бараж за СП 2022 – Kurir.mk

Сантош: Македонија мора да се респектира

Бошко Тасиќ — Mon, 28 Mar 2022 13:42:29 +0000

Селекторот на фудбалската репрезентација на Португалија, Фернандо Сантош е внимателен во најавите за утрешниот финален бараж натпревар за пласман на Светското првенство во Катар против Македонија. Сантош е пријатно изненаден од резултатите на „црвено-жолтите“ кои во четвртокот во полуфиналето на баражот ја совладаа Италија со 1:0 благодарение на голот на Александар Трајковски во 92 минута. – Македонците ја изненадија Италија, но тие ги победија и Германците во Дуизбург. Ова е финале, а таквите натпревари секогаш се тешки. Сум бил дел од такви натпревари и знам за што зборувам. Ќе му пристапиме на натпреварот против Македонија со истиот респект што го покажавме кон Турција. Во овие моменти, фудбалот е поинаков и кој може да победи секого. Имињата, бројките и статистиката не се важни – изјави Сантош.

Милевски: На момците ќе им речам само да уживаат, немам дилема околу тимот

Бошко Тасиќ — Thu, 24 Mar 2022 06:13:09 +0000

Селекторот Благоја Милевски пред мечот со Италија објави дека нема никакви дилеми околу почетниот тим „Секоја репрезентација има свои квалитети и не би издвоил ниту една селекција како урнек како би требало да игра Македонија утревечер. Секоја селекција има различни инвидуалци, различни карактеристики и не издвоил ниту еден национален тим кој личи на нашиот. Натпреварот во Торино пред неколку години за мене нема допирни точки. Тој беше квалификациски, а ова е бараж натпревар и не би размислувал во тој правец. Атмосферата е одлична и можам само да посакам вакви момци. Дилеми околу тимот немам, составот ми е познат и верувам дека и по тренингот вечерва сите ќе бидат здрави и спремни. Верувам дека сме подготвени за секое сценарио утревечер. Го почитувам Манчини и неговата работа, тој е најзаслужен што Италија е европски првак, но секој си има свој план, така и Манчини, како и јас. Се надевам дека сме подготвени и физички да играме повеќе од деведесет минути. Последната моја порака утре ќе биде сите фудбалери да уживаат во натпреварот. Македонија неслучајно е тука, покажа квалитет во квалификациите и треба да уживаме и да го дадеме максимумот утревечер. Реален сум и секогаш тргнувам од сопствените редови. Македонија има цел во иднина да стане секогаш конкурентна во квалификации за Европско и Светско првенство. Рано е да се зборува дека сме дел од европскиот крем. Далеку сме од тоа, но имаме талент и потенцијал да бидеме поблиску до европскиот врв“, заврши Милевски/

„Ренцо Барбера“ распродаден – Македонија ја чекаат 36.000 навивачи во Палермо

Бошко Тасиќ — Tue, 22 Mar 2022 05:35:01 +0000

Италијанската фудбалска федерација (ФИГЦ) објави дека за неколку часа повеќе од 5.000 билети што беа пуштени во продажба се продадени и со тоа исполнет е целиот капацитет на стадионот, а првпат од избувнувањето на пандемијата со ковид-19 ќе се игра меч пред полни трибини на Апенините. Италија ќе има огромна поддршка од сицилијанците, нешто за кое и селекторот Роберто Манчини денеска на првиот собир го истакна дека „добредојдена е темпераментната публика ја југот од Италија“ како поддршка за тимот, кој ја израдува нацијата, иако пред Еуро 2020 ланското лето – никој не веруваше во успех на „аѕурите“. Италија од 1 април комплетно ги отвора капиите на стадионите за полн капацитет, откако од март 2020 година, или полни две години, ниту еден меч не се одигра со повеќе од максимално дозволените 75 отсто од капацитетот, а дуелот на Италија и Македонија е исклучок, како национален интерес зашто се дозволува полн стадион предвреме. Македонија се очекува да има околу 1.300 навивачи во гостинскиот сектор на стадионот,

ФИФА: Русија дефинитивно исклучена, Полска директно во баражот за СП

Бошко Тасиќ — Tue, 08 Mar 2022 20:47:30 +0000

ФИФА потврди дека Полска ќе оди директно во финалниот бараж за пласман на Светското првенство во Катар против победникот од дуелот Шведска-Чешка по исклучувањето на Русија, додека Шкотска и Украина својот бараж ќе го играат во јуни. Полска, Шведска и Чешка одбија да играат против Русија и на неутрален терен поради војната во Украина, по што ФИФА и УЕФА ги суспендираа сите руски репрезентации и фудбалски клубови во европските и светски натпреварувања. Поради ситуацијата во Украина, се дозволи презакажување на нивниот меч против Шкотска за јуни, а подобриот од овој меч ќе игра во мечот за пласман во Катар со победникот од пресметката Велс-Австрија, кој ќе се игра во јуни.