барикади – Kurir.mk

РТС: Се уште не е почнато отстранувањето на барикадите во северниот дел на Косово

Ивона Петрова — Thu, 29 Dec 2022 08:17:35 +0000

Сè уште не е започнато отстранувањето на барикадите на Рудар, ниту пак на луѓето на барикадите им е кажано кога ќе бидат отстранети, јави РТС, пренесе Бета. Претседателот на Србија, Александар Вучиќ изјави дека отстранувањето на барикадите на северот на Косово треба да започне денеска во утринските часови. Зборувајќи пред јавноста доцна синоќа по средбата со претставници на Србите од северот на Косово во касарната во Рашка, Вучиќ рече дека „отстранувањето на барикадите не е лесно и тие не можат да се отстранат за два часа“.

Србите на северот на Косово се на барикадите веќе 11 дена

Ристе Здравков — Tue, 20 Dec 2022 06:41:32 +0000

Србите од северот на Косово и Метохија 11 дена се на барикадите во општините Звечан, Зубин Поток и Лепосавиќ, барајќи ослободување на нивните сонародници Миљан Аџиќ, Дејан Пантиќ и Слаѓан Трајковиќ и повлекување на специјалните единици на Косово. Полицијата од северот на Косово. Како што јавува репортерот на РТС, се уште е мирно, но има претпазливост за да се избегнат провокации од албанска страна.

Барикадите на северот на Косово се отстранети, премините Јариње и Брњак се уште не се отворени

Магдалена Андонова — Mon, 01 Aug 2022 12:45:20 +0000

На северот на Косово, барикадите се отстранети од сите патишта за да се овозможи сообраќај, но како што јави известувачот N1, премините Јариње и Брњак се уште се затворени. Барикадите Србите ги поставија вчера пред почетокот на спроведувањето на одлуките на Приштина за регистарски таблички и лични документи. По притисокот на меѓународната заедница, Владата на Косово вечерва се согласи спроведувањето на тие мерки да се одложи за 30 дена. Косовскиот премиер Албин Курти утринава изјави дека мерките за реципроцитет ќе престанат да се применуваат штом се отстранат сите барикади. N1 пренесува дека од преминот Јариње иако малку пред пладне се отстранети сите барикади, тој премин се уште е затворен и не може да се помине дури и пеш. Од двете страни на преминот се формирани колони возила. Слична е состојбата и на преминот Брњак, додека на преминот Мердаре сообраќајот се одвива нормално, но на сите со српски лични карти и натаму им се издаваат пропратни документи за влез-излез. Од косовската полиција претходно за агенцијата Срна изјавија дека е отстранета една од поголемите барикади поставена кај административниот премин Јариње, а во тек е отстранување на барикадата во селото Вараге на патот Косовска Митровица-Зубин Поток. Од KoSSev известуваат дека е отстранета и барикадата во местото Рударе на приодот кон Звечан од правец на јужна Косовска Митровица. Камионите го напуштија тоа место, а од 11:30 часот е прооден патот до преминот Јариње. Како што јави КоСсев, меѓу најмалку осум камиони кои го напуштија местото на барикадата, забележано е едно возило со ознаки на ОБСЕ и едно возило на КФОР. Веднаш по отстранувањето на барикадите, новинарите во Рудар се обидоа да му постават прашање на потпретседателот на Српската листа и пратеник во косовското Собрание Игор Симиќ, кој беше на лице место, но тој одби да одговори велејќи дека бил „одговорен пред српскиот народ“, а не пред новинарите. Косовската полиција претходно соопшти дека премините Брњак и Јариње ќе бидат пуштени за сообраќај веднаш по отстранувањето на сите барикади, а на овие премини нема да се применува уредбата на косовската Влада со која се забранува влез на територијата на Косово со српска лична карта.

На преминот Мердаре се отстранети барикадите

Ивона Петрова — Mon, 01 Aug 2022 07:00:15 +0000

По одлуката на властите во Приштина да го продолжат за еден месец издавањето документи за влез-излез за сите граѓани на Србија кои влегуваат во Косово, на барање на американската амбасада, отстранети се барикадите кои беа поставени на преминот Мердаре каде од утрово сообраќајот се одвива нормално, пренесе Бета. Како што јави РТС, на преминот Мердаре, каде синоќа беше формирана колона од пет до шест километри, од утрово нема метеж, а чекањето за влез во Косово е 10 минути.

Локалните жители подготвуваат ѕидови од вреќи со песок и градат барикади во Одеса

Тале Кристо — Thu, 17 Mar 2022 19:23:16 +0000

Локалните жители подготвуваат ѕидови од вреќи со песок и градат барикади во Одеса, додека култниот крајбрежен град се подготвува за пристигнувањето на руската армија. Би-Би-Си наведува дека на социјалните мрежи имало засега официјално непотврдени извештаи за експлозии во градовите Одеса и Запорожје на југот на Украина.

Немири во Париз, барикади на улиците и солзавец!

Магдалена Андонова — Sat, 05 Dec 2020 20:31:14 +0000

Илјадници демонстранти вечерва се собраа на улиците на Париз во знак на протест против полициската бруталност и плановите за безбедносна политика на претседателот Емануел Макрон, за кои тврдат дека ги поткопуваат граѓанските слободи. Полицијата употреби солзавец во протестите додека демонстрантите испукаа огномет во нивна насока, група млади луѓе го искршија излогот на една продавница. На сличен протест минатата недела се случија насилни судири меѓу демонстрантите и полицијата. Партијата на Макрон неделава објави дека ќе изврши измени во предложениот закон, со кој се ограничува споделувањето фотографии и снимки на полицајци, откако наиде на силен отпор од јавноста и левицата.

ВИДЕО: Горат барикади во Косово, поставени пораки „Вучиќ нема да помине“

Ивона Петрова — Sun, 09 Sep 2018 07:30:50 +0000

Косовските медиуми објавуваат фотографии и видео снимки од барикади поставени на патиштата на кои би требало да помине претседателот на Србија, Александар Вучиќ. Како што јавуваат српските медиуми, стотина Албанци утринава ги блокирале патиштата со багери и камиони. РТС јавува и дека во едно место се слушале рафални истрели. Министерот за одбрана Александар Вулин истакнал дека тоа го прават вооружени ветерани на ОВК и дека за тоа одговорноста ја има Кадри Весељи. Според РТС се очекуваат масовни протести и барикади. Патот кон селото Бање бил блокиран со камион, поставени се препреки од дрва и гуми кои подоцна биле запалени. На патот имало и истакнати транспаренти со пораки „Вучиќ нема да помине“ и „Вучиќ врати се“.