Немири во Басра: Запалена државна зграда

Магдалена Андонова — Fri, 21 Aug 2020 19:41:23 +0000

Демонстраните денеска ја запалија локалната канцеларија на Парламентот во Басра, а безбедносните сили пукаа во воздух. Насобраниот народ побара ирачкиот Парламент да го разреши гувернерот на провинцијата откако беа убиени двајца опозициски активисти, а неколкумина повредни во три напади. Бранот насилство почна минатата недела по убиството на активистот Тахсен Осама, што предизвика тридневни протести, а полицијата употреби боева муниција откако демонстрантите фрлаа молтови коктели врз куќата на гувернерот и блокираа неколку главни патишта. Ирачкиот премиер Мустафа ал-Кадими ги отпушти шефовите на полицијата и на националаната безбедност во Басра и нареди истрага поради насилството. (МИА)

Демонстранти го запалија иранскиот конзулат во Басра

Ивана Ефремовски — Fri, 07 Sep 2018 16:23:24 +0000

Демонстрантите во Басра, вториот најголем град во Ирак, денеска го запалиле конзулатот на Иран во знак на протест против иранското мешање во ирачката политика, јави Си-Ен-Ен. Веќе неколку дена стотици демонстранти протестираат на улиците на Басра, во демонстранции кои започнаа во знак на револт поради проблемите во снабдувањето во вода и струја. Но, имајќи предвид дека во ирачкиот Парламент во тек е борба за превласт меѓу две групи шиитски политичари - една блиска до САД, а другата до Иран - околу тоа кој ќе ја формира идната ирачка Влада, протестите набргу добија политички карактер. Басра е главното ирачко пристаниште, а е и една од најважните нафтени провинции во Ирак. Свештеникот Моктада ал Садр, кој ја предводи една од водечките шиитски партии во Ирак, побара од премиерот Хајдар ал Абади веднаш да ги одобри потребните пари за подобрување на комуналните услуги во Басра од централниот буџет. Садр и Абади се обидуваат да формираат Влада и во тоа ја имаат поддршката на САД. (МИА)

басра – Kurir.mk

Немири во Басра: Запалена државна зграда

Демонстранти го запалија иранскиот конзулат во Басра