бејл – Kurir.mk

Тотенхем подготвен да го врати Бејл во Реал

Тале Кристо — Fri, 15 Jan 2021 11:21:12 +0000

Тотенхем нема да го продолжи договорот за наем на напаѓачот на Реал, Герет Бејл, пишува „Тајмс“. Според британскиот весник, 31-годишниот играч не го импресионирал раководството на лондонскиот клуб со својот настап, па затоа се подготвени да го вратат напаѓачот во Реал. Претходно беше објавено дека Велшанецот сака да добие уште една шанса во клубот од Мадрид и да го одработи договорот до крајот. Во сезоната 2020/21, Бејл учествуваше на 12 натпревари, постигнувајќи три гола. Неговиот договор со Реал Мадрид трае до летото 2022 година.

Рамос, Азар и Модриќ гласаа за Зидан, Бејл не, во изборот за тренер на годината

Тале Кристо — Fri, 18 Dec 2020 07:45:32 +0000

Познато е како гласаа фудбалерите на Реал Мадрид во изборот на ФИФА за најдобар тренер за 2020 година. Капитенот на Реал и на шпанската фудбалска репрезентација, Серхио Рамос и играчот за врска и предводник на Белгија, Еден Азар го ставија Зинедин Зидан на првото место, додека играчот за врска на Реал и капитен на Хрватска, Лука Модриќ, го смести Зидан на второто место, по Ханс-Дитер Флик од Баерн Минхен. Капитенот на Велс и член на „кралскиот клуб“ кој во моментов е позајмен во Тотенхем, Герет Бејл, не го наведе Зидан во најдобрите тројца. Велшанецот, кој не добиваше доволно минутажа од Французинот, своите гласови ги даде на Флик, Јирген Клоп (Ливерпул) и Хулен Лопетеги (Севиља). Зидан не се пласираше помеѓу најдобри тројца во номинацијата за тренер на годината.

Тотенхем има намера да го купи Бејл за 15 милиони евра

Тале Кристо — Tue, 10 Nov 2020 10:49:11 +0000

Напаѓачот на Тотенхем, Герет Бејл, кој во Лондон е на позајмица од Реал Мадрид, може да остане во тимот на Спарс, пренесува „Калчомеркато“. Според изворот, Тотенхем е подготвен да го откупи договорот на 31-годишниот Велшанец за 15 милиони евра. Бејл игра за Тотенхем од летото 2020 година. Според условите на зделката, „Реал“ му плаќа на играчот 415 илјади евра неделно. Во тековната сезона, Бејл има три натпревари и еден гол.

Клуб од МЛС одби да го купи Бејл

Тале Кристо — Tue, 19 May 2020 07:17:06 +0000

Агентите на напаѓачот на Реал, Герет Бејл, го понудија фудбалерот на еден од клубовите на МЛС, јави „Атлетик“. Според изворот, неименуван клуб одбил да го купи 30-годишен Велшанец. Претходно, самиот Бејл изјави дека е заинтересиран да ја продолжи кариера во Соединетите Американски Држави. Оваа сезона Бејл има три гола и две асистенции на 18 натпревари за Реал Мадрид. Порталот „Transfermarkt.com“ ја проценува вредноста на Велшанецот на 32 милиони евра.

Њукасл е подготвен да плати 60 милиони евра за Бејл

Тале Кристо — Wed, 13 May 2020 08:26:23 +0000

Премиерлигашот Њукасл сака летово да го врати во шампионатот на Англија, напаѓачот на Реал Мадрид, Герет Бејл. Според „Марка“, англискиот клуб, кој ќе има нов сопственик од Саудиска Арабија, е подготвен да плати 60 милиони евра за 30-годишниот Велшанец. Договорот на Бејл со Реал истекува летото 2022 година. „Трансфермаркет“, го проценува Бејл на 40 милиони евра. Оваа сезона, Велшанецот одигра 17 натпревари, постигна два гола и направи две асистенции.

Зидан: Бејл е многу близу до заминување!

Дарко Андоновски — Sun, 21 Jul 2019 07:37:45 +0000

Тренерот на Реал Мадрид, Зинедин Зидан, призна дека сосема смислено не го пуштил во игра Герет Бејл при поразот од 1: 3 од Баерн Минхен. Францускиот ментор рече дека велшкиот репрезентативец е многу близу до заминување, надевајќи се дека тоа ќе се случи многу наскоро. – Бејл не игра затоа што е многу близу до заминување, и се надеваме дека ова ќе се случи наскоро. Така ќе биде најдобро за сите. Работиме на трансфер во нов тим. Немам ништо лично против него, но доаѓа момент кога работите треба да бидат завршени. Должен сум да ги донесам овие одлуки. Имаме потреба од промена, додаде тој. Тој додаде и дека причината за неговото напуштање е тренерско решение, но исто така и на самиот играч. – Бејл ја знае ситуацијата, која треба да се промени. Не можам да кажам дали за 24 или 48 часа, но тоа би било од корист за сите, заклучува Зидан.

Зидан: Нема промена во ситуацијата со Бејл

Дарко Андоновски — Sat, 20 Jul 2019 09:19:55 +0000

Нема промена во ситуацијата со Герет Бејл. Ова го објави Зинедин Зидан на неговата прва прес-конференција по почетокот на подготовките. За велшкиот репрезентативец се бара клуб, но никој не го сака неговиот потпис, а и тој самиот нема намера да замине сé додека има договор за уште три сезони и огромна плата. – Нема проблем со Бејл. Никогаш нема да кажам дека еден играч е проблем за тимот. Сè може да се случи. Ќе видиме. Тој има договор со нас и нема промени од јуни, изјави Зидан пред натпреварот со Баерн од „Интернационал чемпионс Куп“. Французинот, исто така, коментираше и за други работи во врска со тимот. – Среќен сум затоа што подготовката оди добро. Момчињата работат со расположение и така мора да биде. Ни недостасува физичка подготвка, но ова е логично. Доаѓаме да играме, но знаеме што сакаме да постигнеме и имаме време. Погба? Клубот знае што сака, па ќе видиме. Сега размислуваме за претстојните дуели. Кубо се адаптира одлично и се чини како да е со нас долго време. Сите играчи заслужуваат почит и се трудам да бидам искрен со нив. Азар имаше потреба да дојде кај нас, и ние сме сигурни дека тој ќе стане уште подобар, рече Зидан.

Реал Мадрид тргна по Погба, во договорот го вклучува и Бејл

Дарко Андоновски — Sat, 08 Jun 2019 10:07:18 +0000

Реал го вклучува Бејл во договорот за Погба Реал Мадрид е подготвен да го вклучи Герет Бејл во договорот за Пол Погба, пишува денес британски „Мирор“. „Белите“ веќе долго време се интересираат за францускиот играч од средниот ред, а од друга страна, тренерот на тимот Зинедин Зидан на било кој начин се обидува да го испрати Бејл надвор од „Сантијаго Бернабеу“. Реал Мадрид веќе ги оствари трансферите на Лука Јовиќ и Еден Азар, а следни на нивната листа се Погба и Кристијан Ериксен од Тотенхем. Манчестер Јунајтед ќе бара сума не помалку од 130 милиони фунти за да се раздели со Погба, кој пред три години пристигна на „Олд Трафорд“ за 105 милиони евра. Мадрид се надева дека Бејл ќе го намали бараниот износ, но црвените едвај ќе се согласат, со оглед на честите повреди на Велс и колеблив облик во текот на минатата сезона. Дваесет и девет-годишниот Бејл е незадоволен од неговиот статус на „Сантијаго Бернабеу“, бидејќи често е резерва. Велшанецот, кој минатата сезона забележа 14 гола и 6 асистенции на 42 натпревари за гигантот од Шпанија, е подготвен да се врати во Велика Британија. Дваесет и шест-годишниот Погба ја заврши кампањата 2018/2019 со 16 голови и 11 асистенции во 47 дуели за Јунајтед.