бегзит – Kurir.mk

Туск: Нема повторно да се преговара за договор за Брегзит

Дарко Андоновски — Wed, 30 Jan 2019 06:29:25 +0000

Претседателот на Европскиот совет Доналд Туск синоќа изјави дека нема повторно да се преговара за излезот на Велика Британија од Европската унија, откако премиерката Тереза Меј најави дека ќе се обиде да го преиначи договорот за Брегзит. Претходно британскиот Парламент поддржа амандман на договорот со кој на премиерката и се сугерира да побара од Брисел да го замени со алтернативни договори таканаречениот „бекстоп“ – чија цел е избегнување царински контроли на границата меѓу Северна и Република Ирска. – Договорот за повлекувањето е и останува наjдобар и единствен начин да се обезбеди уредено повлекување на Британија од ЕУ, соопшти Туск преку својот портпарол. Договорот, како што истакна, не е отворен за повторно преговарање.

ЕСП: Лондон може да го отповика Брегзит без одобрение од ЕУ

Дарко Андоновски — Mon, 10 Dec 2018 09:32:26 +0000

Европскиот Суд за правда во Луксембург се изјасни за можноста Обединетото Кралство да го откаже процесот на повлекување од ЕУ доколу така одлучи. Одлуката на Судот доаѓа еден ден пред круцијалното гласање во британскиот парламент за Договорот за Брегзит. -Обединетото Кралство е слободно унилатерално да ја отповиква нотификација за намерата за повлекување од ЕУ, порача денеска Европскиот Суд за правда. Судот смета дека Лондон има право без одобрение од другите 27 земји членки да го укине процесот на напуштање на ЕУ и да остане членка на Унија под истите услови како и претходно, но само доколу тоа произлегува од парламентарна одлука. Предметот пред ЕСП го поднесоа неколку британски политичари од различни политички партии.

Пад на вредноста на фунтата и акциите на берзата по оставките во Британија

Ивона Петрова — Thu, 15 Nov 2018 11:22:45 +0000

Вредноста на фунтата утрово на Лондонската берза е намалена за повеќе од 1,0 отсто во однос на доларот и еврото, а цените на акциите се намалуваат по информациите за оставки на британски министри поради нацрт-договорот за Брегзит. Британската валута на многу волатилното тргување падна за еден процент во однос на доларот, на 1,2839 долари и за 1,3 отсто во однос на еврото, на 88,23 пени. Сепак, падот на фунтата помогна индексот на Лондонската берза ФТСЕ 100, која главно се однесува на извозниците, да зајакне за 0,3 отсто. Оставките во британската Влада се одразија и на цените на акциите и деловните сектори во Велика Британија, кои инаку се чувствителни на настаните околу Брегзит. Вредноста на акциите на градежните и малопродажните компании и домашните банки длабоко потона, при што индексот на Лондонската берза ФТСЕ 250 падна за 1,0 процент при рано тргување. МИА