барнли – Kurir.mk

Неочекуван удар за Барнли, Премиер Лигата доведена под знак прашалник

Бошко Тасиќ — Mon, 24 Apr 2023 05:13:42 +0000

Екипата на Барнли, за која настапува македонскиот фудбалски репрезентативец Дарко Чурлинов, се наоѓа во неочекуван проблем во самиот финиш на сезоната и тоа поради натпреварот кој минатата недела го одиграа против Рединг. Имено, тој натпревар заврши без победник, исход кој повеќе му одговараше на Рединг во борбата за опстанок, но сепак, еден клуб забележа „нерегуларности“. Од Хадерсфилд се пожалија на челниците на здружението дека Компани намерно се решил за комбиниран и многу послаб тим против Рединг и затоа потфрлил на овој меч. Токму Хадерсфилд жестоко се бори за опстанок со Рединг, па ги следеше случувањата на овој натпревар, а шесте измени во стартните единаесет на Барнли не можеа да ги пропуштат. Барнли одигра навистина добро оваа сезона во Чемпионшип и веќе обезбеди промоција во Премиер Лигата на Англија. Сепак, сето тоа сега е доведено во прашање, бидејќи ЕФЛ сериозно ја разгледува оваа ситуација и побара од Барнли објаснување во врска со обвинувањата што дојдоа на нивна сметка. Доколку се докажат тврдењата на Хадерсфилд тимот на Барнли ќе се соочи со парична казна, но и многу веројатно со одземање на бодови, пренесуваат англиските медиуми. Сè уште не се знае колку бодови би му биле одземени на Барнли.

Македонија следната сезона повторно ќе има претставник во Премиер лигата

Бошко Тасиќ — Sat, 08 Apr 2023 05:01:12 +0000

Фудбалерите на Барнли се вратија во англиската Премиер лига по само една сезона помината во втората лига. Во натпреварот од 40. коло на Чемпионшип како гости го совлада Мидлсброу со 2:1, а на шест кола пред крајот на првенството обезбеди едно од првите две места кои обезбедуваат директна промоција во првиот ранг на англискиот фудбал. Головите за Барнли ги постигнаа Ешли Барнс во 12. и Конор Робертс во 66. минута, додека стрелец за Мидлсброу од пенал во 48. минута беше Чуба Акпом. Со оваа победа Барнли стигна до 87 бода, 19 повеќе од третиот Лутон Таун и 20 од четвртиот Мидлсброу, а тие две екипи до крајот на шампионатот можат да освојат максимални 18 бода. Со пласманот на Барнли во Премиер лигата, Македонија повторно добива свој претставник меѓу елитата на Островот, со оглед на тоа дека за новиот премиерлигаш настапува Дарко Чурлинов. Македонскиот репрезентативец не играше премногу оваа сезона пред се поради проблеми со повредите, но се очекува до крајот на сезоната да добие поголема минутажа бидејќи во клубот приситигна по инсистирање и како желба на тренерот Винсент Компани.

Лидерот на Чемпионшип доби забрана за трансфери

Бошко Тасиќ — Mon, 13 Mar 2023 05:17:50 +0000

Фудбалскиот клуб Барнли поради проблеми со сметководството за месец ноември, доби забрана од Англиската фудбалска лига (ЕФЛ) да прави трансфери. Во моментов, Барнли е лидер во Чемпиониш, на пат е да се врати во Премиер лигата, и оваа забрана доаѓа во многу деликатен момент. Од Барнли ја признаа грешката и се надеваат дека следниот месец забраната ќе биде тргната.

Мечот Барнли-Тотенхем одложен поради проблеми со снегот

Бошко Тасиќ — Sun, 28 Nov 2021 15:05:35 +0000

Натпреварот од 13. коло во Премиер лигата помеѓу Барнли и Тотенхем кој требаше да се одигра денеска е одложен поради снегот кој паѓаше утринава во Англија. Натпреварот требаше да започне во 15 часот, но и покрај напорите, луѓето во Барнли не успеаја да го исчистат теренот и да го подготват натпреварот. Причина за тоа е снегот кој паѓа без престан од утринава.

Барнли стави крај на серијата на Ливерпул од 68 натпревари без пораз на домашен терен во Премиер лигата

Дарко Андоновски — Fri, 22 Jan 2021 06:54:09 +0000

Ливерпул синоќа загуби со резултат 0:1 на домашен терен од Барнли во одложениот натпревар од 18. коло на шампионатот на Англија. Серијата на „црвените“ без пораз на „Енфилд“ во Премиер лигата траеше 68 натпревари. Екипата на Јирген Клоп немаше пораз на домашен терен во шампионатот три години и 273 дена. Ова е втор најдобар резултат на тим на домашен терен во историјата на Англија. Рекордот му припаѓа на Челзи и тој изнесува 86 домашни средби без пораз. По 19 кола во Премиер лигата, Ливерпул кој ја брани титулата се наоѓа на 4.место со 34 бода, шест помалку од лидерот Манчестер јунајтед.

Артета по поразот од Барнли: Арсенал целосно доминираше пред да биде исклучен Џака

Тале Кристо — Mon, 14 Dec 2020 07:46:21 +0000

Тренерот на Арсенал, Микел Артета се огласи по поразот (0:1) од Барнли синоќа во мечот 13. коло во Премиер лигата. – Ние целосно доминиравме од самиот почеток до исклучувањето на Гранит Џака. Создадовме шанси, притиснавме – расположението на играчите беше неверојатно. Игравме навистина добро. Тимот гори од желба и, веројатно, дури и премногу, бидејќи во клучните моменти ја преминавме границата и заработивме исклучување. Сакајќи премногу, мислам дека фудбалерите се неверојатно посветени на својата кауза, изјави Артета. Што се однесува до црвениот картон, знаеме дека ова е недозволиво. Во позиција во која се наоѓаме сега, ова е уште понеприфатливо. – Треба да постигнуваме голови. Тоа е она што ни недостасува, додаде предводникот на Арсенал на кого му се заканува отказ по слабите резултати во домашното првенство. Лондонци ги загубија последните четири натпревари на домашен терен во Премиер лигата – нешто што не се случило од декември 1959 година.

Барнли со историската, прва победа над Арсенал ја продолжи агонијата на „топчиите“ во Премиер лигата

Дарко Андоновски — Sun, 13 Dec 2020 21:26:02 +0000

Дијаметрално спротивни изданија прикажува Арсенал во Премиер лигата, во споредба со настапите во Лига Европа каде реди само победи. Вечерва тимот од Лондон на домашен терен загуби од Барнли со 1:0. Гостите ја забележаа првата победа во клупската историја на мечевите со Арсенал. До трите бода Барнли стигна со автоголот на Пјер-Емерик Обамејанг во 73.минута. По 12 кола Арсенал има освоено само 13 бода со биланс четири победи, еден нерешен исход и дури седум порази за 15.место на табелата. Барнли е на 17. место со девет бода од 11 средби.

Мурињо по дуелот со Барнли: 6:1 или 1:0 најважно е освоени се трите бода

Тале Кристо — Tue, 27 Oct 2020 07:39:25 +0000

Тотенхем синоќа го совлада Барнли на гостински терен со 1:0 и стигна до третата победа по шест одиграни кола во англиската Премиер лига. Тренерот на Спарс, Жозе Мурињо е задоволен од победата исто како и по дуелот со Манчестер јунајтед којшто неговиот тим го доби со 6:1. – 6:1 или 1:0 – тоа се три бода, затоа сум среќен, како по победата над Манчестер јунајтед на „Олд Трафорд“. Пред натпреварот реков дека ова не е меч за убав фудбал или игра за постигнување на многу голови. Предводникот на Барнли знае како да организира тим и да ги сопре најдобрите тимови. Пресреќен сум поради победата, бидејќи тоа беше типичен натпревар во кој лесно може да изгубите два бода, изјави Мурињо за Би-би-си. Тотенхем е петти на табелата со 11 бода, два помалку од водечките Евертон и Ливерпул.

Јунајтед загуби од Барнли, Солскјер ги брани играчите

Ивона Петрова — Thu, 23 Jan 2020 07:10:09 +0000

Тренерот на Манчестер јунајтед, Оле Гунар Солскјер по поразот (0:2) од Барнли во 24. коло од првенството на Англиј, истакна дека тимот не дејствувал правилно, но дека дава поддршка на неговите избраници. -Треба да ги кренеме рацете и да кажеме дека не сторивме доволно. Во првото полувреме создадовме неколку полушанси, но не беа доволно опасни. Противникот беше ефикасен и добро одбрани. Некои играчи на Манчестер за прв пат во животот доживуваат таков период. Кога сте во Манчестер јунајтед, играте во најголемиот и најдобриот клуб на светот. Јас им давам поддршка и ќе помогнам да се надмине овој период, изјави Солскјер. По синоќешниот пораз Манчестер е петти на табелата со 34 бода, шест помалку од Челзи кој во зоната која обезбедува учество во Лигата на шампионите.

Убедлив триумф на Манчестер сити над Барнли

Ивона Петрова — Wed, 04 Dec 2019 07:32:41 +0000

Актуелниот англиски фудбалски шампион Манчестер сити, забележа победа со 4:1 синоќа на гостувањето кај Барнли во натпревар од 15. коло. Головите за „граѓаните“ ги постигнаа Габриел Жезус (два), Родри и Ријад Марез. Стрелец на единствениот погодок за домаќинот беше Роби Брејди. Во пресрет на другите средби од ова коло, Сити е втор на табелата во Премиер лигата со 32 бода, додека Барнли е 11-ти со 18 бода