бегање – Kurir.mk

ДРАМА: Бега од венчавка – младата трча колку што ја држи силата, младоженецот се обиде да ја спречи (ВИДЕО)

Магдалена Андонова — Sun, 09 May 2021 17:40:19 +0000

Сигурно сте слушнале дека невеста рекла „не“ на свадбата или дека побегнала од церемонијата, но ретко кој може да замисли дека тоа навистина се случува. Најдовме видео на социјалната мрежа ТикТок, во кое невестата бега од венчавката, па влегува во автомобилот во кој ја чека возачот и бега, додека младоженецот трча по неа, но тој не успеа да ја стигне. Сè што успеа да стори е да го фрли чевелот кон автомобилот во кој таа побегна. Ова видео е направено како смешна скица, а автор е девојче по име Нина Драма на ТикТок, а нејзиното вистинско име е Нина Мари Даниели.

@ninadramaWhat would u do? 😳 POV in @brittneyraeallday page 👰🏻💔 #wedding #weddingdress #fail #valentinesday #ninadrama #funny ♬ original sound - Nina Marie Daniele

На овој профил вообичаено се разгледуваат многу ситуации поврзани со секојдневниот живот на паровите, но секогаш со одредена количина хумор.

ВИДЕО: Мијалков пред судот тврдеше дека бегањето не е во негов стил, МВР се уште трага по него!

Тале Кристо — Mon, 22 Feb 2021 11:13:31 +0000

Поранешниот директор на УБК, Сашо Мијалков од вчера не е достапен за органите на прогонот. По него веќе е распишана национална потерница, а од МВР информират дека ќе бараат распишување и на меѓународна. Инаку, Мијалков неодамна во своите завршни зборорови пред судот тврдеше дека бегањето не е во негов стил и доколку Апелациониот суд ја потврди пресудата, тоа ќе го реши со извршување на казната. -Со бегање проблемите не се решават. Стилот на моето живеење и однесување не е бегањето. Односно сакам да кажам, јас никогаш нема да побегнам. и доколку оваа пресуда ја потврди и Апелациониот суд, тоа ќе го решам со извршување на казната, никако со бегање, истакна пред судот во своите завршни зборови неодамна Мијалков. Куќниот притвор изминатиот викенд го изрекоа од Основниот кривичен суд во Скопје по предлог на обвинителството кое побарало построга мерка на претпазливост во пресрет на изрекување на пресудата за случајот „Таргет-Тврдина“ на 26 февруари. Мијалков последен пат, како што објавивме, бил забележан во кафулето „Дистрикт“, кое се наоѓа во рамки на хотелот „Мериот“, во непосредна близина на скопскиот плоштад.

Кавадарчанец скршил нога бегајќи од полиција за време на полициски час

Ивона Петрова — Thu, 09 Apr 2020 08:33:53 +0000

Добил скршеници прескокнувајќи ограда, бегајќи од полиција за време полициски час. Ваква драма му се случила синоќа на 30-годишен кавадарчанец, потврди за МИА Ратко Грков, доктор во Брза помош од Кавадарци. -Интервениравме на повик синоќа околу 18 часот. Младиот човек имаше комплетно две скршеници на двете коски на потколеница. Имобилизиравме и го пренесовме во болница. Стануваше збор за повреда за која е потребен оперативен третман, рече докторот. Според тоа што го раскажал 30-годишникот, додека се движел со автомобил, му била покажана полициска палка за да застане. Не го почитувал знакот и продолжил кон селото Марена. Во селото излегол од возилото и се обидел да прескокне ограда за да влезе во дворот на другар. Таму и се повредил. Со повреденото момче било уште едно лице кое имало зголемена температура и болки во гради и мускули, па било упатено кај матичен лекар за да му се направи епидемиолошка анкета за понатамошно постапување, според препораките на Министерството за здравство. Со Брза помош било однесено дома со препорака да се самоизолира.