бела ноќ – Kurir.mk

Камерен оркестар на Битола, Мијата и други вечерва на плоштад „Филип Втори

Ивона Петрова — Tue, 04 Oct 2022 10:36:04 +0000

Манифестација „Бела ноќ“ која се одржа во саботата на повеќе локации низ Скопје продолжува и денес. Централната манифестација поради лошите временски услови се одложи за денес од 19:30 на плоштадот „Филип Втори“. Скопје и скопјани ќе уживаат во насловните нумери од филмовите на легендарниот Џејмс Бонд во изведба на Камерниот оркестар на Битола, покрај тоа ќе можат да гледаат детска театарска претстава, музички концерт на Мијата, a за крај да се журкаат на настапот на диџеј Дабнотик.

„Бела ноќ“ утревечер во Скопје

Катерина Бојаџиева — Fri, 30 Sep 2022 09:55:11 +0000

Бум од уметнички настани, утревечер „Бела ноќ“ во Скопје. Скопјани ќе уживаат во музички концерти, изложби, проекции, поетски читања, работилници, жонглерско шоу и перформанси на десетици локации низ градот. Скопје во чекор со европските метрополи, утревечер „Бела ноќ“, скопјани и посетителите ќе имаат можност да уживаат во музички концерти, изложби, проекции, поетски читања, работилници, жонглерско шоу и перформанси на десетици локации низ градот. Традиционалната културна манифестација „Бела ноќ“ ќе се одржи утревечер (1.10.2022) на повеќе локации низ Скопје. Централната манифестација ќе се одржи на плоштадот „Филип Втори“ каде ќе се одигра детската претстава „Моќта на музиката“, жонглерско шоу, концерт на Мијата. Камерниот оркестар на Битола ќе се престави со „James Bond Symphony“, а настанот ќе заврши со настап на диџеј Dubnotic. Во Кинотека ќе се одржува фестивалот „Десонанз“ каде ќе презентира македонската електронска сцена, видео арт и ќе се прикажуваат филмови од кинотеката. Во Градски парк кај фонтана ќе се може да се погледне „Сообраќаен инсектариум - ПајакАрт“, групна изложба на 13 домашни автори од различни ликовни изрази. Програмата ја збогатуваат и културните институции: Во МКЦ ќе се одржува „Скопје винил конвеншн“ и перформансот на Франк Масон (менталист и психички забавувач од Нирнберг, Германија), Детски културен центар „Карпош“ заедно со Зоолошка градина ќе ги анимираат најмладите со „ЗОО Азбука“, во Национална галерија т.с. Даут-пашин амам ќе може да се погледне изложбата на Димитар Кондовски, во Музеј на современа уметност ќе може да се види ретроспективната изложба на Симон Узуновски „Пат за Волкодери“ и самостојната изложба на Јана Јакимовска „Ретро:телесни ретроспективи“, во Спомен-куќата на Мајка Тереза постојаната изложба и „Мисионерка на милосрдието – Спомените за Мајка Тереза во Државниот архив“, Библиотека „Браќа Миладиновци“ ќе организира креативна работилница за деца, поетско читање, клуб на читатели и музичка програма, во Музеј на македонската борба ќе може да се види изложбата „Скопје со културните добра" на Ансамбал Македонија, а во Музеј на Република Северна Македонија постојаната етнолошка поставка, постојаната историска поставка – „Македонците бегалци од Втората светска војна и Граѓанската војна во Грција 1940- 1949“ и времената изложба – „Гозби за живите и предците, боговите и светците“. Целосната програма со распоред, локации и учесници може да се погледне на www.univerzalna.com.mk/belanok. Сите настани се од отворен карактер и се бесплатни за посетителите. ЈСП Скопје ќе вози бесплатно од 18 до 05 часот, а ќе функционираат и ноќните линии. Настанот е во организација на ЈУ Универзална сала, финансиран од Град Скопје, а покровители се Сити радио и Лајф радио.

Градската библиотека „Браќа Миладиновци“ со низа настани за „Бела ноќ“

Катерина Бојаџиева — Fri, 30 Sep 2022 06:48:13 +0000

ЈУ Градска библиотека „Браќа Миладиновци“ како еден од двигателите на културното живеење на Скопје, со низа настани ќе се вклучи во годинашната скопска „Бела ноќ“ која ќе се одржи утре, сабота, 1 октомври. И во активностите за едно од најпрепознатливите скопски случувања, Библиотеката се обидува да стигне до што повеќе свои членови, но и до пошироката публика. Програмата започнува во 12 часот во Библиотеката „Другарче“ со Работилницата за деца (од 3-7 години), која ќе ја водат Ана Голејшка Џикова и Ангела Георгиевска. Во исто време, во „Паркот на поезијата“ во Централната библиотека ќе се одржи Клубот на читатели за романот „Сфинга на гневот“ од Жарко Кјунџиски. Насловот беше предлог-книга за месец септември, кога ја започнавме големата кампања „Читаме современи македонски автори“. Клубот на читатели ќе го води Денис Бојаров, а идејата е на неформален начин на едно место да се соберат оние кои ја прочитале „Сфингата“, но и оние кои планираат да го направат тоа и низ разговор да отворат интересни прашања за делото. „Клубот на читатели“ е планирано да прерасне во традиционална средба со која ќе се заокружува секој месец од кампањата „Читаме современи македонски автори“. Во 20 часот, повторно во „Паркот на поезијата“ следува Поетско читање, на кое ќе настапат: Владимир Лукаш, Катерина Гогова, Митко Апостолов, Д.А.Лори, Андреј Ал-Асади, Софија Тодоровска, Диме Данов. Модератор на настанот е поетесата Биљана Стојановска. Во 21 часот следува музичкиот настап на дуото Jazzna Dares од 21 часот. Библиотеката е средиште на културата и меморијата, но и на актуелните случувања за кои ги отвораме своите врати – истакнува тимот на Библиотеката.

Бесплатен превоз за време на „Бела ноќ“

Катерина Бојаџиева — Thu, 29 Sep 2022 09:11:37 +0000

ЈСП Скопје и годинава ќе овозможи бесплатен јавен превоз по повод одржувањето на традиционалната културна манифестација „Бела ноќ 2022“. Право на бесплатен превоз ќе имаат сите граѓани во период од 18 часот во сабота (1.10.2022 год) до 05 часот во недела (2.10.2022 год). Потсетуваме дека во функција се и ноќните линии, а возниот ред е достапен на веб страницата на ЈСП Скопје (www.jsp.com.mk), велат од ЈСП.

Јавен повик за програмски активности за манифестацијата БЕЛА НОЌ 2022

Ивона Петрова — Tue, 12 Jul 2022 10:54:00 +0000

Универзална сала и Град Скопје објавуваат јавен повик за програмски активности за манифестацијата БЕЛА НОЌ 2022. Оваа година ќе се одржи 18-то издание на „Бела ноќ“, како препознатливо обележје на Град Скопје за активности од областа на културата на територија на централното градско подрачје, каде ќе се одбележи уметноста и креативниот потенцијал на градот преку настани кои ќе ја заинтригираат јавноста. За таа цел ЈУ Универзална сала-Скопје и Град Скопје, распишаа Јавен повик за учесници кои се заинтересирани да аплицираат и да понудат иновативна програма со цел да се збогати културната понуда на градот Скопје. Овогодинешното издание на “БЕЛА НОЌ“ ќе се одржи на 1 октомври 2022 на повеќе централни локации низ градот Скопје. На конкурсот можат да се пријават уметници кои сакаат да бидат дел од овој настан, а творат во следниве области: ▪ ВИЗУЕЛНИ УМЕТНОСТИ (Ликовна уметност, фотографија, инсталација, видеоарт, стрип) ▪ ПРИМЕНЕТИ УМЕТНОСТИ (Архитектура, визуелен/индустриски/веб дизајн, мода, дигитални креации, видеоарт и инсталации) ▪ МУЗИКА ▪ ФИЛМ ▪ ТЕАТАР ▪ ЈАВНА УМЕТНОСТ ▪ УРБАНИ ИЗВЕДБИ И ПЕРФОРМАНСИ Селекцијата ќе биде направена од страна на жири комисија врз основ на поднесените апликации а водејќи се од критериумите: квалитет, иновација и оригиналност на идејата, презентирање и афирмирање на современото творештво, урбаната култура и јавната уметност во опсег на предложениот концепт. За учество во „БЕЛА НОЌ“ потребно е да се пополни апликацијата за учество со следниве документи: ▪ Биографија со личните податоци за уметникот/изведувачот или групата ▪ Опис на проектот, учесници/избор на учесници и активности, потенцијална локација ▪ Финансиска конструкција на проектот За подетални информации за Јавниот повик : Документите во писмена форма може да се достават на адреса: Бул Партизански одреди 22 ( Зграда на Библ. Браќа Миладиновци ) http://univerzalna.com.mk/belanok, [email protected] или на телефонскиот број 02 32 45 615. Крајниот рок на аплицирање е 25.07.2022.

ЈСП: Бесплатен превоз по повод „Бела Ноќ 2021“, во функција ќе бидат и овие ноќни линии

Магдалена Андонова — Fri, 24 Sep 2021 09:27:23 +0000

ЈСП Скопје информира дека и годинава ќе овозможи бесплатен јавен превоз по повод одржувањето на традиционалната културна манифестација „Бела ноќ 2021“, а во функција ќе бидат и дел од ноќните линии (2, 5, 7, 22, 24, 41, 50, 57 и 65 В). Бесплатно користење на јавниот превоз ќе биде дозволено од утре, сабота (25.09.2021 год) од 18 часот до 05 часот во недела (26.09.2021 год). Ноќните линии ќе сообраќаат во недела (26.09.2021 год) со следниов возен ред. ЛИНИЈА 2 (Автокоманда – Сарај) Поаѓање од Автокоманда 00.15 ч, 01.45 ч, 03.15 ч Поаѓање од Сарај 01 ч, 02.30 ч, 04 ч ЛИНИЈА 5 (Дексион – Ново Лисиче) Поаѓање од Дексион 00.15 ч, 01.45 ч, 03.15 ч Поаѓање од Ново Лисиче 01 ч, 02.30 ч, 04 ч ЛИНИЈА 7 (Карпош 3 – Горно Лисиче) Поаѓање од Карпош 3 00.15 ч, 01.45 ч, 03.15 ч Поаѓање од Горно Лисиче 01 ч, 02.30 ч, 04 ч ЛИНИЈА 22 (Транспортен центар – Лепенец) Поаѓање од Тр.центар 00.15 ч, 02 ч, 03.15 ч Поаѓање од Лепенец 01.25 ч, 02.40 ч, 04.10 ч ЛИНИЈА 24 (Припор – Тафталиџе 2) Поаѓање од Припор 01 ч Поаѓање од Тафталиџе 2 00.15 ч ЛИНИЈА 41 (Транспортен центар – Долно Лисиче) Поаѓање од Тр.центар 00.20 ч, 01.45 ч, 03.15 ч Поаѓање од Долно Лисиче 01 ч, 02.30 ч, 03.50 ч ЛИНИЈА 50 (Клинички центар – Хиподром) Поаѓање од Кл.центар 00 ч, 02 ч, 03 ч Поаѓање од Хиподром 01.30 ч, 2.30 ч ЛИНИЈА 57 (Козле – Радишани) Поаѓање од Козле 00.15 ч, 01.30 ч, 03 ч Поаѓање од Радишани 00.55 ч, 02.15 ч, 03.35 ч ЛИНИЈА 65 В (Транспортен центар – Стајковци) *по траса на линија 5 во 00.10 ч од Рекорд до Ново Лисиче Поаѓање од Тр.центар 00.45 ч до Стајковци Поаѓање од Стајковци 01.20 ч до гаража во Автокоманда

Бела ноќ по 16-ти пат в сабота на 10 локации

Ивона Петрова — Wed, 23 Sep 2020 08:15:15 +0000

Културната манифестација Бела ноќ, која веќе прерасна во традиција, по 16-ти пат, в сабота на 26 септември, ќе се одржи во Скопје. -Една недела порано од вообичаеното на 10 локации (паркингот пред СРЦ Борис Трајковски, МКЦ, Зеленото пазарче, Ибни Пајко плоштадот, Музејот на современа уметност, Домот на култура Кочо Рацин, Архитектонскиот факултет, Градската библиотека Браќа Миладиновци и Даут Пашиниот Амам), посетителите ќе можат да ги погледнат перформансите, концертите, изложбите и другите културно-уметнички активности, информираат од Град Скопје. Бела ноќ, во организација на Универзалната сала, со поддршка на Град Скопје, на граѓаните со својот урбан концепт ќе им ја доближи уметноста, додавајќи и нова, културна димензија. Годинава централниот настан „Скопските евергрини“ ќе се одржи на паркингот пред СРЦ Борис Трајковски, каде што најпознатите скопските хитови ќе бидат изведени од најголемите македонски музички ѕвезди, Влатко Стефановски, Тамара Тодевска, Јаков Дренковски, Дарио и други, во придружба на Баги Биг Бендот, под диригентската палка на Љупчо Мирковски. Влезниците за „Скопските евергрини“ пред СРЦ Борис Трајковски и концертот на платото пред МКЦ, се бесплатни и истите можат да се подигнат на билетарите на МКЦ и на Универзална сала. Со почитување на мерките и препораките на Министерството за здравство и Град Скопје за заштита од пандемијата од коронавирусот, настаните од Белата ноќ в сабота ќе започнат од 19:00 часот и ќе траат до 24:00 часот, работното време на локалите нема да биде продолжено после 24:00 часот, нешто што беше вообичаено за минатите Бели ноќи. Граѓаните за локациите и програмата дополнително можат да се информираат и на официјалната веб-страница: https://www.belanok.com/programe.

Во Скопје се одржа 15-тата „Бела ноќ“

Катерина Бојаџиева — Sun, 06 Oct 2019 14:45:52 +0000

Концерти, изложби, театарски претстави, 3Д-видео мапинг, се само дел од културно-уметничките соджини со кои синоќа се одбележа овогодинешната јубилејна 15-та „Бела ноќ“ во Скопје. Пред објектот на Универзалната сала се одржа настанот „50 години од Скопски“, каде познатите хитови од фестивалот ги изведуваа македонски пејачи, меѓу кои и Сашо Гигов- Гиш, Ѓоко „Ај кју“, Калиопи, Верица Ристевска, Драган Мијалковски, Славе Димитров, Лидија Кочовска… Настанот испрати силна порака- во најбрз можен рок да се реновира и врати Универзалната сала и да се врати Скопскиот фестивал. Како дел од одбележувањето на „Бела ноќ“, победниците на натпреварот во видео мапинг на „Skopje Light Art District 2019“, французите Џереми Ури и Милош Лисински, својата визуелна уметност ќе ја отсликаат на фасадата на катната гаража „26-ти јули“. Во МКЦ пак, како дел од 9-тото издание на фестивалот „НЕкултура“, посетителите се забавуваа со прочуеното британско електронско дуо „Paranoid London“, но и со домашните „Pluto’s Doubt“, „Sethsta“,„ Barum Barum“ и останатите артисти и диџеи кои беа дел од фестивалот. Во МНТ се одржа премиера на претставата „КРУГ“ адаптирана според антологиското дело на Артур Шницлер (Reigen), а во режија на Наташа Поплавска. На „Бела ноќ“, Националната Опера и Балет го одбележи свој јубилеј, 70 години постоење со делата „Кармен“ и „Валпургиска ноќ“. Голем број настани се одржаа и во Скопје- КИЦ, Театар Комедија, Музејот на македонската борба, Галерија 8 во Старата Чаршија, во паркот Ибни Пајко, Мала Станица, Градското кино Милениум како и во Музејот на современа уметност. Веќе 15 години, фестивалот ја доближува уметноста до граѓаните, со концептот кој одговара на урбаната заедница која се поистоветува со својот град.

„Бела ноќ“ вечер на 15 локации во Скопје- ова е програмата

Катерина Бојаџиева — Sat, 05 Oct 2019 08:17:13 +0000

Концерти, изложби, кино, театарски претстави, 3Д-видеомапинг и уште многу други културни содржини се дел од 15. јубилејна „Бела ноќ“ во Скопје што ќе се одржи денеска. На 15 локации, истовремено, уметници, музичари и сите што се дел од „Бела ноќ“ на присутните ќе им понудат различна културно-уметничка содржина. Веќе 15 години фестивалот ја доближува уметноста до граѓаните, со концептот што одговара на урбаната заедница која се поистоветува со својот град. Како дел од годинашната програма, на платото пред Универзалната сала ќе се одржи концертот „50 години Скопски“, кој ќе почне во 20:00 часот. Овој настан ќе ја одбележи важноста на еден грандиозен фестивал на кој се родиле голем број музички имиња што оставиле огромни хитови, кои сè уште се актуелни. Во придружба на Биг бендот, скопјани ќе се потсетат на најголемите хитови од „Скопскиот фестивал“ со настапите на Драган Мијалковски, Славе Димитров, Верица Ристовска, Лидија Кочовска, Сашо Гигов, Ѓоко Таневски, Сара Мејс и „Ај кју“. Победниците на натпреварот во видеомапинг на „Скопје лајт арт дистрикт 2019“, Французите Џереми Ури и Милош Лисински, својата визуелна уметност ќе ја отсликаат на фасадата на катната гаража „26 Јули“. Во Младинскиот културен центар (МКЦ), како дел од 9-тото издание на фестивалот „НЕкултура“, посетителите ќе се забавуваат со прочуеното британско електронско дуо „Параноид Лондон“, но и со домашните „Плутос даут“, „Сетстат“, „Барум барум“ и останатите артисти и диџеи кои ќе бидат дел од фестивалот. Во МНТ од 22 часот ќе има премиера на претствата „Круг“, адаптирана според антологиското дело на Артур Шницлер (Reigen), а во режија на Наташа Поплавска. Претставата ја отвора вечната тема – потрагата за љубов, наспроти потребата за секс. Во главните улоги ќе ги видиме македонската актерка Дејана Попоска, која живее и работи во Париз, и италијанскиот актер Јакопо Гaрфањоли. Претставата е забранета за помлади од 18 години, а ќе се одигра на англиски јазик со превод на македонски. Националната опера и балет ќе одбележи свој јубилеј, 70 години постоење со делата „Кармен“ и „Валпургиска ноќ“. Во рамките на манифестацијата ќе се одржат и многу други изложби, настани, претстави, концертни настапи во живо. Публиката ќе може да ги посети Културно-информативниот центар – Скопје, Театар Комедија, Музејот на македонската борба, Галерија 8 во Старата чаршија, паркот „Ибни Пајко“, Мала станица, Градското кино „Милениум“ и Музејот на современа уметност.

„50 години Скопски“ – музичка ретроспектива на хитовите од Скопскиот фестивал

Ивона Петрова — Fri, 04 Oct 2019 07:41:40 +0000

На платото пред Универзалната сала, утре со почеток од 20 часот, ќе се одржи еден од централните настани на овогодинешната Бела ноќ - „50 години Скопски“.

Драган Мијалковски, Славе Димитров, Верица Ристевска, Лидија Кочовска, Сашо Гигов – Гиш, Ѓоко Танески, Сара Мејс и Ај-Кју, во придружба на Биг бендот со настапи во живо ќе не потсетат на прекрасните изведби на најголемите хитови од фестивалот низ годините.

„50 години Скопски“ ќе оддаде чест на музичките великани, композитори и изведувачи, за прв пат собирајќи ги на едно место и здружувајќи ги сите генерации на музички ѕвезди, од самите почетоци па се до последното издание на фестивалот, во 2015-тата.