бекир асани – Kurir.mk

Бекир Асани нема да одговара во случајот „Пајак“

Ристе Здравков — Mon, 11 Feb 2019 14:42:50 +0000

Обвинителството нема да го гони функционерот на ДУИ, Бекир Асани, кој пред една година ја нападна полицајката Јасмина Јаначкова, која заедно со пајак-службата се обидела да го крене неговото непрописно паркирано возило. Oбвинителот констатирал дека кривичното дело напад врз службено лице не може се гони по службена должност и ја затворил постапката против Асани, јавува Макфакс. Асани, по инцидентот даваше исказ во полициската станица Бит пазар. Тогаш случајот се најде и во дневните билтени. -Денеска околу 10 часот на крстосниците на булевар Гоце Делчев и улица Филип Втори во Скопје, при подигање на патничко моторно возило „ланд ровер” со скопски регистарски ознаки со специјално возило „пајак”, од страна на Б.А. вербално е нападната полициска службеничка, која била на местото на настанот. Бидејќи Б.А. агресивно се однесувал кон полициската службеничка, биле повикани и други полициски службеници на местото на настанот. Се работи на целосно расчистување на случајот – соопштија тогаш од полицијата.

„Заев и СДСМ мора да се прилично очајни штом ангажираат лица осудени за тешки кривични дела во кампањата за промена на името, уставот, идентитетот и јазикот“

Катерина Бојаџиева — Tue, 25 Sep 2018 07:33:22 +0000

Бекир Асани може да биде симбол на Заевата визија за “европска Македонија”, но сигурно не може да биде модел за илјадници млади Македонци кои веќе се чувствуваат како дел од Европа и се подготвени да се натпреваруваат со своите врсници. Осуденици на тешки кривични дела може да бидат поткрепа на Заев во лагата дека со откажување од македонскиот идентитет ќе тече “мед и млеко”, но тие не може да бидат урнек за чесниот и достоинствен македонски работник, велат од ВМРО-ДПМНЕ. -Од вчера и Бекир Асани и лица осудени за тешки кривични дела станаа адути на заевата кампања со која што се обидува да го изманипулира македонскиот народ за да ја легитимира капитулцијата на која што се согласи, а која подразбира бришење на македонскиот идентитет. Човек како Асани кој нападна службено лице, полицаец, настан кој власта и Спасовски направија се за да го прикријат не може да бидат дел од европската иднина на Македонија колку и да го поддржуваат Зоран Заев. Зоран Заев и СДСМ мора да се прилично очајни штом ги ангажираат овие луѓе во кампањата за промена на името, уставот, идентитетот и јазикот, стои во соопштението на ВМРО-ДПМНЕ и се додава: „Криминалот е главен мотив на власта. Јавноста во изминативе година и половина виде се освен европските манири на владата на СДСМ и Зоран Заев. Криминалните тендери и грантови доделени на високи партиски и државни функционери не се дел од вредностите на Европската Унија и западната цивилизација. Човек со свиткана кичма кој е спремен да ги продаде националните и државните интереси само за да си ја спаси својата политичка кариера, не е пример за Европски политичар. Македонија не може да стане членка ниту на ЕУ ниту на НАТО додека со неа раководи човек кој целата јавност го виде како бара мито од 200 илјади евра, а судот наместо да го казни го амнестираше за неговите криминали“. Референдумската кампања на СДСМ, се додава, е манипулативна како што е и прашањето кое Заев и СДСМ им го поставија на граѓаните. -Македонија нема проблем со своето име, туку со корумпирани, транзициски политичари кои цели 27 години ја пустошат државата и ја крадат иднината на нашите поколенија. СДСМ и Зоран Заев се единствена пречка за интеграцијата на Македонија во ЕУ и НАТО. Тие се единствената пречка за европска Македонија. Само кога СДСМ и Заев ќе заминат, Македонија ќе тргне напред. Македонија ќе победи!

Групата на Бекир Асани го претепа градоначалникот на Чаир, Висар Ганиу

Даниел Василев — Mon, 30 Apr 2018 08:36:10 +0000

Градоначалникот на скопската општина Чаир, Висар Ганиу, беше претепан од страна на бандите на ДУИ и различните фракции во оваа општинска организација, барајќи од него да молчи и да не се даде било каква изјава на органите на полицијата, пишува порталот на албански јазик „КумановаПресс“, повикувајќи се на сопствени неименувани извори. Порталот, цитирајќи информации од извор од општината Чаир, кој инсистирал на анонимност, пишува дека нетрпеливоста која долго време се забележува во рамките на структурите на ДУИ, особено во чаирскиот огранок, испливала на порвшина со тоа што група неидентификувани лица, припадници на една од фракциите во Чаир, го претепаа градоначалникот влечејќи го низ ходниците на општината зграда. Според некои информации, кои доаѓаат од извори во рамките на структурите на ДУИ во Чаир, групата на Бекир Асани лично го истепала градоначалникот на Чаир, Висар Ганиу. Неофицијалните информации, според порталот, велат дека се зборува дека ова го принудило Ганиу да се повлече и да поднесе оставка од позицијата градоначалник на Чаир. Ситуацијата која преовладува во општината меѓу бандите во Чаир е алармантна, се наведува дека ова е цената по „победата“, со која се соочува со „доброто“ момче на Чаир – ова е цената која тој сега ја плаќа, да биде претепан од страна на неговите партиски пријатели, поради тоа што не потпишал тендерска документација. Задолжените за тендери во ДУИ, заедно со партиските банди, бараат од доброто момче на општината – значи Висар Ганиу, тој да биде послушен на сите фракции во рамките на ДУИ на чаирскиот огранок – исполнувајќи ги сите барања на секоја партиска група. Тоталната тишината која преовладува во рамките на општината, подразбира дека дека „доброто момче“ на Беќо е претепан токму од неговиот шеф – Бекир Асани, бидејќи не ги слушал зборовите на Беќо и тоа го принуди Висар да понуди оставка. Досега, ниту еден од чаирскиот огранок на ДУИ се нема изјаснето за овој настан, а оваа тишина подразбира дека нешто се случило, додека сите функцинери на оваа партија молчат, од „КумановоПресс“ прашуваат по Ганиу, чиј е редот за ќотек?

Милчин очекува власта да го заташка случајот со полицајката

Ивана Ефремовски — Fri, 09 Mar 2018 11:08:36 +0000

Владимир Милчин во емисијата „Само Вистина“ на Канал 5 ТВ, Бекир Асани од ДУИ го нарече насилник заради тоа што неодамна удри полицајка во Скопје. -Кај нас разочарува тоа дека некаков насилник кој е на врв на партија на ДУИ ја натепал или ја удрил, ма не морал да ја удри, доволно е да ја испцуе полицајката. Настрана што е женско во прашање. Кој е тој вид на силеџиство, истакна Милчин. Тој очекува власта да го заташка случајот бидејќи Османи како човек кој собира данок и е близок до врвот на власта ќе биде толериран со што ќе нема никакви санкции за него. -Мислам дека нема да има санкционирање на овој случај . Се работи за човек кој е очигледно ако не е член, формално на врвот, тој е веднаш тука до врвот. Тој им е потребен инаку зошто би го толерирале. Човекот е познат како човек кој е собирач на данок. Според тоа, не очекувам апсолутно ништо да му се случи. Да не има никаква постапка , да се истумба работата да се направи една вербална акробатика за тоа дека било вака или онака. Претпоставувам дека нејзе и е кажано дека подобро е работата да се смири затоа што кој знае какви последици може да има, констатираше Милчин.

Братот на Бекир Асани му се заканувал на претседателот на ЗНМ, Насер Селмани

Катерина Бојаџиева — Wed, 07 Mar 2018 23:05:02 +0000

Братот на Бекир Асани, Бејтула Асани му се заканувал на претседателот на ЗНМ, Насер Селмани, потврдуваат од ЗНМ. Селмани добил порака на Фејсбук со заканувачка содржина, а од Здружението велат дека случајот е пријавен во полиција. Заканите доаѓаат откако Селмани на својот Фејсбук профил напиша дека правната држава клекна пред еден силеџија, за случајот со пајакот и полицајката. Очигледно со ова е запознаена и меѓународната заедница, бидејќи со осуда се огласи Претставникит на ОБСЕ за слобода на медиумите, Харлем Дезир.

Бекир Асани се врати на местото на злосторството- со исто возило на исто место (ФОТО+ВИДЕО)

Катерина Бојаџиева — Tue, 06 Mar 2018 19:20:06 +0000

Бекир Асани, поранешниот претседател на општинската организација на ДУИ во Чаир, повторно го паркирал своето возило на истото место каде што при обид пајак-служба да го крене возилото, пајакот ја повреди полицајката. Читатели на „Република“ испратија видео и фотографија, тврдејќи дека Асани е повторно на местото на злосторството- со истото возило на истото место. Дали овојпат полицијата ќе реагира?! Дали и вечерва пајакот ќе биде победникот, Асани ќе помине без казна, а полицијата со повреда од пајакот?! Ќе реагира ли вечерва полицијата самоволието на членот на ДУИ, кому очигледно никој ништо не му може, па дури ни опасниот пајак?! Извор: Република

Кој е Бекир Асани? Зошто МВР почна да објаснува дека пајакот ја тепал полицајката?

Курир — Sun, 04 Mar 2018 11:11:26 +0000

По нападот на полицајката од страна на Бекир Асани, таа се сретна со министерот за внатрешни работи Оливер Спасовски. По средбата се кажа дека во суштина таа сама се удрила. Спасовски по реакциите повика доколку има поинакви докази да му се достават. Но, како и да е наместо со кривична, Асани заврши со прекршочна пријава. Зошто прекршочна кога станува збор за службено лице на МВР? Има ли причина министерот за внатрешни работи да се плаши од Асани? Одговорот можеби може да се добие од минатото и постапките на Асани. Еве само неколку примери: Нападот врз новинарот Лирим Дулови во 2008 година, заканите кон Зоран Заев на почеток на 2016 година, демолирањето на споменикот на Цар Душан кон крајот на 2013 година, нападот врз Тодор Петров кон крајот на 2016 година. Со кои случаи се поврзува Асани? На почетокот на март 2016 година градоначалникот на Чаир, Изет Меџити и претседателот на општинската организација на ДУИ во Чаир, Асани беа на распит во СВР Скопје за нападот врз Тодор Петров. Причина за распитот беше тоа што Асани го нападна Тодор Петров, односно Петров го посочи како еден од неговите напаѓачи по осветувањето на крстот во Бутел. Асани тогаш негираше дека тој го истепал Петров, а Артан Груби изјави дека претпоставува дека претседателот на СМК најверојатно се сопнал и удрил. Протестите поради изградбата на крстоти ги најавуваше ДУИ за пред општина Бутел. Подоцна првиот човек на ДУИ во Чаир, Бекир Асани кон крајот на март 2016 година бил уапсен, па експресно пуштен на територијата на соседна Србија. Според информациите кои гиобјавуваа медиумите, Асани бил уапсен за сообраќаен прекршок на тероторијата на Бујановец, но што точно се случило, не се објавени подетални информации. Ало.рс нагласи дека во Србија веројатно никој не би знаел кој е уапсениот ако за него не реагирала српската амбасадорка во Македонија. -Дури по пуштањето, нашите сфатиле кого имале во раце и колку лесно го пуштиле, а најлошо од се е што никој не ја знае причината за доаѓањето на Асани во Србија, и тоа баш во време на жешката предизборна атмосфера. Има индиции дека на територијата на Србија се наоѓаат уште неколку опасни луѓе од Македонија, но никој не ја знае точната причина за нивното доаѓање, пишува Ало, а пренесуваа македонските медиуми. Според весникот, за ослободувањето на Бекир Асани реагирал македонскиот пратеник Артан Груби лично кај амбасадорката на Србија во Македонија, Душанка Дивјак Томиќ. Асани му се закануваше и на Заев кога тој ги објавуваше нелегално стекнатите снимки. На Зоран Заев му било посочено дека ќе се соочи со сериозни последици доколку и понатаму продолжат да се објавуваат незаконски прислушуваните материјали со коишто располагаше тој, но и лица блиски до СДСМ. Во однос на членот на СДСМ и близок пријател на Заев, Захир Бекири Чауш, од страна на Бекир Асани било посочено дека за него е побезбедно да остане во затвор и да каже каде се ги продал и дистрибуирал снимките кои му биле предадени од Заев, пишуваа на почетокот на 2016 година медиумите. Асани исто така беше дел од групата која учествуваше во демолирањето на споменикот Цар Душан. Што се случи кон крајот на декември 2013 година. Меѓу другото Асани е познат и по тоа што во 2008 година физички го нападна новинарот Лирим Дулови во зградата на македонското собрание. Сите овие инциденти со кои тој се поврзува се регистрирани од страна на МВР.

Бекир Асани: Орелот во Скопје покажува кој командува во оваа држава

Ивана Ефремовски — Sat, 03 Mar 2018 20:49:06 +0000

Бекир Асани од ДУИ, напаѓачот на повредената полицајка на Битпазар, на Фејсбук пишува дека поставениот споменик на двоглавиот орел во општина Чаир покажува кој наредува во оваа држава. -Орелот во Скопје покажува кој командува во оваа држава и на кого му припаѓа оваа земја. Орелот се врати во своето гнездо во скопската нацинална гордост и слава, ние продолжуваме со истите идеали, пишува Асани на Фејсбук. Нападнатата полицајка, еден ден по настанот даде исказ дека Асани не ја тепал туку само вербално ја нападнал, а повредите поради кои по настанот заврши во болница, си ги задала самата од пајакот со кој сакала да му го крене непрописно паркираното возило. Извор-РЕПУБЛИКА

ВРИЈАТ СОЦИЈАЛНИТЕ МРЕЖИ: Заев, Спасовски и СДСМ ги згазија законите и го уништија достоинството на сите полицајци и полицајки, избраа да ги штитат Бекир Асани и коалицијата со ДУИ

Ивана Ефремовски — Sat, 03 Mar 2018 13:10:13 +0000

Граѓаните на Република Македонија остро го осудија насилството на Бекир Асани кон полицајка, но реакциите на тоа дека МВР сака да го заташка случајот се уште поостри. Лицемерна беше вчерашната средба на Спасовски со полицајката, која според очевидци била нападната од Асани, а вчера по средбата во МВР беше истакнато дека самата се удрила во “пајакот“. Оваа изјава наиде на потсмев кај јавноста, но очигледен е и гневот на граѓаните дека некој сака да ги изманипулира. Граѓаните заклучуваат дека Заев, Спасовски и СДСМ ги згазија законите и го уништија достоинството на сите полицајци и полицајки кога избраа да ги штитат Бекир Асани и коалицијата со ДУИ. Во заштита на полицајката не застана всушност никој, освен јавноста. Премиерот Зоран Заев и министерот за внатрешни работи, Оливер Спасовски се обидоа само да ја турнат вистината на страна и да не го разлутат коалициониот партнер. Ниту првиот човек на униформираната полиција, директорот на БЈБ Лазо Велковски не превзема ништо за поддршка на нападнатата полицајка. Молк и од страна на Магдалена Несторовска, државниот секретар, која ниту како жена ниту како службеничка не најде збор за критика на насилството на Асани.

Најчевска: Секој напад на полицаец мора да биде строго казнет, а напад на жена полицаец уште построго

За каков било напад на полиција се легнува на земја, му се ставаат лисици на рацете и се спроведува во полициска станица на распит, а не се води пријателски разговор, напиша професорката Мирјана Најчевска на социјалната мрежа „Фејсбук“ . -Секој напад на полицаец мора да биде строго казнет, а напад на жена полицаец уште построго. Така се бориш со мафија, и така воспсоставуваш почитување на полицијата од страна на секој граѓанин. Замислете кое насилство е во состојба да го примени ова човече врз обичните граѓани и колку незаштитени се тие кога ни самата полиција не може да си се заштити. И замислете каков е односот на ова човече кон жените и во каква положба се наоѓаат тие кога ни жена полицаец не е заштитена. Секојдневно слушам за случаи на насилство од страна на високи партиски кадри и државни функционери на ДУИ, и посебно за сексуално обоено насилсво, и никој не се осмелува да им се спротистави. Сега знам и зошто. Па тие и полицијата ја тепаат, а камоли некој обичен граѓанин, пишува таа.

Мицковски: Абе не ни треба форма да менуваат ДУИ, треба да ги нема, да одговараат

Министерот за комуникации бара од ДУИ да не се однесувале ко во времето на ВМРО. Сега за 8-ми Март во соработка со Сити Мол, покрај дупла водка со Дарио, ќе организираат посебна вечер, „Каде се крие пајакот“, со Бекир Асани. Абе не ни треба форма да менуваат ДУИ, треба да ги нема, да одговараат.

ФОТО: Масовно се „дерат“ граѓаните, а владините возила не ги допираат

„Пајаците“ низ Скопје секоја недела креваат стотици возила со цел и желба да го наполнат државниот буџет и општинската каса. Жртви на ваквите политики и одлуки се единствено македонските граѓани. Функционерите на Владата СДСМ-ДУИ можат да паркираат каде и кога сакаат. За нив законите, очигледно, не важат.

Критики за постапката на Спасовски за Асани кој нападна полицајка: Нападнал службено лице и вие прекршочна?! (ФОТО)

Ивана Ефремовски — Sat, 03 Mar 2018 12:21:37 +0000

Функционерот на ДУИ, Бекир Асани, кој завчера тепаше полицајка на Битпазар затоа што сакала со пајак да му го крене автомобилот кој бил непрописно паркиран – не доби кривична пријава за напад на службено лице. Наместо за ова кривично дело, за кое се добива затворска казна до 10 години, од МВР на Асани му поднеле само прекршочна пријава за нарушување на јавниот ред и мир, за што не се одговара кривично, туку со казна од 500 до 800 евра. Се коментира и дека „со оваа одлука на МВР дојде животот“. Коментарите не сопираат за постапката на полицијата. Граѓаните во коментарите потсетуваат и дека ова не му е прв испад на Асани.