бараж – Kurir.mk

ЕЧИ МАКЕДОНСКАТА ХИМНА ВО ПОРТО! Владее еуфорична атмосфера кај навивачите: „Ги победивме Германија и Италија, можеме и Португалија да ја згазиме“ (ВИДЕО)

Магдалена Андонова — Tue, 29 Mar 2022 12:53:09 +0000

Македонската фудбалска репрезентација денеска против селекцијата на Португалија со почеток во 20:45 на стадионот „Драгао“ ќе го одигра одлучувачкиот натпревар за пласман на Светско првенство. Стадионот во Порто ќе биде исполнет до последното столче, а поддршка нашите репрезентативци ќе имаат од околу 1.500 навивачи на трибините, кои се веќе пристигнати во португалскиот град. Таму веќе владее вистинска навивачка еуфорија. Македонските навивачи играат и пеат песни македонски, а шалови, дресови и знамиња веќе насекаде низ Порто се веат. За тоа сведочат и видеата кои верните навивачи ги испратија до редакцијата на Курир.

Македонската химна ечи во Порто! pic.twitter.com/X8SrW5rcGi
— Курир (@KurirMK) March 29, 2022

Навивачка еуфорија во Порто пред големиот натпревар на Македонија против Португалија pic.twitter.com/wBRRF9vPUn
— Курир (@KurirMK) March 29, 2022

- Тука атмосферата е неопислива со зборови. Владеат секакви емоции, возбудата е дефинитивно на највисоко ниво. Ние веруваме во нашите херои, веќе нè направија горди, ни го остварија сонот и допрва ќе ни ги остваруваат соништата, затоа сме и дојдени во Порто. Победивме европски прваци како Германија и Италија, па секако дека можеме и една Португалија да ја згазиме. Одиме на Светско, изјави од Порто македонски навивач за Курир. Македонија ги прави последните подготовки за натпреварот против Португалија. Нашите лавови веќе покажаа дека може да направат клучни пресврти во своја користи и да го добијат тоа што го сакаат, а нивните амбиции докажуваат дека не се плашат ни од Португалија! Момци, цела Македонија е со вас! Среќно! М.А.

Роналдо: Убеден сум дека Македонија нас нема да не изненади

Магдалена Андонова — Mon, 28 Mar 2022 17:54:42 +0000

Капитенот на португалската репрезентација Кристијано Роналдо порача дека неговите соиграчи нема да ги потценат македонските фудналери и најави оти очекува сигурен пласман на Мундијалот во Катар. -Утре е финале и ние сме подготвени. Дали сме фаворити? Јас секогаш се сметам себе си за фаворит, без оглед дали играм на домашен или гостински терен. Свесни сме дека со победа ќе се пласираме на Светското првенство и затоа имаме голема одговорност да го добиеме овој натпревар, изјави Роналдо на денешната официјална прес – конференција во Порто. Македонските фудбалери стигнаа до финалниот бараж во мундијалските квалификации совладувајќи ги на патот Германија и Италија на гостински терен, но португалскиот капитен рече дека тоа нема да се повтори утревечер на стадионот „Драгао“. – Тие изненадија на многу натпревари, но убеден сум дека нас нема да не изненадат. Португалија ќе победи и ќе игра на Светско првенство. Нема Светско првенство без Португалија, изјави Роналдо. (МИА)

Сантош: Ова е меч на живот или смрт, ни треба креативност и страст за да ја победиме Македонија

Магдалена Андонова — Mon, 28 Mar 2022 14:22:02 +0000

Португалскиот селектор Фернандо Сантош на прес-конференцијата, пред мечот против Македонија за пласман на Мундијалот во Катар, кажа дека воопшто нема да биде лесно за неговите репрезентативци. Португалија ја има предноста на домашен терен и големиот број навивачи кои ќе бидат на трибините, но и Италија имаше нешто слично во Палермо, па на крајот загуби со 0-1. „Ги анализираме и другите натпревари на Македонија, не само последниот против Италија. Го гледавме и мечот против Германија на кој успеаа да слават. Тие имаат квалитетни фудбалери, посебно Елиф ЕЛмас. Ова е меч на живот и смрт за нив, исто е и за нас. За да победиме ни треба многу креативност, страст и интензитет“, кажа Сантош.

Муслиу за Курир: Да го победиш европскиот првак на домашен терен не е мала работа, имаме квалитет – oдиме на победа во Португалија!

Магдалена Андонова — Fri, 25 Mar 2022 13:09:58 +0000

Македонската фудбалска репрезентација успеа да победи со 0:1 против Италија, што беше доволно за да се пласираме во големото финале, каде за ривал ја имаме Португалија. Македонската нација е и повеќе од горда на македонските фудбалери кои како лавови и душата и срцето ги оставија на теренот и покажаа дека волјата и амбицијата која ја имаат може да го сруши дури и актуелниот европски првак и четирикратен светски првак - Италија. Несомнено сега ЦЕЛИОТ СВЕТ дозна за Македонија и дека толку МАЛА земја има толку ГОЛЕМО СРЦЕ. Репрезентативецот Висар Муслиу без кого целата екипа не би била целосна, како и во претходните натпревари така и во вчерашниот натпревар со Италија ја покажа неговата подготвеност и професионалност и дека е рамо до рамо со најголемите светски фудбалски ѕвезди. Во изјава за Курир, Муслиу ни откри како се чуствува, кои емоции преовладуваат и какви очекувања имаат од натпреварот со Португалија. - Да го победиш европскиот првак на домашен терен не е мала работа и затоа чувството е прекрасно, нешто што не може да се опише со зборови. Но се уште не е завршено и мора да гледаме напред кон тоа што ни следи, а тоа е натпреварот со Португалија. Ваква прилика може да се случи еднаш или никогаш и затоа ние како тим не одиме само да го одиграме натпреварот, одиме и да ги победиме. Имаме квалитет, карактер и победнички менталитет, тоа ја краси нашата репрезентација и одиме на победа во Португалија, изјави Муслиу за Курир. Македонската фудбалска репрезентација ќе го одигра финалниот натпревар во баражот за Светското првенство на 29-ти март (Вторник) во Португалија. Момци, цела Македонија е со вас! Среќно! М.А.

Николов во изјава за КУРИР со порака до Роналдо: Доаѓа мала земја, со големи срца!

Ристе Здравков — Fri, 25 Mar 2022 11:39:18 +0000

Македонската фудбалска репрезентација вчера ја совлада репрезентацијата на европскиот првак Италија минимално со 0:1. Со овој триумф Македонија успеа да се пласира во финалето на баражот за СП во Катар. Македонскиот фудбалер Бобан Николов кој беше еден од најистакнатите во вчерашниот натпревар во изјава за КУРИР ни кажа каква е атмосферата моментално во репрезентацијата, дали е подготвена стратегијата за Португалија и испрати порака на најголемата фудбалска ѕвезда моментално на планетата, Кристијано Роналдо. Прашање: Каква е атмосферата моментално во репрезентацијта? Николов: Атмосферата е одлична и те како ни даде самодоверба за финалето, знаеме дека можеме и драго ми е што носиме радост за нашата мила напатена Македонија. Прашање: Подготвена ли е стратегијата за Португалија? Николов: Од утре се подготвуваме за Португалија, така да имаме доволно денови да ја анализираме Португалија, но најбитни сме ние ако гинеме како со Италија, МОЖЕМЕ ДО ПОБЕДА. Прашање: Која е твојата порака до Роналдо? Николов: Доаѓа мала земја со големи срца!

Португалскиот селектор: Нашиот фокус е кон Македонија, несомнено ќе биде многу тежок дуел

Магдалена Андонова — Fri, 25 Mar 2022 11:20:44 +0000

Респект и внимателност преовладуваат во изјавите на португалските фудбалери, кои по вчерашниот триумф над Турција (3-1) пред 48.000 гледачи на стадионот „Драгао“ во Порто, во вторник на истото место ја пречекуваат македонската репрезентација во рамки на финалниот бараж за пласман на Мундијалот во Катар. – Ваквите натпревари се финале, а финалето секогаш е комплицирано. Го победивме првото (финале), а сега треба да го победиме второто. Овој натпревар (против Турција) е завршен и сега нашиот фокус е кон Македонија, што несомнено ќе биде многу тежок дуел. Самото тоа што тие ја победија Италија значи дека ќе ни биде многу тешко, изјави португалскиот селектор Фернандо Сантош за националната телевизија РТП. Столбот на португалската одбрана Данило истакна оти не е изненаден од пласман на македонските фудбалери во финалето. – Не сме изненадени од тоа што го направи Македонија. Тие имаа одлични мундијалски квалификации. Тие се многу добро организиран и борбен тим. Нивната победа (над Италија) не беше изненадување, изјави Данило за истиот извор. Комплименти за квалитетот на македонската репрезентација пред дуелот на „Драгао“ во вторник од 20:45 часот изнесе и португалскиот играч од средниот ред Матеус Нунеш. – Сега треба малку да се одмориме и да се подготвуваме за натпреварот против Македонија. Тие го заслужуваат целиот наш респект. За да ја победиш Италија мора да поседуваш квалитет и не смееме да си дозволиме да помислиме дека ќе ни биде лесно, порача фудбалерот на Спортинг.

Време е за бараж за Светско првенство: Елмас во друштво на Роналдо, Бејл, Кјелини…

Ристе Здравков — Thu, 24 Mar 2022 12:25:31 +0000

Фудбалската репрезентација на Македонија денеска во Палермо ќе го одигра историскиот натпревар против Италија во баражот за пласман на Светското првенство кое на крајов на годинава ќе се игра во Катар. Вечерва покрај мечот Италија – Македонија ќе се одиграат и преостанатите баражи во европските квалификации. Една од најпопуларниот страна на социјалната мрежа „инстаграм“ „433“ објави фотографија на која ги има најголемите ѕвезди од сите репрезентации. Па така иако поради жолти картони Ељиф Елмас нема да може да настапи на денешниот натпревар, тој на фотографијата е во друштво на Кристијано Роналдо, Герет Бејл, Џорџо Кјелини.

View this post on Instagram

A post shared by 433 (@433)

Манчини: Натпреварот со Македонија не го сметаме за добиен однапред

Магдалена Андонова — Tue, 22 Mar 2022 09:31:24 +0000

Селекторот на Италија, Роберто Манчини на прес-конференција пред мечот со македонската фудбалска репрезентација во бараж за Светското првенство во Катар рече дека е оптимист, но потенцира дека победата треба да се потврди на теренот. – Нема да бидат лесни натпревари, два лесни натпревари, се разбира, не требаше да влеземе во таква ситуација и ќе го поминеме тешкиот пат. Составот е ваков, не можам да повикам 40 играчи. Натпреварот со Македонија нема да го сметаме за добиен однапред. Оптимист сум, но не ја отпишуваме македонската репрезентација. Но, нашата цел не е само да се пласираме на Светското првенство, туку и да го освоиме, изјави Манчини. Натпреварот ќе се игра во Палермо на 24 март. Победникот од овој дуел, во финалето на 29 март ќе игра со поуспешниот од средбата Португалија – Турција. Светското првенство ќе се игра во Катар од 21 ноември до 18 декември. (МИА)

Македонските фудбалери ги стартуваат подготовките за баражот во Палермо

Дарко Андоновски — Mon, 21 Mar 2022 15:08:00 +0000

Во комплетен состав и без дополнителни здравствени проблеми, македонската фудбалска репрезентација денеска во Скопје ќе ги стартува мини – подготовките за претстојниот натпревар против актуелниот европски првак Италија, во рамки на полуфиналниот бараж за пласман на Светското првенство во Катар. Избраниците на селекторот Благоја Милевски попладнево од 17 часот ќе го одржат првиот од планираните неколку тренинзи пред заминувањето за Палермо, каде в четврток од 20:45 часот ќе и гостуваат на Италија на стадионот „Ренцо Барбера“. Милевски за дуелот против Италија повика 27 фудбалери, од кои поради повреда отпадна напаѓачот на турски Гезтепе, Адис Јаховиќ, а на негово место дополнително беше повикан Ердон Даци од белгискиот второлигаш Вестерло.

Милевски: Не се откажуваме од баражот за Светското првенство

Тале Кристо — Wed, 10 Nov 2021 18:01:37 +0000

Селекторот на македонската фудбалска репрезентација Благоја Милевски вечерва на официјалната прес-конференција во пресрет на утрешниот натпревар против Ерменија ги сподели своите очекувања за мечот во Ереван од квалификациите за СП 2022. – Сметам дека не очекува одличен натпревар. Двете селекции имаат свои шанси за второто место, а победа е опција и за нас и за Ерменија. Ова ќе биде многу поразличен меч од тој во Скопје. На домашен терен ја имавме доминацијата, но сега очекувам сосема поразличен дуел, отворен на двете страни, затоа што победата е важна за двете селекции, изјави Милевски. Поради повреди Милевски нема да може да смета на неколкумина стандардни репрезентативци, но очекува целиот тим да го даде својот максимум. – Се разбира дека отсуствата поради повреди на играчи од калибар како Адеми и Барди, а сега и Стефан Ристовски, Ракип, Јаховиќ и Николов ни создаваат проблеми. Но, сигурен сум дека сите оние што ќе настапат ќе го дадат максимумот на овој натпревар. Има влијание тој недостаток, особено што не можам да сметам на сите играчи од средниот ред. Македонија е во фаза на создавање на тим и ни треба костурот на селекцијата во наредните четири години. Но, сега не се откажуваме и секоја шанса за тоа второ место ќе се обидеме да ја искористиме, посочи Моилевски.