Панел дискусија за дискриминација на жените во бел мантил

Ивона Петрова — Mon, 13 Mar 2023 06:39:37 +0000

Панел дискусија на тема „Жени кои спасуваат животи, а немаат лек за дискриминацијата - жени во белиот мантил“ ќе се одржи денеска во Скопје, како дел од кампањата „Гласна и храбра“ што се реализира во текот на март. Оваа дискусија, во организација на Министерството за труд и социјална политика, има за цел подигнување на свеста за дискриминацијата на жените во белиот мантил како предуслов за родова еднаквост во општеството. Воведно обраќање на настанот ќе има проф. д-р Ана Данева Маркова, советник за здравство на претседателот на Владата, а ќе говорат и министерката за труд и социјална политика Јованка Тренчевска, Александра Ѓорѓиева, специјализант по кардиологија и претседател на Здружение на лекари специјализанти и Маргита Трифуновска, медицинска сестра од Клиниката за гинекологија.

Андоновска: Му подаруваме бел мантил на Филипче, наместо популизам да се симне меѓу здравствените работници и пациентите

Тале Кристо — Sun, 22 Nov 2020 12:23:25 +0000

Крајно време е министерот Венко Филипче да облече бел мантил, да се соочи со реалноста и да оди помеѓу здравствените работници и пациентите каде што му е местото, истакна на денешната прес-конференција членот на ИК на ВМРО-ДПМНЕ Марија Андоновска. Во продолжение интегрален текс од целата прес-конференција на Андоновска: Ако Венко си го заборавил белиот мантил, поради неговите прес конференции, денес ние му подаруваме еден. Не случајно мантилот е за еднократна употреба. Исти вакви мантили здравствените работници ги носат во текот на целиот ден или по неколку дена, дури и мораат да ги хефтаат, лепат кога ќе се скинат, затоа што немаат други. Колку време може да работи министерот со мантил за еднократна употреба, а тоа да не се само прес конференции? Борбата за лична заштитна опрема за медицинските лица трае од почетокот на епидемијата. Но, тоа не е единствениот проблем. Венко треба да облече бел мантил и да ги праша матичните доктори и стоматолози со какви проблеми се соочуваат и како да им се помогне! Венко треба да облече бел мантил и да ги прошета сите болници, но не тоа да биде изглумено само за ПР, туку за да ги нотира недостатоците на системот и веднаш да пристапи кон негово реорганизирање! Девет месеци поминаа, зошто не стори ништо?! Венко да облече бел мантил и да обезбеди протоколи за лекување, како и соодветна терапија! Венко да облече бел мантил и да обезбеди без застој да се одвиваат прегледи и интервенции за сите останати заболувања кои се од витално значење за луѓето. Венко да облече бел мантил и да нема вратен пациент од болниците. Но не само обезбедување на кревет, туку и соодветна нега, навремена терапија и достоинствено лекување. Венко да облече бел мантил и да го вработи квалификуваниот медицински кадар, кој во овие моменти е неопходен. Венко да облече бел мантил и да ги слушне барањата на хронично болните, специјализантите, вработените во брза помош, семејствата кои молат за здравје и сите оние кои добронамерно му се обраќаат со предлози за надминување на оваа тешка ситуација во која што не втурна тој. Доста ни е веќе од неговиот ПР! Срамота е и крајно безобразно да вели дека се е под контрола, а од друга страна луѓе умираат чекајќи брза помош, молат за кислород, за терапија или за прием во болница! За сето ова мора да има одговорност!, порача Андоновска.

бел мантил – Kurir.mk

Панел дискусија за дискриминација на жените во бел мантил

Андоновска: Му подаруваме бел мантил на Филипче, наместо популизам да се симне меѓу здравствените работници и пациентите