бегалски камп – Kurir.mk

Најмалку 47 тела извлечени од урнатините на бегалскиот камп Џабалија

Катерина Бојаџиева — Tue, 31 Oct 2023 16:47:05 +0000

Најмалку 47 тела се извлечени од урнатините во бегалскиот камп Џабалија по експлозијата, јавуваат француски медиуми чии дописници се на местото на настанот. Израелската Армија се уште не ја коментираше експлозијата во бегалскиот камп во северниот дел на Газа. Министерството за здравство на Газа го обвини израелскиот воздушен напад за експлозијата, наведувајќи дека загинале најмалку 50 луѓе. Фотографиите направени од британски фотограф покажуваат срамнети со земја згради и тела кои се извлекуваат од урнатините.

Грција: Во бегалскиот камп Мориа 17 позитивни случаи на Ковид-19

Магдалена Андонова — Tue, 08 Sep 2020 10:31:57 +0000

Во бегалскиот камп Мориа на грчкиот остров Лезбос регистрирани се вкупно 17 позитивни случаи на Ковид-19, по масовните тестирања од Националната организација за јавно здравје на Грција, објавија грчките медиуми, јави дописничката на МИА од Атина. Тестирањата започнаа откако минатата седмица беше поврден првиот позитивен случај кај бегалец од Сомалија. Министерот за миграција и азил на Грција, Нотис Митаракис, во интервју за грчката телевизија „ЕРТ“ рече дека никој од заболените бегалци и мигранти не е во сериозна состојба. Паралелно, од вчера во 14-дневен карантин се уште три бегалски кампови во регионот Атика, поради потврдени случаи на Ковид-19. (МИА)

Масовни тестирања за Ковид-19 во бегалскиот камп Мориа на грчкиот остров Лезбос

Магдалена Андонова — Fri, 04 Sep 2020 12:34:19 +0000

Откако беше потврден првиот случај на Ковид-19 во најголемиот бегалски камп во Грција, на островот Лезбос, Националната организација за јавно здравје од вчера започна тестирање на мигрантите и бегалците за коронавирусот, јави дописничката на МИА од Атина. Кампот Мориа, од завчера е во карантин, а планирано е во следните денови да се спроведат 2.000 тестирања. Два позитивни случаи на Ковид-19 беа потврдени и кај двајца баратели на азил сместени во бегалскиот камп во Инофита во централна Грција, а прифатниот центар, од вчера до 16 септември во карантин. (МИА)

Вакцинирани над 2.000 деца во бегалски камп во Грција

Магдалена Андонова — Mon, 27 Jul 2020 07:53:36 +0000

Над 2.000 деца бегалци сместени во прифатниот центар Мориа на грчкиот остров Лезбос, беа вакцинирани за мали сипаници, заушки и рубеола, со што заврши првата фаза од програмата на Националната организација за јавно здравје на Грција за вакцинирање на деца сместени во бегалските кампови во земјата, јави дописничката на МИА од Атина. Масовното вакцинирање од денеска продолжува во прифатните центри во Атика и северна Грција, а потоа ќе следи и во бегалските кампови на островите Самос и Лерос. Во рамките на програмата ќе бидат вакцинираат над 7.000 деца бегалци. (МИА)

Грчката здравствена организација почнува со вакцинирање на над 7.000 деца во бегалските кампови

Ивона Петрова — Fri, 24 Jul 2020 07:34:26 +0000

Од прифатниот центар Мориа на грчкиот остров Лезбос, Националната организација за јавно здравје на Грција започнува со вакцинирање за мали сипаници, заушки и рубеола на над 7.000 деца сместени во бегалските кампови во земјата, јави дописничката на МИА од Атина. Масовното вакцинирање ќе се спроведе во 17 кампови и прифатни центри, а започнува со 3000 вакцини во Мориа и продолжува на островите Самос и Лерос. Дополнително ќе се вакцинираат и над 4.000 деца во останатите кампови во цела Грција.

Во карантин бегалски камп во Грција

Тале Кристо — Sat, 06 Jun 2020 09:29:09 +0000

Со заедничка одлука на Министерствата за цивилна заштита, за здравство и за миграциска политика на Грција, бегалскиот камп во близина на грчкиот град Килкис, до 17 јуни е во карантин и е ограничено движењето на бегалците и мигрантите што се сместени таму, соопштија од Министерството за миграција и азил на Грција, јави дописничката на МИА од Атина. Дополнително не се објаснети причините, меѓутоа според грчките медиуми, во изминатите денови бил регистриран позитивен случај на Ковид-19 кај бремена жена, која престојува во кампот. Од надлежното Министерство, соопштија и дека до 21 јуни 2020 година се продолжуваат мерките за спречување на ширењето на новиот коронавирус во три други бегалски кампови како и во центрите за прием и регистрација на бегалци и мигранти што се наоѓаат на островите.

Коронавирусот влезе во најголемиот бегалски камп во светот

Ивона Петрова — Fri, 15 May 2020 05:47:08 +0000

Новиот коронавирус влезе во најголемиот бегалски камп во светот, Кокс базар во Бангладеш, откако заболе еден Рохинџи бегалец од Мјанмар. Инфицираното лице е ставено во изолација, а уште 1.900 бегалци се изолирани во очекување да бидат тестирани, јави Би Би Си. Рохинџи бегалците од Мјанмар се наоѓаат во карантин во Кокс базар од 14 март. Хуманитарните агенции со недели предупредуваат на можноста за инфекција кај Рохинџи бегалците кои живеат во пренатрупани кампови и во лоши услови, со ограничен пристап до чиста вода. – Сега вирусот влезе во најголемиот камп за бегалци во светот и многу е можно илјадници луѓе да умрат од Ковид-19, рече д-р Самим Јахан, директор на организацијата Да ги спасиме децата во Бангладеш.