Бартомеу – Kurir.mk

Како Бартомеу ја уништи Барселона, за повеќе од половина одиграни натпревари давал бонус од 11 милиони евра

Ристе Здравков — Fri, 08 Oct 2021 14:41:42 +0000

Жоан Лапорта на почеток од годинава се врати на претседателското место во Барселона со цел да го извади клубот од долговрите на кои го создаде претходната управа предводена од Хосеп Марија Бартомеу. Радио Каталонија објави неверојатни податоци кои покажуваат како Барселона под водство на Бартомеу одите кон бездната. Радиото објави документи за бонусите на двајца фудбалери чии имиња не го објави туку потенцира дека тие се стандардни првотимци и се меѓу најдоброплатените играчи во клубот и кои сега се согласија да потпишат нови договори со намалени плати. Двајцата фудбалери имале ставка во договорот да добиваат 11.5 милиони евра бонуси доколку одиграат повеќе од половина од натпреварите на Барселона во една сезона. Потоа, двајцата играчи добивале бонус од 1.2 милиони евра за пласман во групната фаза во Лигата на шампионите, а не се памети кога Барселона не играла во елитното клупско натпреварување. Но тоа не се, играчите би добиле и по 3.5 милиони евра како бонус доколку Барселона ја освои тројната круна иако такво нешто за последен пат се случило во 2015 година. Згора на тоа, овие двајца играчи ќе добијат 15 милиони евра за три сезони како бонус за лојалност. Во првата сезона тие добија 6.7 милиони, оваа сезона ќе добијат 2.8 милиони, додека следната сезона сумата ќе изнесува 5.6 милиони евра. Кога ќе се соберат сите бонуси, Барселона би морала да исплати 50 милиони евра само на двајца фудбалери.

Куман и Бартомеу причини за одлуката на Меси да ја напушти Барселона

Тале Кристо — Wed, 26 Aug 2020 06:57:22 +0000

Се појавија информации за тоа зошто напаѓачот на Барселона, Лионел Меси одлучи да го напушти тимот. Според голем број шпански медиуми, вклучително и „АС“ и „Депорте Куатро“, новиот главен тренер на Барселона, Роналд Куман, се сретнал со Меси и му рекол дека веќе никој нема да има привилегии и уживање во тимот. Се посочува дека откако разговарал со тренерот, аргентинскиот фудбалер решил да го напушти тимот. Според „Мундо Депортиво“, одлуката на играчот била и под влијание на тоа што Барселона одлучи да се ослободи од неговиот пријател Луис Суарез. Куман му соопшти на уругвајскиот напаѓач дека не смета на него. Други извори пишуваат и за конфликтот на Лионел со раководството на клубот и особено со претседателот Јосеп Марија Бартомеу. Имаше информација дека Меси е подготвен да остане само во случај на оставка од Бартомеу. Самиот претседател ја негираше веста за неговото заминување од клубот. Во исто време, „РАЦ 1“ пренесува дека напаѓачот изразил недоверба во управата на клубот. Тој верува дека сегашните лидери не се во состојба да ја променат ситуацијата на подобро и да создадат конкурентен тим, а исто така ги обвинува претставниците на клубот за непочитување на однос кон некои од играчите. Лионел Меси е во Барселона од 2004 година. Оттогаш има одиграно 731 натпревар за каталонскиот клуб во сите натпреварувања, со постигнато 634 гола и 285 асистенции. Фудбалерот поднесе барање за раскинување на договорот, но Барселона одби, наведувајќи го фактот дека еднострано истекол клаузулата за предвремено раскинување на договорот. Претходно беше објавено дека Меси има намера да се пресели во Манчестер сити.

Бартомеу потврди: Куман ќе биде новиот тренер на Барсeлона

Тале Кристо — Tue, 18 Aug 2020 20:18:06 +0000

Претседателот на Барселона, Пеп Бартомеу потврди дека нов главен тренер на тимот ќе биде Роналд Коман. Официјалното назначување на Холанѓанецот уште не е факт, но е само формалност. – Сите медиуми пишуваат за тоа. Ако работите одат онака како што сакаме, Куман ќе го предводи тимот и ќе го објавиме тоа. Ние се обложуваме на него затоа што многу добро го познаваме, призна Бартомеу.