бараки – Kurir.mk

Гореа бараки во центарот на Скопје

Тале Кристо — Tue, 20 Sep 2022 14:42:52 +0000

На 19.09.2022 во 11.42 часот во СВР Скопје било пријавено било дека на ул.„11-ти Октомври“ во Скопје настанал пожар во две стари бараки, сопственост на Д.Н.(55) и Д.К.(65), двајцата од Скопје. Од екипа на Бригадата за противпожарна заштита Скопје пожарот бил изгаснат, а повредени лица нема. Увид бил извршен.

Стоилковски: Улици и патишта е четврта институција што изгоре, дали се горат материјали за да се штити криминал?

Магдалена Андонова — Wed, 22 Dec 2021 13:16:34 +0000

Пожарот во бараките на ЈП Улици и Патишта кој ја опустоши документацијата и целокупната архива за работењето на ова претпријатие е четврт пожар по ред во државна институција. Уште е нејасно што се изгорело, кога и како настанал пожарот и која е причината за тоа. Дали станува збор за намерно подметнување на пожар со цел да изгорат одредени материјали и доколку да каков криминал се штити, изјави денеска за медиумите, Наум Стоилковски портпарол на ВМРО-ДПМНЕ. Тој истакна дека пожарот во ЈП Улици и Патишта доаѓа по низата пожари во државни инстутуции, како СЕП, Инспекторатот за Животна средина, министерството за правда. - Во сите 4 институции запалени меѓудругото се и документи од институциите. СДСМ мора да одговори дали ваквите пожари не се дел од смислено сценарио за уништување на документација за можен криминал во работењето на овие институции? Дали и за ова ќе биде виновен некој продолжен кабел, праша портпаролот. Тој ги повикува ОЈО и надлежните институции детално да истражат случајот, да се ослободат од притисокот на власта и да работат исклучиво по слово на законот. - Одговорност мора да има, дециден е Стоилковски.

Настов за Курир: Опожарени се 380 м2 работни простории, оперативните работи на претпријатието функционираат

Ивона Петрова — Wed, 22 Dec 2021 09:14:25 +0000

В.д. директорот на ЈП „Улици и патишта“ Борис Настов во изјава за Курир вели дека во пожарот кој ги зафати бараките на претпријатието, лоцирани зад ТЦ Буњаковец опожарени се околу 380 м2 работни простории. -Пожарот избувнал синоќа, како што ме информираа, по експлозија на паркирано возило во близина на бараката. Полициски екипи и екипи од Противпожарната бригада се уште се на терен. Во моментов не можеме да влеземе да видиме дали се опожарени сите канцеларии, но сите се оштетени. Оперативните и тековни работи на претпријатието си функционираат, вели Настов за Курир. Во бараката се наоѓала документацијата на претпријатието, архивата, документација за вработените, финансови извештаи... Командантот на скопската протипожарна бригада, Владимир Симоновски во изјава за Курир вели дека пожарот кај нив е пријавен во 1:50 минути по полноќ. -На терен е интервенирано со шест возила и 19 пожарникари. Пожарот е под контрола, на терен се уште има пожарникари кои работат на догаснување, вели Симоновски за Курир. Од МВР информираат дека околу 01.15 часот во СВР Скопје било пријавено дека на ул.„Стефан Јакимов Дедов“ настанал пожар во патничко возило „Нисан“, со скопски регистарски ознаки, сопственост на Н.Л.(38) од Скопје. -Од пожарот делумно било зафатено и патничко возило „Шкода“, со скопски регистарски ознаки, сопственост на Г.Б.(45) од Скопје и бараките на ЈП „Улици и патишта“ кои биле целосно опожарени. Од екипа на Бригадата за противпожарна заштита Скопје пожарот бил локализиран, а повредени лица нема, информира МВР. Полициски екипи во текот на денот ќе вршат увид.

Пожар во Гостивар, зафатени биле неколку барки

Тале Кристо — Sun, 21 Nov 2021 18:25:02 +0000

На 21.11.2021 во 04.20 часот било пријавено дека во Гостивар на ул.„Илинденска“ настанал пожар, при што биле зафатени неколку бараки. Од екипа на Територијалната противпожарна единица Гостивар пожарот бил изгаснат. Повредени лица нема. Излезено било на местото на настанот од полициски службеници од Полициската станица Гостивар.

Детали за пожарот кој целосно ја пеплоса бараката во Градскиот парк: На терен се 20 пожарникари и 6 противпожарни возила

Магдалена Андонова — Tue, 26 Oct 2021 15:40:28 +0000

Попладнево во близина на Градскиот парк во Скопје избувна голем пожар кој почна неконтролирано да се шири. Командантот на Територијалната противпожарна единица на Град Скопје, Владимир Симоновски во изјава за медиуми истакна дека на терен интервенирале 6 возила и 20 пожарникари. Како што вели тој, од брзината на пожарот бараката изгорела цела. - Напуштена барака, причинители не можеме да утврдиме затоа што и сами гледате дека од брзината на пожарот, бараката изгоре цела. Можеме да кажеме дека може да е од причинителот, бездомници коишто можеби живеат внатре или причинител старата инсталација која е напуштена, ако дошло до искри, да дојде до палење, истакна Симоновски. https://kurir.mk/makedonija/hronika/vo-zivo-gorat-baraki-vo-gradskiot-park-vo-skopje-video/

ПОЖАРОТ ВО ПАРК СЕ ШИРИ: Го зафати и познатиот ресторан

Тале Кристо — Tue, 26 Oct 2021 14:28:13 +0000

Пожарот кој ги зафати бараките во паркот, се шири и го зафати кровот на познатиот ресторан „Томче и Софка“. На терен пристигна противпожарните екипи. Наскоро со повеќе информации...

Во Чичино село се запалиле бараки во кампот за бездомници

Магдалена Андонова — Mon, 17 Aug 2020 15:02:11 +0000

Во неделата пред полноќ, поточно во 23.40 часот во СВР Скопје било пријавено дека во кампот за бездомници во Чичино село настанал пожар, во кој биле опожарени три бараки кои биле вон употреба. Повредени лица нема, а пожарот бил локализиран од екипи на Бригадата за противпожарна заштита. Увид се врши денеска.

Се запали разводна кутија на ЕВН во Лисиче, оштетени две бараки

Ивона Петрова — Sun, 02 Aug 2020 12:18:44 +0000

На 01.08.2020 во 08.25 часот во СВР Скопје било пријавено дека на ул.Мите Богоевски во Скопје настанал пожар на електрична разводна кутија сопственост на ЕВН која била во дворни места по што од настанатиот пожар биле опожарени фасади од бараките соспственост на Р.С.(41) и И.Ч.(46) двајцата од Скопје, информира МВР. Пожарот бил изгаснат од противпожарната единица од Скопје. Увид на местото на настанот извршила екипа од СВР Скопје.