барел – Kurir.mk

Пад на цената на нафтата

Ивона Петрова — Wed, 17 Aug 2022 06:30:38 +0000

Цената на нафтата утринава на лондоскиот пазар изнесува 93 долари за барел, што е пад за околу 1 процент во однос на вчера. Пазарот на криптовалути утринава е во зелено. Вредноста на биткоинот изнесува 24.150 долари, што претставува раст од околу 1 процент во однос на вчера.

Експертите со предупредување! Еве колку може да достигне цената на нафтата за барел

Ристе Здравков — Mon, 04 Jul 2022 09:04:38 +0000

Светските медиуми пишуваат дека цената на нафтата би можела да порасне уште повеќе во иднина, а некои прогнозираат и до трипати повисока цена. Аналитичари од „ЈП Морган Чејс“ предупредија дека цената на барел нафта може да достигне и до 380 долари за барел. Тоа би се случи само ако Русија одговори на американските и европските санкции со намалување на производството, а исто така ќе предизвика дополнителен економски удар.

Цената на нафтата надмина 116 долари за барел

Ивона Петрова — Tue, 28 Jun 2022 08:10:47 +0000

Цените на нафтата денеска пораснаа на трета последователна трговска сесија поради неизвесностите поврзани со глобалното производство, кои се закануваат дополнително да ја заострат понудата на пазарот. Членовите на нафтената алијанса ОПЕК + треба да се состанат оваа недела за да разговараат за ситуацијата со снабдувањето. Цената на северноморската нафта од типот „Брент“ се зголеми за 1,18 отсто на 116,5 долари за барел, а американската нафта WTI зајакна за 1,02 отсто на 110,8 долари за барел. Либија има се повеќе проблеми со извозот на „црното злато“ поради влошувањето на политичката криза, додека антивладините протести во Еквадор се закануваат да го прекинат производството во таа поранешна членка на Организацијата на земји извознички на нафта (ОПЕК), пренесува „Блумберг“. Секое нарушување на снабдувањето може да се прошири како концентрични кругови на глобалниот пазар на нафта, кој, под притисок на силната побарувачка, е поттикнат од економското закрепнување и затегнатите трговски текови од Русија по нејзиниот напад врз Украина. Некои членки на групата ОПЕК +, која ја сочинуваат земјите од ОПЕК и нивните сојузници на чело со Русија, не ги исполнуваат целите за производство за оваа година, што ја влошува состојбата на пазарот.

Се пуштаат на пазарот 120 милиони барели нафта од резервите

Ивона Петрова — Thu, 07 Apr 2022 09:27:18 +0000

Членките на Меѓународната агенција за енергетика (ИЕА) одлучија да продадат 120 милиони барели нафта од резервите за да ги ограничат цените кои нагло пораснаа по руската инвазија врз Украина, изјави директорот Фатих Бирол. – МАЕ колективно ќе стави на располагање вкупно 120 милиони барели нафта од резервите (вклучувајќи 60 милиони барели што ќе ги додадат САД како дел од поширокиот план за продажба од Стратешките нафтени резерви), напиша Бирол на Твитер. САД во март соопштија дека во следните шест месеци на пазарот ќе пласираат вкупно 180 милиони барели нафта од резервите, најмногу од нивното формирање. Другите членки на МАЕ, исто така, најавија заедно најмногу барели откако агенцијата почна да ја координира продажбата. Досега тоа го направиле во четири наврати.

Благ пад на нафтата на берзата, криптовалутите стабилни

Ивона Петрова — Sun, 03 Apr 2022 08:39:45 +0000

Берзата за нафта утринава е стабилна со благ пад на цената на барелот во однос на вчера. Од утрово вредноста на барелот на лондонската берза е 105 долари што е пад од еден процент во однос на вчера. На американскиот пазар барелот е 99 долари. Стабилен е и пазарот на круптовалути. Биткоинот вреди 46.469, што е пад од 0.21 отсто во однос на вчера. Останатите криптовалути се во зелена зона.

По долг период, падна цената на нафтата

Ристе Здравков — Mon, 14 Mar 2022 09:44:41 +0000

Вредноста на барелот на лондонскиот пазар утринава изнесува 109 долари, што е пад од 3,55 отсто. Истовремено, на американскиот пазар барелот се тргува по речиси четири отсто пониска цена, односно 105 долари. Во петокот овие деривати се тргуваа по цена од 110, односно 107 долари, а цената продолжи да паѓа. На почетокот на минатата недела цените на барелите беа на рекордно ниво и се искачија на 130 долари, што беше нивна највисока вредност од 2008 година. Цените на нафтата во Македонија зависат од движењето на цените на светскиот пазар, РКЕ донесе одлука дека цените ќе се корегираат на дневно ниво, па овој пад, кој, сепак е недоволен, е добра вест и за домашниот пазар.

Цената на нафтата на највисоко ниво од 2008 година

Ивона Петрова — Mon, 07 Mar 2022 07:03:59 +0000

Цените на нафтата се искачија на највисоко ниво од 2008 година, откако САД соопштија дека разговараат за потенцијално ембарго на руските испораки со своите сојузници. Суровата нафта „брент“ – глобалниот репер за нафта – се искачи над 139 долари за барел во азиската трговија, пред да се намали на под 130 долари. Пазарите на енергија беа потресени во последните денови поради стравувањата за снабдување предизвикани од руската инвазија врз Украина. Потрошувачите веќе го чувствуваат влијанието на повисоките трошоци за енергија бидејќи скокаат цените на горивата и сметките за домаќинствата, јави Би-Би-Си.

Цената на нафтата се искачи на 100 долари за барел поради ескалацијата во Украина

Ивона Петрова — Thu, 24 Feb 2022 06:08:17 +0000

Цената на нафтата скокна над 100 долари за првпат по повеќе од седум години, откако рускиот претседател Владимир Путин најави „воена операција“ во источна Украина, јави Би-Би-Си. Информациите за ескалацијата, исто така, предизвикаа азиските берзи да тргуваат пониско за 2 до 3 проценти. Пазарите трпат удари во последните неколку дена додека ескалираа тензиите – цените достигнаа 98 долари пред неколку дена кога Путин го раскина мировниот договор и распореди војници во два источни региони под контрола на бунтовниците. Дописникот на Би-Би-Си од Азија вели дека инвеститорите бегаат кон она што го сметаат за безбеден имот. Цените на златото се на највисоко ниво за повеќе од една година, додека американскиот долар и јапонскиот јен исто така зајакнуваат.

Заев повторно ја манипулира јавноста: Еве колку долари чини еден барел на светските берзи, а не е 600 долари како што вели премиерот!

Тале Кристо — Fri, 25 Jun 2021 20:26:17 +0000

Премиерот Зоран Заев, коментирајќи ја најавата на ВМРО-ДПМНЕ дека ќе го блокира донесувањето на законот за еколошка такса, попладнево во Куманово изрази надеж дека ќе се изнајдат начини за да се изгласат законите кои се важни за граѓаните. Заев истакна дека кога од следната недела ќе помине 600 долари барел таксите ќе паѓале. -Очекуваме другата недела да помине 600 долари барел и веднаш паѓаат самите такси, така што немаме во просек некое зголемување, но ќе имаме огромен фонд кој во една година значи не помалку од 55 милиони евра. Ова се би било во ред, доколку е како што вели премиерот Заев, но реалноста е сосема друга и цената на безрите за еден барел моментално се движи од 74 до 76 долари. Дали ова е новлапсус на премиерот, или пак свесно ја манипулира јавноста не се знае, но секако на Заев нема да му биде прв пат. Инаку, денеска од ВМРО-ДПМНЕ најавија дека овој Предлог-закон ќе го блокираат, бидејќи како што велат ова значи нова давачка за граѓаните и поскапување на цените за транспорт и други производи.

Нафтата од марката Брент постигна цена од 30 долари за барел

Тале Кристо — Tue, 05 May 2020 17:40:52 +0000

Цената на нафтата од марката Брент, за испораки во јули, на Лондонската берза денеска порасна за 11.88 проценти и сега чини 30.43 долари за барел. Последен пат кога цената на нафата од оваа марка чинеше повеќе од 30 долари беше на 1 април 2020 година. Претходно, се објавија извештаи дека цените на нафтата може да се зголемат бидејќи постои надеж за обнова на побарувачката.