банско – Kurir.mk

Уапсен жител на струмичко Банско, при претрес на домот му била пронајдена марихуана

Тале Кристо — Thu, 17 Mar 2022 15:55:53 +0000

Денеска (17.03.2022), полициски службеници од СВР Струмица го лишиле од слобода Х.М.(21) од село Банско, струмичко. При претрес во неговиот дом, извршен со судска наредба, била пронајдена и одземена марихуана. За настанот бил известен Јавен обвинител од Основно јавно обвинителство Струмица и по целосно документирање на случајот ќе биде поднесена соодветна пријава.

Банско е под целосна блокада и карантин

Ивана Ефремовски — Tue, 17 Mar 2020 19:17:41 +0000

Бугарскиот зимски центар Банско е под карантин и блокада, јави Бгнес. Тоа се случува по одлуката на Оперативниот штаб за борба со новиот коронавирус. На вонредниот брифинг во Советот на министри, генерал-мајор Венцислав Мутафчиски објави дека вкупниот број на заразени достигнал 81 лице. Три од нив се од градот Банско. Тие се луѓе кои се занимаваат со активности поврзани со туризмот. „Националниот оперативен штаб предлага Владата да преземе посилни мерки за градот Банско. Причината е што во градот се регистрирани три случаи на заразени со новиот коронавирус и зимските одморалишта се исклучително опасно место за ширење на заразата“, нагласи Мутафчиски „Во Банско постои загрижувачки тренд на зголемување на заразата, рече тој. Од доцна попладнево на територијата на Банско се воведуваат следните мерки: На сите лица кои живеат на територијата на градот им е забрането влегување и излегување од градот Банско. Лицата со постојана или тековна адреса во градот Банско кои се надвор од градот, можат да се вратат во своите домови до 20 часот на 18 март. Министерот за внатрешни работи, Младен Маринов, рече дека се преземени сите законски мерки за да се испочитува наредбата. Мерките имаат за цел да го минимизираат ширењето на заразата. Во моментов во хотелите има околу 200 странски туристи. Мерките се воведуваат за рок од две недели. (МИА)

Трагедија: Македонец почина во близината на Банско, познат неговиот идентитет

Ивана Ефремовски — Wed, 16 Jan 2019 08:25:34 +0000

54-годишниот Македонец, Панче Костов, вчера починал на паркинг на ски-патеката Кулиното, која се наоѓа во близината на Банско и Разлог, пренесува порталот „Струма“. Медицинска екипа дошла на лице место и само констатирала смрт. Според најблиските, тој во минатото имал срцеви проблеми. Телото е предадено на обдукција за да биде откриена причината за смртта.

„Нивното однесување е неодговорно“: Критика за македонските скијачи кои паднаа во бездна на Пирин

Ивана Ефремовски — Mon, 14 Jan 2019 12:13:55 +0000

Директорот на Планинската служба за спасување при Бугарскиот црвен крст, Емил Нешев, во изјава за бугарското радио „Фокус“, вели дека однесувањето на македонските скијачи било многу неодговорно. Тој ова го искоментира коментирајќи ја вчерашната спасувачка акција, во која петмина македонски скијаци беа извлечени од бездна во која паднале на планината Пирин, бидејќи скијале по необележани патеки. Нешев не сакаше да зборува за финансиските импликации на оваа акција, но истакна дека ваквото однесување предизвикувало ризик и за туристите и за спасувачите и за доброволците. „Овие акции немаат вредност, тука не може да се зборува за финансии“, рече Нешев. По тричасовната акција, синоќа успешно се извлечени 5 македонски државјанки кои залутале и паднале во бездна на Пирин кај Банско, Бугарија. Тие биле спасени околу 21 часот, а во акцијата учествувале десет спасувачи. Сите петмина се во добра состојба.

Спасени петмината македонски скијачи на Пирин, пренесени се во Банско

Дарко Андоновски — Sun, 13 Jan 2019 20:21:20 +0000

Спасувачката акција на планината Пирин во Бугарија успешно заврши и петмината македонски скијачи и сноубордери кои скијале надвор од обележаните патеки и паднале во дол се извлечени. Информацијата ја потврди Горската спасувачка служба во Банско, пренесува МКД.мк Македонските скијачи, според службата, се добри, во добра здравствена состојба, неповредени и веќе се пренесени во хотелите во Банско, каде што биле сместени. Сигналот за помош стигнал до Горската спасувачка служба во Банско, и во 20 часот по локално време десет спасувачи ја почнале акцијата за извлекување на петтемина Македонци.

Лила во Банско: Објави фотографија од креветот во кој спие гола, па ги препоти фановите (ФОТО)

Дарко Андоновски — Sun, 13 Jan 2019 09:54:24 +0000

Со златни хеланки и крзнена качулка како лавица секси Лила праќа жешки бакнежи од Бугарија. Очигледно Лила не скија, но затоа добро позира на скијачките патеки.

View this post on Instagram

Breakfast like this ☕️❄️??? Tnx @rila.borovets ❤️ . Tnx @fibulaairtravelmk ?

A post shared by @ lilafilipovska on Jan 13, 2019 at 12:56am PST

Викендов водителката престојува во Банско, а дека посебно ѝ годи бугарскиот свеж воздух, доказ се овие посебно разголени и жешки фотографии од соседството.

View this post on Instagram

Snow white ??? . . @fibulaairtravelmk ? @zeiss_monokl @stellamccartney ❤️ #winter #snow #borovets #life #love #happiness ?

A post shared by @ lilafilipovska on Jan 12, 2019 at 3:33am PST

View this post on Instagram

Morning ☕️☕️☕️ #morning #coffee #snow #life #love

A post shared by @ lilafilipovska on Jan 11, 2019 at 10:26pm PST

View this post on Instagram

Лето во зима ❄️☃️❤️ со @fibulaairtravelmk ? Феноменално чувство кога надвор е -4 а во вода +36 ?? Во склоп на феноменалниот хотел @regnumbansko има и бања со минерална вода за што поубав престој на гостите. Искрено да ви кажам ....уживам да не ме мислите ❤️

A post shared by @ lilafilipovska on Jan 11, 2019 at 11:18am PST

Пет деца спасени во Банско

Ивона Петрова — Sat, 12 Jan 2019 21:46:54 +0000

Пет деца на возраст од 12 до 15 години се спасени во Банко, Бугарија откако возеле сноуборди и излегле надвор од скијачките патеки. Српските медиуми јавуваат дека екипите за спасување реагирале на повикот за помош што децата од Србија го упатиле околу 4 часот вчера попладне. Нивната состојба е добра и тие поминале без посериозни повреди.

Загинати скијачи во Банско, по две лица се трага

Предраг Кукиќ — Fri, 11 Jan 2019 12:40:41 +0000

Двајца туристи загинале од лавина во Банско, објавија бугарските медиуми. Според првичните информации инцидентот се случил околу 12 часот. Телата на двајцата загинати се пронајдени од планинарските спасувачи, а неофицијално се работи за грчки туристи. Според првичните информации загинатите се сноубордери. Некои бугарски медиуми објавија дека уштe две лица се водат за исчезнати. По нив се уште се трага.

Банско и Боровец остануваат топ-дестинации за зимување за Македонците

Ивона Петрова — Wed, 02 Jan 2019 10:22:47 +0000

Македонците не се откажуваат од зимување во угостителските капацитети што се нудат во Банско и Боровец во соседна Бугарија. И годинава, како и изминатите години, најголем интерес има за хотелите во овие зимски туристички центри, иако не помалку атрактивни се и сместувачките капацитети во соседна Србија, како Златибор и Копаоник. Туристичките агенции со кои контактираше МИА велат дека трендот на зимување во Банско и Боровец продолжува и годинава и оти најмногу се патува во овие туристички центри во зимскиот период поради големиот избор на хотели и пристапни цени. – Интензивно се продаваат аранжманите во Бугарија поради големиот избор на хотелска понуда, но доста атрактивна годинава е и Србија со Златибор и Копаоник. Има нови капацитети и хотели што се изградени на Копаоник и се со доста добри цени. Еднакво атрактивен е и Златибор за зимскиот период, посочуваат од туристичката агенција „Савана“. Цените на аранжманите за полупансион во хотелите во Банско се движат од 30 до 50 евра дневно во зависност од типот на хотелот, а слични се цените и во Боровец. Поевтино сместување со појадок и вечера може да се најде во хотелите во Пампорово, каде што се нудат аранжмани и за околу 20 евра. Новина со која ќе се соочат македонските граѓани при патувањето во Бугарија е што од Нова Година е воведено електронско купување на налепниците за автомобили познати како вињетки кои досега можеа да се купат и на граница. Цената на налепниците останува иста, но може да се купи викенд, неделна, тримесечна и годишна вињетка. Налепниците се купуваат на сајтот bgtoll.bg на кој информациите се на осум јазици. Плаќањето може да се изврши со кредитна или дебитна картичка, а преку сајтот е можен и трансфер на средства од банка. Системот овозможува е-вињетата да биде активирана со датум најмногу до 30 дена од моментот на купувањето, а автоматски се пресметува крајниот датум за валидност на вињетата. По добивањето на идентификациски број на трансакција за купена вињета, клиентот може да преземе потврда или да внесе маил адреса, на која ќе му биде испратена. Вињетата нема потреба да се испечати, ниту да се носи во автомобилот или да се покажува на контролните органи. Доколку граѓаните решат да заминат на зимување во соседна Србија тогаш ќе треба да платат од 40 евра нагоре за полупансион во Копаоник и Златибор. Во овие туристички места се нудат и апартмани со целосно опремени кујни што може да се изнајмат и за околу 30 евра. Помал е интересот за зимување во домашните туристички капацитети во Македонија, како што се Маврово, Берово и Крушево. Во Маврово во хотел полупансион чини околу 40 евра, а пониски се цените за во Крушево, каде што престој во хотел со полупансион може да се најде и за околу 20 евра. Билјана Анастасова – Костиќ (МИА)