батерија – Kurir.mk

10 апликации кои најмногу ви ја цицаат батеријата на мобилниот телефон

Ристе Здравков — Mon, 17 Jul 2023 07:41:15 +0000

Апликациите за социјалните мрежи, стриминг сервисите и некои игри се меѓу најголемите виновници за трошење на батеријата на вашиот телефон, открија експертите. Според технолошките експерти, веб-локациите за технолошки тргување, апликациите кои најмногу влијаат на траењето на батеријата на вашиот паметен телефон се оние кои постојано работат во заднина – дури и кога не се користат активно, пренесува Daily Mail. Facebook и Instagram кои се во сопственост на Meta, Twitter, Snapchat и TikTok се едни од „тешкашите“, предупредуваат експертите, бидејќи апликациите имаат пристап до вашата локација, микрофон, камера и контакти во секое време. Ова е особено забележливо откако корисниците се пожалија дека новата апликација за социјално вмрежување на Meta, Threads, која собори рекорди со собирање повеќе од 109 милиони корисници од лансирањето минатата недела, ја троши батеријата на нивниот телефон „со молскавична брзина“. Некои фрустрирани корисници на новата апликација за микроблогирање, која многумина ја гледаат како директен ривал на Twitter, дури ја избришаа апликацијата откако им ја испразни батеријата на паметниот телефон. Иако причината за ова празнење на батеријата останува нејасна, експертот за сајбер безбедност Џејк Мур посочи дека тоа би можело да биде резултат на процес наречен „негативно тестирање“. „Апликациите на Meta долго време беа обвинети дека предизвикуваат празнење на батеријата на iPhone“, рече тој. „Ова може да биде затоа што програмерите се обидуваат да разберат повеќе за нивната апликација и како корисниците комуницираат со неа. Процесот наречен негативно тестирање се користи за да им помогне на програмерите да научат како луѓето ја користат апликацијата за да ја подобрат, а се сметаше дека Facebook ја користел во минатото“, вели Мур. Толп 10 апликации кои ви ја трошат батеријата: 1. Facebook 2. Twitter 3. Instagram 4. Snapchat 5. TikTok 6. Uber 7. Amazon 8. Spotify 9. Netflix 10. Candy Crush

НАСА развива батерија што може да го намали времето на полнење на електромобилите

Ивона Петрова — Wed, 12 Oct 2022 12:05:37 +0000

Нова експериментална технологија на американската вселенска агенција НАСА, која е развиена за ладење на опремата во Вселената, може драстично да го намали времето на полнење на електричните возила на само пет минути, па и помалку од тоа. Станува збор за техника наречена „изладено проточно вриење“ што го подобрува преносот на топлина од каблите за полнење и може драматично да го зголеми количеството електрична енергија што полначите може да ја достават до возилата денес. Ова всушност би го намалило времето на полнење на батериите на електричните возила, па дури и ќе овозможи полнење од нула до 100 отсто за најмногу пет минути. НАСА тврди дека околу 1.400 ампери струја би требало да бидат доволни за полнење на батеријата на просечниот електромобил за пет минути. Агенцијата вели дека напредните полначи испорачуваат струја до 520 ампери, а стандардните помали – од 150 ампери. Проблемот со оние со над 520 ампери е што полначот произведува значително повеќе топлина, што го прави опасен за корисниците. Сепак, НАСА тестираше технологија што може безбедно да ги лади каблите што спроведуваат толку висок напон. Универзитетот „Пардју“ во САД го спроведе експериментот за вриење и кондензација на проток (ФБЦЕ). Испитувањето со двофазен проток во течност и пренос на топлина било изведено во трајна микрогравитација – на Меѓународната вселенска станица (МВС). Во суштина, за тестирање на методот се користеа кабли со течно ладење. Течноста што се користела за ладење на каблите била во тн. „изладена состојба“ – далеку под точката на вриење. Користејќи ФБЦЕ-технологија, тимот постигна 2.400 ампери по должината на кабелот. Во експериментот, течноста за ладење била пумпана низ кабелот за полнење, каде што ја апсорбирала топлината. Треба да се напомене дека иако ова е многу повеќе од 1.400 ампери потребни за полнење на електричното возило за пет минути, сепак е контролиран лабораториски експеримент и не е исто како проба во реални услови. НАСА истакнува дека на тој начин, технологијата може да придонесе за пошироко прифаќање на електромобилите, особено зашто е развиена и тестирана во Вселената.

Телефонот на полнач преку цела ноќ: Добро или лошо за вашата батерија?

Ристе Здравков — Sun, 26 Jul 2020 15:27:27 +0000

Ваквото полнење на телефонот имало смисла кога на батериите им требало многу време да се наполнат, но во ерата на брзото и безжично полнење, тоа баш и не мора да биде наш прв избор. Литиум-јонската батерија која денес се наоѓа во мобилните телефони се полни побрзо, а трае подолго од порано. Уште една работа по која се разликуваат во однос на батериите кои порано се наоѓаа во телефоните, е тоа што “не сакаат” да се испразнат до крај и потоа повторно да се полнат до 100 проценти. Консензусот на произведувачите на паметни телефони е дека батеријата најдолго ќе ви трае ако постојано се наоѓа меѓу 40 и 80 проценти. И тука постои исклучок – се смета дека е добро батеријата еднаш месечно да се испразни целосно, и потоа да се наполни до 100 проценти. Што се однесува до оптималната температура на батеријата, најдобро е да биде некаде меѓу 30 и 40 степени Целзиусови, а се под или над тоа треба да ви сугерира дека нешто не е во ред. Исто така, корисниците се советуваат да користат само полнач добиен со телефонот, бидејќи некои поевтини полначи може да го скратат животот на вашиот мобилен.

Сите ги правиме истите грешки: Телефонот ви е секогаш празен?

Ивана Ефремовски — Wed, 05 Feb 2020 20:00:50 +0000

Батерии во паметните телефони се чувствителни на сопствените верзии на „стрес“, а научниците откриваат дека мобилниот телефон не треба да се полни до 100 проценти или чекаат да бидат испразнети до крај за да се полнат. По купувањето на нов телефон, повеќето имаат една забелешка на нивниот мобилен телефон – батеријата се празни премногу брзо. Причината е, се разбира, големината на екранот на паметниот телефон што троши многу енергија, чести разговори, но што е најважно – како да ја полните батеријата. Експерти од компанијата за батерии на мобилни телефони „Кадекс“ опишаа што му штети на вашиот мобилен телефон, или какви „стресови“ имаат лош ефект врз траењето на батеријата. Tech Insider ги наведе најголемите грешки при полнење: 1. Чување на вашиот мобилен телефон на полначот цела ноќ Според експертите, оставањето мобилен телефон вклучен додека е целосно наполнет е лошо за батеријата на долг рок. Откако мобилниот телефон ќе достигне 100% ниво на полнење, тој во одредено време мора да започне со празнење, но бидејќи е на полнач тој веднаш ќе почне и со полнење што ќе му ја врати енергијата. Ова и прави на батеријата постојан „стрес“, што ги троши хемиските соединенија во неа. Веднаш штом ќе се наполни целосно, извадете го мобилниот телефон од полнач. 2. Не полнете до 100 проценти Или барем кога тоа е неопходно. Батериите не треба да бидат целосно наполнети, ниту е пожелно од техничка гледна точка, бидејќи високиот напон и штети на батеријата. Подобро решение е да го вклучите вашиот мобилен телефон на кратко во електричната енергија во текот на денот. 3. Едно долго полнење? Излегува дека батериите во нашите мобилни телефони се многу посреќни ако повремено ги полниме во текот на денот наместо долгата сесија за полнење. Бидејќи ова не е практично, експертите препорачуваат само да го ставате вашиот мобилен телефон на полнач кога е можно.

Со овој трик батеријата на телефонот ќе ви трае двојно повеќе

Катерина Бојаџиева — Thu, 26 Apr 2018 09:47:11 +0000

Доколку батеријата на вашиот мобилен телефон премногу брзо ви се празни, овој едноставен трик може да ви помогне. Кога станува збор за батериите на смартфоните важните се следниве прашања: Дали премногу често го полните телефонот? Дали го оставате на полнач преку ноќ и дали сето тоа го правите на правилен начин? Докажано е дека полнењето на телефонот во кратки временски интервали не може да ја оштети батеријата. Не е точно ниту дека телефонот треба да се полни само кога батеријата е при крај. Најпознатата компанија за производство на батерии “Кадекс“, наведува дека литиум-јонската батерија има свое „ниво на стрес“ коешто може да се зголеми. Имено, ако тоа ниво се зголеми со премногу полнење, нејзиниот животен век ќе се намали, што потоа на вас ќе ви претставува проблем. Пред целосно да ви се наполни батеријата, треба да го ислучите телефонот од полнач. Никогаш не оставајте да ви се полни до 100 проценти. Никаде не е назначено дека батериите треба да се полнат до крај. Напротив, од компанијата предупредуваат дека високиот напон може да доведе до преоптеретување на батеријата што на крај ќе резултира со пократка трајност на истата.

Корисниците на Galaxy Note 8 повторно имаат проблеми со батеријата…

Александар Михаилов — Wed, 03 Jan 2018 13:36:23 +0000

Од јужнокорејската компанија Самсунг признаа дека постојат „одредени проблеми“ со батеријата на телефонот Galaxy Note 8. Британски "Daily Mail" пренесува дека сопствениците на Galaxy Note 8 телефонот се жалеле дека не можат да го вклучат својот телефон откако им се испразнила батеријата, односно откако нивниот уред се исклучил поради празна батерија. Наводно, телефонот воопшто не може да се вклучи ниту кога ќе се стави на полнач, а во некои случаеви телефонот Galaxy Note 8 не се вклучувал воопшто. После низата на пријавени слични случаеви, од Самсунг Германија одлучија да се огласат со соопштение до јавноста. „Секоја жалба ја анализираме сериозно. Примивме мал број на жалби, а за жал дури во поблиска иднина ќе бидеме во можност да го коментираме овој проблем кога ќе имаме повеќе детали за уредите кои што го имаат проблемот со баеријата“, стои во соопштението за јавноста на Самсунг. Galaxy Note 8 беше пуштен во продажба во септември минатата година и Самсунг вложи големи напори токму со „осмицата“ да ја врати довербата кај купувачите, посебно кај традиционалните фанови на Самсунг. Познато е дека претходниот модел Galaxy Note 7 имаше исто така сериозни проблеми со батеријата која што често експлодираше и телефонот се запалуваше, па беа пријавени случаеви дури и со запалени автомобили поради телефонот.