бела боја – Kurir.mk

ПОЖОЛТЕНИТЕ ШТЕКЕРИ ЌЕ СТАНАТ МИНАТО На овој начин лесно ќе ја вратите блескаво белата боја на пластиката

Ристе Здравков — Fri, 19 May 2023 07:38:26 +0000

Ако ве нервираат пожолтените прозорски рамки, штекерите кои веќе не се бели или далечинските управувачи кои ја промениле бојата од стоење, не грижете се Во домот има голем број на предмети кои се направени од пластика, а оние кои се бели често многу брзо добиваат грда жолтеникава нијанса. Ако ве нервираат пожолтените рамки на прозорците, штекерите кои веќе не се бели или далечинските управувачи кои ја промениле бојата од стоење, не грижете се. Со помош на едноставен трик, сите тие бели, пластични парчиња мебел повторно ќе бидат чисти, сјајни и бели, пишува „Love To Know“. Прво подгответе: сад кој ќе го наполните со вода сода бикарбона мека крпа со која средството ќе го триете на пластичната површина суви крпи гумени ракавици за заштита на кожата Средството со кое можете да се обидете за да ги отстраните грдите дамки е сода бикарбоната. Натопете го едниот крај од крпата во вода, а потоа во сода бикарбона и со лесни кружни движења истријте ја површината на која сакате да и го вратите стариот сјај. После минута или две триење, треба да видите резултати.

Зошто најголем дел од авионите се бели?

Ивона Петрова — Tue, 18 Oct 2022 09:30:35 +0000

Секоја авиокомпанија има посебен дизајн, но повеќето авиони се скоро секогаш бели. Ова може да значи дека компаниите имаат слични модели и нивните авиони изгледаат слично едни на други со единствената разлика што делови од авионите се обоени со различна боја. Сепак, повеќето од авионите се уште се бели. Зошто е тоа така? Бојата на авионот ја зголемува неговата вкупна тежина од 272 на 544 килограми во зависност од моделот на авионот. Тежината, секако, ја зголемува потрошувачката на гориво што авионот ја согорува, што е слично на превезување дури осум дополнителни патници. Отстранувањето на оваа непотребна тежина ги прави летовите поевтини, а помалата потрошувачка на гориво значи помало загадување. Белата боја не избледува толку брзо како другите бои, што значи дека авионот треба да се бојадисува поретко. За боење на Боинг 747 се користат околу 545,53 литри боја, додека за боење на Боинг 767 потребни се околу 409,15 литри боја. Во парична смисла, бојадисувањето на комерцијален авион може да чини од 50.000 до 200.000 долари. Секако, тука е и предноста на белите авиони кога станува збор за промена на сопственоста. Многу авиокомпании и закупувачи ги продаваат или изнајмуваат своите авиони на други авиопревозници, а нивното задржување бели го прави поевтино да се промени дизајнот или да се прилагодат на нова авиокомпанија.

Белата боја го прави авионот постуден Оваа причина се надеваме дека е доволно јасна. Како што во лето се носи полесна облека за да апсорбира помалку топлина, така и белите авиони апсорбираат помалку топлина кога летаат на големи височини. Боење на авион во бело помага да се рефлектира сончевата светлина и да се намали количината на енергија потребна за да се одржи удобност на авионот. На современите авиони кои се направени од композитни материјали им е потребна уште поголема заштита од сонцето бидејќи може да се оштетат од УВ зрачењето, што е уште една причина зошто се користи бела боја. Безбедност и одржување на авионите Настрана економичноста и функционалноста, белите авиони се полесни за одржување бидејќи на техничарите им е многу полесно да забележат каква било штета. Ова овозможува истекувањето на масло, пукнатини и други дефекти веднаш да се забележат и поправат. Боење на леталото во бело, исто така, помага да се избегнат удари од птици со тоа што ќе им се дозволи да го видат леталото и да избегнат судир.

Ако го обоите авионот во потемна боја, тој ќе се спои со земјата и ќе ја намали способноста на птицата да го гледа. Истото може да се каже и за потрагата и спасувањето бидејќи белиот труп им помага на спасувачите многу полесно да го видат местото на несреќата. Шарени исклучоци Има, се разбира, исклучоци од правилото. Ер Нов Зеланд обои некои од своите авиони во црно како дел од маркетиншкото партнерство со Tourism New Zealand во вредност од 13,3 милиони долари. Неодамна влезе во историјата со испораката на првиот целосно црн авион Ербас А321нео со брендот на Star Alliance.

Дали сте знаеле: Зошто авионите се фарбаат со бела боја?

Ивана Ефремовски — Thu, 03 Jun 2021 11:05:01 +0000

Сигурно сте забележале дека повеќето патнички авиони се со бела боја и причините за тоа се прилично едноставни и логични. Авионите се фарбаат со бела или која било друга светла боја за да ги одбиваат сончевите зраци, односно, за да не се прегрева леталото и да се избегне преголемо зрачење. Експертите велат дека белата боја на авионот треба да ја гледаме како крем со заштитен фактор од сонце за авионот. Исто така, имајќи предвид дека за еден авион се потребни 250 литри боја, а белата е најевтина, сами направете ја математиката на една просечна авиокомпанија. Третата причина исто така има врска со економичноста. Другите бои побрзо оксидираат од белата, а секое фарбање ќе биде поголем трошок за авиокомпанијата.

Научниците создадоа „ултра бела“ боја што може да заштеди енергија

Дарко Андоновски — Sat, 17 Apr 2021 11:32:35 +0000

Научниците во САД развија боја која е значително „побела од моментално белата боја“. Новата, „ултра бела“ боја е таква бидејќи содржи бариум сулфат, кој се користи и за производство на фото-хартија и козметика. Тестовите спроведени од истражувачите на Универзитетот Пердју во Индијана врз нивната „ултра бела“ боја покажаа дека таа рефлектира повеќе од 98 проценти од сончевата светлина. Тоа, велат научниците, може да помогне во заштеда на енергија и борба против климатските промени, со помош на таканаречените ладни бели покриви, пренесува Би-Би-Си. Според главниот истражувач проф. Ксиулин Руануа, белите бои во комерцијалната продажба рефлектираат помеѓу 80 и 90 проценти од сончевата светлина. – Ако ја користевте нашата боја за да покриете површина на покривот од околу 93 квадратни метри, претпоставуваме дека може да добиете моќ на ладење од 10 киловати. Тоа е помоќно од климатизерите што ги користат повеќето куќи, рече тој. Во Њујорк неодамна се обоени повеќе од 10 милиони квадратни метри покриви со бела боја. Калифорнија веќе ги ажурираше градежните прописи за промовирање на таканаречените „ладни“ покриви. Нивните придобивки сè уште се истражуваат, но студиите покажаа дека тие можат да ги намалат енергетските потреби и да создадат пониски температури на околината.

Сигурно не сте размислувале за ова- Зошто тоалетната хартија има бела боја?

Тале Кристо — Thu, 09 Jul 2020 10:39:23 +0000

Иако знаеме дека тоалетната хартија може да се произведе од се и сешто, во зависност од фирмата која ги произведува, најчесто тие имаат бела боја. Но, зошто? Самата се избелува Без да се користи избелувач тоалетната хартија сама се избелува, инаку би била кафена. Фабриките кои се занимаваат со создавање на тоалетна хартија не користат боја бидејќи со тоа автоматски би се зголемила и нивната цена. Еколошки заштитна Белата тоалетна-хартија се разградува многу побрзо од онаа во боја па голем број светски корпорации се одлучуваат за бела боја за заштита на околината. Здравствена препорака Надлежните и медицинските лица препорачуваат бела боја на тоалетната хартија бидејќи промената на нивната боја укажува на некој здравствен проблем. Обоената тоалетна хартија „тврдат лекарите“ ве предупредува за тоа што го конзумирате, па така најсигурна ви е белата варијанта.

Знаете ли зошто сите патнички авиони се во бела боја?

Ивана Ефремовски — Sat, 25 May 2019 12:00:19 +0000

Сигурно сте забележале дека логото или натписот на авионите секогаш е ставен на бела подлога. Тоа не е случајност. Некои примероци на „небесните птици“ доаѓаат и во други бои и изданија, но речиси 99% од сите патнички авиони се во бела боја. Причини за тоа има неколку, но како и секогаш, најважни се оние од безбедносна природа. Имено, на бела боја најлесно се воочуваат пукнатините, истекувањето на маслото и останати различни проблеми кои може да се случат доколку леталото е неисправно, а на тој начин и најбрзо ќе се реши проблемот. Исто така, белата боја најдобро ја одбива светлината и топлината, што е многу важно бидејќи го намалува загревањето на авионот. Покрај тоа, белата е една од боите кои најлесно се забележуваат на небото, во случај на судар или лоши временски услови. Тоа е и единствената боја која не може да избледи. Секако за изорот на оваа боја постојат и економски причини, бидејќи бојадисувањето на авионот е и долг и прилично скап процес, а поради наведените предности на белата боја, нема ни потреба да се бојадисуваат. Дополнително, истражувањата покажале дека обоените авиони потешко се продаваат, па тоа е уште една дополнителна причина зошто авионите се бели.