентинец во светот”.

Некои Аргентинци се налутија од помислата дека „Божјата рака“ ќе се најде на официјален владин документ, бидејќи тоа може да се смета за одобрување на незаконитост, имајќи предвид дека Марадона постигна гол со рака.

На сегашната банкнота од 1.000 пезоси се наоѓа националната птица, Руфус хорнеро.