Барбара Стрејсенд – Kurir.mk

Барбара Стрејсенд не сака биографски филм додека е жива

Ивона Петрова — Wed, 18 Aug 2021 08:20:36 +0000

Американската пејачка и глумица Барбара Стрејсенд ја пишува својата автобиографија и сака обожавателите преку неа да ја дознаат вистината за нејзиниот живот. Пејачката, во интервјуто на Марк Малкин, признава и дека ужасно ќе се „вознемири“ доколку се сними филм за неа пред да почине, оти ќе ја изнервираат сите неточности во тоа дело. – Ќе бидам ужасно вознемирена ако има нешто погрешно кажано, или – чиста лага. Затоа ја напишав и песната „Не ме лажи“ (Don’t Lie to Me). Веројатно и зaгубив многу мои обожаватели, но никогаш не е доцна да се соочиме со вистината, рече Стрејсенд. Таа натаму признава дека, во своите 79 години, не научила убаво да пишува. Раскажува дека мајка ѝ сакала таа да биде секретарка и ја терала да пишува… – А, јас само сакав да бидам актерка. И во знак на протест, ги оставив ноктите да ми растат. Тоа пак, ме спречи да го држам пенкалото, па сега почнувам од почеток. Сега се снимам на мојата апликација „Квиквојс“ и потоа го испраќам тоа на некого за да го напише, признава пејачката.

Ќерката на Џорџ Флојд стана акционерка: Барбра Стрејсенд ѝ подари акции од „Дизни“

Ристе Здравков — Tue, 16 Jun 2020 08:42:55 +0000

Американската пеjачка и глумица Барбра Стрејсенд (78) ѝ подари акции од компанијата „Волт Дизни“ на шестгодишната ќерка на Џорџ Флојд, човекот што беше убиен од полицаец при апсење. Малечката Џана Флојд објави фотографија на Инстаграм, на која во раката го држи сертификатот дека сега веќе е акционер во компанијата. – Ти благодарам, Барбра Стрејсенд, за пакетот акции! Сега сум акционер во „Дизни“ благодарение на Вас – гласи натписот под фотографијата. Освен сертификатот, девојчето доби и два примерока од албумите на поп-пејачката со посвета – „Моето име е Барбра“ (My Name Is Barbra) и „Обој ме Барбра“ (Color Me Barbra). Претходно и американскиот рапер Канје Вест даруваше пари на семејството на Флојд. Од друга страна, пак, списанието „Варајети“ пренесе дека на Џана ѝ е обезбедена целосна стипендија за на Тексашкиот универзитет во родниот град Хјустон.

View this post on Instagram

Thank You @barbrastreisand for my package, I am now a Disney Stockholder thanks to you ???

A post shared by GIGI FLOYD (@giannapinkfloyd_) on Jun 13, 2020 at 7:59am PDT

Барбара Стрејсенд ѝ подари акции од „Волт Дизни” на ќерката на Џорџ Флојд

Тале Кристо — Mon, 15 Jun 2020 06:51:57 +0000

Американската пеjачка и глумица Барбара Стрејсенд ѝ подари акции од компанијата „Волт Дизни” на шестгодишната ќерка на Џорџ Флојд, човекот кој беше убиен од полицаец при апсење. Малечката Џана Флојд објави слика на Инстаграм, на која во раката го држи сертификатот дека сега веќе е акционер во компанијата. „Ти благодарам, Барбара Стрејсенд, за пакетот акции! Сега сум акционер во ’Дизни‘ благодарение на Вас“, гласи натписот под фотографијата. Освен сертификатот, девојчето доби и два примерока од албумите на поп-пејачката со посвета – „My Name Is Barbra“ и „Color Me Barbra“. Претходно и американскиот рапер Кање Вест даруваше пари на семејство Флојд. Од друга страна пак, списанието „Варајети“ пренесе дека на Џана ѝ е обезбедена целосна стипендија за на Тексашкиот универзитет во родниот град Хјустон.

Стрејсенд со шокантна изјава жртвите на Џексон, фановите згрозени

Ивана Ефремовски — Sat, 23 Mar 2019 15:34:55 +0000

Барбара Стрејсенд ја разбесни јавноста со изјавата за Вејд Робсон и Џејмс Сејфчек кои во документарниот филм “Leaving Neverland” го обвинија Мајкл Џексон за сексуално злоставување. 76-годишната пејачка и актерка во интервју за “The Times of London” изјавила дека тие двајца “биле воодушевени што се таму” и дека, што и да им се случило, “не ги убило”. “Може да се каже дека се “злоставувани”, но тие деца, како што слушнавте, биле воодушевени што се таму. И двајцата се оженети и имаат деца така што тоа не ги убило”, изјавила Барбара. Но, не застанала со бизарните изјави. Таа додала и дека “жали за нив двајца како и за Џексон” и изјавила дека “сексуалните потреби на Мајкл биле негови сексуални потреби” и дека вината треба да се бара кај родителите на жртвите. Вели и дека верува во наводите на Робсон и Сејфчек. “Неговите сексуални потреби биле негови сексуални потреби, генетски предизвикани или од детството кое тој го имал. Жал ми е за децата, жал ми е за него. Ги обвинувам родителите кои им дозволиле на децата да спијат кај него”, вели пејачката.

“It didn’t kill them” @BarbraStreisand did you really say that?!#LeavingNerverland https://t.co/p4sIaPIHK6
— Dan Reed (@danreed1000) March 22, 2019

“Не ги убило, Барбара дали навистина го кажа тоа?!”, напишал режисерот на филмот Дан Рид на Твитер, а нејзините изјави покренале лавина од коментари на социјалните мрежи. “Ми се гади од ова”, “За мене е готова. Засекогаш”, “Ќе ги запалам нејзините плочи по ова”, се само дел од коментарите.

И тоа било можно: Барбара Стрејсенд си го клонираше кучето

Ивана Ефремовски — Wed, 28 Feb 2018 17:17:23 +0000

Американската пејачка и актерка Барбара Стрејсенд го клонираше своето милениче, женка од расата Тулеарско кадраво куче, веднаш по неговата смрт минатата година. Стрејсенд во интервју за списанието „Варајети“ изјави дека научниците земале клетки од нејзиното куче Саманта, па сега по клонирањето чува две идентични кутриња. Таа наведува дека кога тие стигнале во нејзиниот дом, почнала да ги поблекува во различни бои со цел да ги разликува. Од „Варајети“ наведуваат дека постапката на клонирање чини од 25 до 100 илјади долари