бел носорог – Kurir.mk

Полицијата ги чува последните два бели носорози на планетата: Последниот маж почина, нема надеж за нив (ФОТО)

Магдалена Андонова — Sun, 21 Mar 2021 08:40:19 +0000

Фотографија од Кенија на која се прикажани последните два бели носорози го обиколи светот. Ветеринари и ловочувачи од округот Лаикипи ги штитат мајката и ќерката на северниот бел носорог од ловокрадците.

View this post on Instagram

A post shared by Justin Mott (@askmott)

Автор на фотографиите е добро познат натуралист фотограф од САД, Џастин Мот, како дел од специјалната серија фотографии наречена „Kindred Guardians“ чиј фокус е животот на луѓето кои својот живот го посветиле на зачувување на природата, пишува ДДЛ .

View this post on Instagram

A post shared by Justin Mott (@askmott)

Последниот мажјак од овој вид почина пред три години во истиот парк, што значи дека нема надеж за северниот бел носорог. Нату и Фајин се единствените претставници од ваков вид и живеат во оградена област, додека за нив се грижат членови на резерватот за национална полиција во Кенија.

View this post on Instagram

A post shared by Justin Mott (@askmott)

Жалосно и алармантно е што популацијата на сите носорози во светот драстично опаѓа и најмногу од сите белите носорози се пред истребување. Секојдневно сме сведоци на загрозеност на природните живеалишта, прекумерен лов, загадување на природата. Ова доведува до алармантно намалување на популацијата на дивата флора и фауна и до најлош исход, истребување на видовите. Уште колку видови треба да изумрат за да станеме свесни како човештво?

Научници работат за спас на белиот носорог од истребување

Ивона Петрова — Wed, 19 Aug 2020 06:51:43 +0000

Меѓународен тим научници успешно изолираше јајце-клетки од двата преостанати претставници од северниот бел носорог. Сѐ тоа со цел да се спаси овој загрозен вид од изумирање. Научниците се надеваат дека со околу 10 примероци ќе може да создадат ембрион што ќе биде внесен во сурогат-мајка која треба да роди живи младенчиња. Овој научен проект беше значително забавен поради пандемијата на коронавирусот, но германско-чешкиот научен тим успеа да го заврши целиот процес без компликации. Јајце-клетките на женката северен бел носорог ќе бидат однесени во Италија, каде што оплодувањето ќе се изврши со замрзната сперма од сега веќе угинатиот машки бел носорог. Последниот примерок од северниот бел носорог угина во Судан во март 2018 година.

ФОТО: Почина Судан, последниот бел носорог

Ивона Петрова — Tue, 20 Mar 2018 07:54:34 +0000

Последниот машки бел носорог, Судан, почина вчера во тешко боледување во своите поодминати години. Во соопштението од резерватот Ол Пејет во Кенија, соопштиле дека Судан бил успиен вчера бидејќи неговата состојба била сериозно вложена. Неговите мускули и коски биле во лоша состојба, на кожата имал длабоки рани, а на десната нога сериозна инфекција. Носорогот Судан беше дел од амбициозните напори за спасување на неговиот вид од исчезнување, со помош на двете преживеани женки. Една е неговата ќерка Најин, а другата е нејзината ќерка, Фату. Носорогот Судан имаше 45 животински години (околу 90-100 човечки години)