басист – Kurir.mk

ТАЖНА ВЕСТ: Почина басистот на познатата рок-групата „Зи-зи топ“

Тале Кристо — Thu, 29 Jul 2021 06:55:54 +0000

Басистот на рок-групата „Зи-зи топ“, Дасти Хил почина на 72-годишна возраст. Гитаристот починал во сон во неговиот дом во Хјустон, Тексас, САД. Веста за неговата смрт на Фејсбук ја објавија членовите на групата. Хил е роден на 19 мај 1949 година. Тој свиреше бас-гитара со бендот, пееше придружни и главни вокали и беше на клавијатури. Беше вклучен во „Рокенрол-салата на славните“ како член на „Зи-зи топ“, во 2004 година.

„Со тебе умре дел од мене, се гледаме горе“ – Потресна исповед на ќерката на басистот од „Рибља чорба“

Магдалена Андонова — Wed, 02 Dec 2020 08:49:42 +0000

Басистот на рок групата „Рибља чорба“, Мирослав Миша Алексиќ почина на 67-годишна возраст од последиците од коронавирусот. Во оваа тешка пригода се огласи и ќерката на Миша, Мина, која со емотивни зборови се прости од својот татко на својот профил на Фејсбук. - Јас сè уште чекам да се разбудам од овој страшен кошмар и да трчам кон тебе во прегратката на твојата неизмерна љубов. Денес голем дел од мене почина со тебе, сцената на рокенролот и животот е посиромашен за едно бесконечно добро, позитивно и искрено суштество. Ништо повеќе нема да биде исто , ниту мирисот на воздухот, ниту звукот на гитарата, ниту семејното патување, ниту вкусот на нашиот омилен оброк, ниту среќата во ситниците што си ги подготвуваме еден за друг, ниту стравот од глупости и нашите интерни шеги, започна таа и додаде: - Ми недостигаш бескрајно, но твојата енергија ќе живее вечно во мене, остави трага зад тебе што ќе биде вечна како мојата љубов кон тебе. Благодарам тато, што научи да бидеш она што сум и заради тебе храбро ќе се бориме со мама. Им благодарам на сите што беа и ќе бидат со нас. Те сакам надвор од границите на животот Чаки, небото е побогато за музичката сцена сега, среќен пат на новото патување што те чека, не заборавај ја твојата гитара. Се гледаме горе, чувај ме дотогаш, напиша Мина.

ФОТО: Почина легендарниот басист на „Прљаво казалиште“

Дарко Андоновски — Tue, 12 Mar 2019 13:40:33 +0000

Легендарниот басист на групата „Прљаво казалиште“ Дубравко Ворих утрово починал во болницата во Загреб. Лекарите на 59 годишниот музичар минатата пролет му дијагностицирале карцином, но тој не сакал да си замине од групата, па продолжил да свири на турнејата во САД и на големиот концерт кој групата летово го имаше во Загреб. Ворих со групата „Прљаво Казалиште“ свиреше повеќе десетици години.