бараж за СП – Kurir.mk

Херојот Трајковски испрати прва порака до цела македонската јавност (ФОТО)

Ристе Здравков — Fri, 25 Mar 2022 07:46:26 +0000

Александар Трајковски по вторпат во својата кариера се покажа како кобен за Италијанците, најпрво во Торино кога одигравме 1:1 во 2017-та година, но што е уште поважно и вчера во историското бараж полуфинале. Македонија го победи апсолутниот фаворит со 0:1, а херој на вечерта беше Трајковски кој постигна гол во судиското продолжение и со тоа им ја смрзна крвта на сите италијански фудбалски фанови. Истовремено, офанзивниот фудбалер со овој погодок предизвика еуфорија меѓу македонските навивачи во Палермо и оние кои излегоа низ улиците во Македонија да го слават големиот успех, а сега испрати и прва порака после емоциите кои го донесе кај секој искрен фудбалски фан од нашата земја. – Ова е за моето семејство и за цела МАКЕДОНИЈА!, – порача стрелецот на голот во Палермо. Интересно, судбината посака токму Трајковски да биде херој на „Ренцо Барбера“, стадион кој нему му е многу добро познат од времето кога ги бранеше боите на Палермо во италијанската елита.

Украина сака да го одложи бараж мечот за пласман на СП во Катар

Бошко Тасиќ — Sat, 05 Mar 2022 08:07:52 +0000

Поради војната која се одвива во нивната земја, на Украинците не им е до фудбал. Украина побара од УЕФА да им го одложи мечот со Шкотска. „Како да играме фудбал и да се подготвуваме за овие важни натпревари кога со пушки ја браниме државата“, велат од Украина. УЕФА се уште нема донесено одлука дали ќе го прифати барањето. Проблем е што ако се одложи мечот на Украина, ќе треба да се одложи и финалниот бараж од таа група. Во другото полуфинале играат Велс и Австрија.Но со оглед на тоа што Светското првенство се игра подоцна од вообичаеното, можно е УЕФА да го прифати барањето и овие мечеви да се играат понатаму.

ФИФА ги одреди своите санкции за Русија

Бошко Тасиќ — Sun, 27 Feb 2022 20:34:05 +0000

Светската фудбалска федерација (ФИФА) излезе со свој став за актуелната ситуација во Украина, осудувајќи ја руската интервенција во соседната земја и потврдувајќи ги првичните санкции за Руската фудбалска федерација. ФИФА во своето соопштение наведе дека ќе ги следи препораките на Меѓународниот олимписки комитет, што подразбира одредени забрани, но не и дисквалификација на руските репрезентации. Наредниот период Русија не смее да го користи своето име на настапите на националниот тим, односно тој ќе настапува како Руска фудбалска унија, своите натпревари ќе ги игра на неутрален терен и без публика. Тоа подразбира целосна забрана на меѓународни натпревари на руска територија. Истовремено, Русите нема да смеат да го користат своето знаме, ниту пак ќе биде интонирана нивната национална химна на натпреварите. ФИФА најави дека во иднина може да има и други санкции, а потврди и дека е започнат дијалог со фудбалските федерации на Полска, Чешка и Шведска, кои најавија дека не сакаат да играат плејоф натпревар со Русија во ваква ситуација.

Французите бараат исфрлање на Русија од баражите за пласман на СП

Бошко Тасиќ — Sun, 27 Feb 2022 19:49:29 +0000

Претседателот на Француската фудбалска федерација (ФФФ), Ноел Ле Грет побара од ФИФА да ја исфрлат Русија од баражот за Светското првенство пласман во Катар оваа година, откако три земји одбија да играат со Русите во бараж натпреварите за пласман на СП 2022 година. Барањето на Французите доаѓа откако Чешка, Шведска и Полска заеднички објавија дека не планираат да играат со Русија. Полска требаше да гостува во Москва на 24 март, а победникот од тој меч да се соочи со подобриот од мечот Шведска-Чешка. „Спортскиот свет, а посебно фудбалот, не може да остане неутрален. Секако, никој не би се противел на исфрлањето на Русија. Во овие драматични услови, како некој може да замисли да игра фудбал против оваа земја“, вели Ле Грет во интервју за „Ле паризиен“.

Трајковски: Ние никогаш не се откажуваме без разлика што ќе играме против Италија

Бошко Тасиќ — Sun, 23 Jan 2022 07:52:07 +0000

Најдобрата македонска репрезентација во месец март ја очекува баражот за Светското првенство за пласман на СП во Катар 2022, а противник ни е селекцијата на Италија.

Со нив ќе се соочиме на 24 март во Палермо, место кое е добро познато за дел од нашите репрезентативци.
Имено еден од нив е Александар Трајковски кој мина неколку години во составот од Сицилија и се радува што сега одново ќе може да игра на „Ренцо Барбера“.
-Кога видов дека ќе играме против Италија, си помислив дека тоа ќе биде посебен натпревар. Потоа и дека истиот ќе се игра во Палермо. Колку прекрасно. Ќе се вратам на местото каде што бев добар, тоа ќе биде добар натпревар. Возбудливо. За мене и за Македонија. Имаме можност да одиме на Светско првенство. Кога ќе дојде време ќе размислуваме за тоа. Ние сме млад тим, Пандев повеќе не е со нас, ни недостасува. Ама ќе се бориме, играме со срце. Ние никогаш не се откажуваме. Имаме квалитет, порача Трајковски за „Тутомеркатовеб“.