Беќир Асани – Kurir.mk

Беќир Асани повика да се излезе на референдум: Господ да го благослов албанскиот и американскиот народ

Матеја Петровски — Mon, 24 Sep 2018 11:54:41 +0000

Беќир Асани, кој е познат по неколку скандали во минатото, ги повика граѓаните да излезат на референдумот. Тој во статус на Фејсбук побара благослов до Господ за албанскиот и американскиот народ, но не и за македонскиот. Фејсбук статус на Беќир Асани: Драги роднини, пријатели, соборци, сонародници. Денес (како никогаш досега) сме на прагот на остварување на вековните цели -членство на големото семејство на демократските, цивилизираните и современите држави. Во НАТО и во Европската унија. Евро-атлантските вредности и евро-атлантската перспектива се столбовите што се воспоставени пред повеќе векови и се потврдија особено од периодот на нашата славна преродба, на еминентните лица на нацијата. Погледот и визијата на Албанците се насочени кон Европа на демократски вредности. Целта и определбата на Албанците е да се интегрираат во ЕУ и во НАТО, кои создаваат безбедност, развој, интеграција на националните вредности, квалитет, перспективи, можности … Албанците отсекогаш биле будни, храбри и обединети кога станува збор за нивната најдобра иднина. Албанците секогаш го претставуваа доброто, се бореа против злото. Албанците на Македонија формираа моќни сојузи низ вековите, кон вредноста, погледите, слободата, … Нам, сегашните генерации сѐ уште ни е свеж сојузот на Албанците создадени во 2001 година. Сојузот што на цивилизираниот свет му прати силна порака како се сака татковината, како се брани татковината, како се бараат и добиваат правата и слободите на поединецот. 2018 година браќа и сестри, ни нуди можност за нова преродба, за нов поглед кон цивилизацијата, за прегратка со просперитетна иднина. 2018 година претставува тропање на вратата на куќата на благосостојбата, наречен НАТО и ЕУ. Дали сме за цивилизација и перспектива за новите генерации, или ќе им дозволиме да бидеме во канџите на мрачните политики кои ни донесоа солзи и црнила низ вековите? На 30 септември 2018 година, граѓаните на Македонија и Албанците како дел од неа ќе имаат само една врата кон која ќе одат. Таа врата е вратата на гласачкото место за гласање за НАТО и за ЕУ. Апел до сите роднини, пријатели, соборци, сонародници, сограѓани, да излезат што е можно повеќе на избирачките места. Да се изјаснат за европската иднина, за перспектива на младите генерации, за братската политика на Соединетите Американски Држави и државите на Европската унија. Апелирам до моите браќа и сестри, барем овој пат, да не ги гледаме политичките партии и кланови на поединци и структури. Да се бидеме како едно. Да гласаме за европските вредности. Апелирам до политичките субјекти да не калкулираат со судбината на идните генерации. Да се мобилизираат максимално за остварување на европската определба. Пусти се тие кои ја пропуштаат оваа историска и национална шанса. Госод да го благослови албанскиот народ. Господ да го благослови американскиот народ и цивилизираните европски народи.

Алијанса за Албанците: Коалицијата СДСМ-ДУИ ги охрабрува партиските насилници да се однесуваат како локални шерифи

Ивана Ефремовски — Tue, 13 Mar 2018 15:16:41 +0000

Најостро ги осудуваме заканите и навредите упатени кон Претседателот на ЗНМ, Насер Селмани, од страна на претседателот на огранокот на ДУИ во Чаир Беќир Асани, кој што е близок соработник на претседателот на ДУИ, Али Ахмети, се наведува во соопштението на Алијанса за Албанците. -Владината коалиција СДСМ-ДУИ, исто како режимската власт ВМРО-ДУИ, продолжува да ги охрабрува партиските насилници да се однесуваат како локални шерифи, да им се закануваат на новинари, да тепаат полицајци и да бидат недостапни за правдата. СДСМ и ДУИ немаат право да зборуваат за ЕУ-интеграции, најмалку вицепремиерот Бујар Османи кој не може да ги штити новинарите кој што се заканети од страна на неговите сопартијци. Се додека имаме партиски експоненти за кој не важат законите, ние сме далеку од поделба на партијата од државата, а овој е типичен пример кој што најдобро го потврдува тоа, се наведува во партиското соопштение. Алијансата за Албанците наведува дека секогаш ќе биде во одбрана на слободата на изразување и ќе води заеднички битки со медиумите и невладиниот сектор во одбрана на демократијата и слободата на изразување. -Секоја закана кон новинарите е политички атентат врз слободата на изразување. Бараме од Владата, МВР и јавното обвинителство под итно да преземат дејствија за да ги штитат граѓаните, во конкретниот случај новинарите кој што се заканети, и да не ги брани заканувачите само поради нивната партиска припадност, порачуваат од Алијанса за Албанците.

Лицемерието на Поповски и Бошњаковски не помага: Асани продолжува со навреди кон претседателот на ЗНМ

Ивана Ефремовски — Tue, 13 Mar 2018 13:46:09 +0000

Беќир Асани, „проблематичниот“ член на огранокот на ДУИ од Чаир кој деновиве е особено актуелен во јавноста, негира дека му се заканувал на претседателот на ЗНМ, Насер Селмани, и вели дека само го навредил. Имено, Беќири неодамна во интервју за „Мактел“ го нарече Селмани „копиле“ и „жена“, по што новинари и граѓани излегоа на протест пред Владата, нарекувајќи се сите „копилиња“ и повикувајќи ја Владата да ги замолчи насилниците. – Јас му реков дека е копиле и пак повторувам дека е копиле, ништо повеќе. А што се однесува до тоа дали добил некаква закана од мојот брат, јас немам такво сознание. Тука не станува збор за ДУИ, ниту пак за Владата, чиј дел е ДУИ. Јас не можам да говорам во име на овие два органи, но уште еднаш ќе повторам дека јас зборувам исклучиво во мое име, вели Асани во изјава за ТВ 21. Претставници на Владата вчера се обидоа да го окупираат протестот на новинарите и да го задушат новинарското незадоволство. Тие лицемерно, јавно ги осудија навредите и заканите кон претседателот на ЗНМ, но тоа воопшто не помогна. Новинарите и натаму се мета на закани и навреди, а никој од Владата не превзема ништо за тоа, грижејќи се само за зачувување на коалицијата СДСМ-ДУИ.