баварија – Kurir.mk

Невреме во Баварија, најмалку 30 повредени

Ивона Петрова — Sun, 27 Aug 2023 08:40:40 +0000

Најмалку 30 лица се повредени во невреме во местото Кисинг во Баварија, на околу 10 километри југозападно од Аугсбург во јужна Германија, јавија локалните медиуми. Невремето проследено со силни ветришта урна шатор во кој се служело пиво, при што шест лица се здобиле со сериозни повреди додека се обидувале да го задржат шаторот и покрај силните налети на ветерот, пишува весникот „Аугсбургер Алгемајне“. Итната помош ги згрижила повредените и повикала хеликоптер да ги пренесе тие со посериозни повреди.

Силен ветер и снег предизвикаа хаос на патиштата во Баварија

Ивона Петрова — Thu, 02 Feb 2023 13:13:32 +0000

Снегот и силниот ветер денеска доведоа до отежнати услови за сообраќај на патиштата во јужна Германија, а полицијата во Долна Баварија пријави речиси 100 инциденти. Поради силниот ветер паднаа дрвја, а многу возачи завршија во канали покрај патот, соопштија од итните служби, со предупредување за поледица. Германската метеоролошка служба предвиде силни ветрови, снежни наноси и обилни снежни врнежи во источна Баварија и Баварските Алпи. На Алпите над 1.000 метри надморска височина би можело да падне меѓу 20 и 40 сантиметри снег, објави Германската метеоролошка служба, а слични количини врнежи се можни и над 800 метри во Баварската шума. Помали количини врнежи се очекуваат во блиското подрачје.

Уапсена жена која со остар предмет повредила повеќе лица во Баварија

Ивана Ефремовски — Tue, 23 Aug 2022 19:05:13 +0000

Повеќе лица се повредени при напад со остар предмет во Вајден ин дер Оберпфалц во германската покраина Баварија. Очевидци пријавиле во полиција дека жена нападнала повеќе лица со предмет што наликува на меч. Полицијата соопшти дека жената е уапсена и веќе не претставува опасност за населението. На местото на настанот има и Брза помош, која ги прегледува повредените. Засега нема повеќе детали за нападот. (МИА)

Поради војната во Украина, пиварите од Баварија речиси и да не испорачуваат пиво во Русија

Тале Кристо — Tue, 23 Aug 2022 12:45:41 +0000

Пиварите од германската покраина Баварија, поради војната во Украина, речиси и да не испорачуваат пиво во Русија. Според податоците на Баварската земјоделска асоцијација, извозот на пиво во Русија речиси е целосно запрен. Портпаролот Лотар Еберц за „Билд“ информираше оти во јануари извезени се околу 77.477, а во февруари 78.797 хектолитри пиво во Русија. – По почетокот на војната во Украина, значително опадна извозот на пиво во Русија. Во март на околу 47.313, а во јуни на 23.249 хектолитри, наведе Еберц. За пиварите, запрен извоз во Русија е посебен проблем затоа што taa dr\ava, по Италија, е најголема извозна дестинација за пиво од Баварија. Минатата година Баварија извезе околу 950.000 хектолитри пиво во Русија.

Баварија на границата со Австрија воведува станици за тестирање на Ковид-19

Магдалена Андонова — Mon, 27 Jul 2020 11:45:59 +0000

Германската покраина Баварија воведува станици за тестирање на Ковид-19 на граничните премини со Австрија. Премиерот на Баварија, Маркус Седер изјави дека сака сите што влегуваат во Баварија да се тестираат, а се залага и во Берлин да биде усвоена законска основа за обврзно тестирање на патниците при влез во Германија. Седер бара да се тестираат сите патници кои влегуваат во Германија по копнен, железнички или воздушен пат. Тој додаде дека Баварија се подготвува да почне со обврзното тестирање откако сојузната држава ќе создаде законски услови. (МИА)

Откажан Октоберфест

Ивона Петрова — Tue, 21 Apr 2020 09:51:24 +0000

Овогодишниот Октоберфест е отказан поради пандемијата на новиот коронавирус, соопштија властите во германската покраина Баварија. Познавачите оценуваат дека откажувањето на светски познатиот пиво-фестивал, ќе има огромно влијание на економијата на градот Минхен. Обично, во тоа време од годината, најмалку шест милиони луѓе ја посетуваат Баварија. Фестивалот којшто трае две недели, и се одржува под шатори со долги дрвени маси, на Минхен му носи приход од над милијарда евра годишно.

Баварија: Отворен хотел во кој германски колбаси има не само во менито туку и на тапетите

Предраг Кукиќ — Mon, 26 Nov 2018 10:03:23 +0000

Клаус Бебел, месар од баварскиот град Георгенсгмуенд, отвори хотел, и однапред предупредува дека тој не е за вегетаријанци, но ќе биде вистински рај за љубителите на германскиот домашен колбас. – Несогласувањата се во основата на мојата работа. Гостите или веднаш ќе го засакаат ова место, или пак, ќе си заминат и ќе речат „никогаш повеќе“, се пошегува месарот. Новиот хотел има седум соби и секоја е облепена со тапети со слики од сочни колбаси и мешана комбинација од месни производи. На влезот од објектот, поточно на рецепција, може да се послужите со конзервиран колбас, домашно производство на сопственикот.

Локални избори во Баварија

Ивана Ефремовски — Sun, 14 Oct 2018 08:41:52 +0000

Околу 9,5 милиони луѓе имаат право да гласаат на денешните локални избори во германската покраина Баварија. Според анкетите, се очекува досега доминантната конзервативна Христијанско-социјална унија да доживее неуспех. Анкетите покажуваат дека ЦСУ, која зазеде цврст став за миграцијата, ја губи поддршката и од левичарските и од десничарски настроените граѓани, додека партијата Зелените ги придобива гласовите на либералните гласачи. Најголем конкурент на ЦСУ е Алтернатива за Германија. Избирачките места ќе бидат отворени до 18 часот по локално време, а резултатите ќе се знаат кратко по затворањето.

Баварски суд разгледува апсење официјални лица поради загадувањето на воздухот

Предраг Кукиќ — Mon, 27 Aug 2018 13:32:32 +0000

Германски судии разгледуваат апсење баварски официјални лица бидејќи не презеле акција против загадување на воздухот во Минхен, објавија германски весници. Весникот Зидојче цајтунг објави дека административен суд верува дека апсењето на официјални лица би бил најефикасен начин на присилување на баварската влада да верува дека воведува мерки за намалување на емисијата на штетни гасови. Минхен е на врвот на листата на 65 германски градови кои надминуваат нивоа на штетни честички во воздухот во изминатите 365 денови. Баварски официјални лица одбија воведување еколошки мерки во државната престолнина, како што е лимитирана забрана на управување со дизел возила, и покрај големите казни. Според медиумите во Германија, баварските судии сакаат правни совети од Европскиот суд за да може да се овозможи апсење на официјални лица меѓу кои, министерот за екологија Марсел Хубер и државниот гувернер Маркус Соедер. (МИА)

Голем пожар беснее во Баварија: 135 пожарникари се борат со огнената стихија, прогласена вонредна состојба

Ивона Петрова — Thu, 09 Aug 2018 18:21:53 +0000

Властите на градот Розенхајм во југоисточниот дел на германската покраина Баварија попладнево прогласија вонредна состојба, поради пожарот што веќе неколку часа беснее во блискиот шумски предел, јави ДПА. Во гаснењето на огнот учествуваат 135 пожарникари и 30 припадници на планинската спасувачка служба, на кои им помагаат четири хеликоптери. Поради пожарот властите ги затворија за движење туристичките патеки на блиската планина Шварценберг, што се наоѓа на германско-австриската граница МИА