Бељаковце – Kurir.mk

Кумановските пожарникари спречија пожарот во Бељаковце да зафати напуштени куќи

Ивона Петрова — Mon, 11 Sep 2023 15:23:50 +0000

Кумановските пожарникари спречија огнот да се приближи до напуштените куќи во кумановското село Бељаковце, соопштија од Центарот за управување со кризи. -Пожарот над кумановското село Бељаковце, што избувна попладнево се приближи до неколку стари најверојатно, напуштени куќи но благодарение на благовремената интервенција на кумановските пожарникари огнот е сопрен на безбедно растојание, изјави директорот на Центарот, Стојанче Ангелов. И минатата недела имаше пожар во ова село и беше зафатена поголема површина на сува трева, стрништа.

По трет пат пожар кај кумановско Бељаковце

Ивона Петрова — Mon, 11 Sep 2023 14:52:27 +0000

Повторно изби пожар кај кумановското село Бељаковце, соопштија денеска од Центарот за управување со кризи. - Пред малку повторно изби пожар над селото Бељаковце, Општина Куманово. Тим кумановски пожарникари се упатени кон овој, трет по ред, пожар во близина на ова село, информираа од ЦУК. Минатата недела Исто така имаше пожар во ова село кој се префрли од Руѓинце во Бељаковце. Тогаш беше зафатена поголема површина на стрништа, сува трева, шума, изгоре помошен објект и напуштена куќа. Покрај хеликоптерот на МВР, пожарот го гасеше Ер трактор на Дирекција за заштита и спасување како и противпожарни екипи на неколку општини, Старо Нагоричане, Куманово, Кратово и Ранковце.

Активен пожарот кај Бељаковце

Тале Кристо — Tue, 05 Sep 2023 20:37:37 +0000

Пожарот во поширокиот кумановски регион е активен во атарот на село Бељаковце и се разгорува поради ветерот, соопшти директорот на Центарот за управување со кризи Стојанче Ангелов. Дел од пожарот не е изгаснат. - И покрај дејствувањето на полицискиот хеликоптер кој се повлече поради тоа што веќе не се гледа. Ќе се обидеме со пожарникари да се пробиеме и да го изгаснеме, но не сум оптимист, изјави Ангелов. И во липковско Ваксинце има два пожари во кои е зафатена поголема површина. Пожарот кој попладнево избувна во Руѓинце се префрли во Бељаковце. Зафатена е поголема површина на стрништа, сува трева, шума, изгоре помошен објект и напуштена куќа. Покрај хеликоптерот на МВР, пожарот го гасеше Ер трактор на Дирекција за заштита и спасување како и противпожарни екипи на неколку општини, Старо Нагоричане, Куманово, Кратово и Ранковце.

Пожарот од село Руѓинце, стигна до Бељаковце

Тале Кристо — Tue, 05 Sep 2023 16:37:58 +0000

Пожарот од село Руѓинце стигна до Бељаковце, досега зафатени се една напуштена куќа и дрвена плевна, информираа од Центарот за управување со кризи. Во гаснењето на пожарот вклучени се противпожарни екипи од неколку општини и хеликоптерот на МВР и авионите на Дирекцијата за заштита и спасување. - Засега нема изгорени куќи, пожарот е до првите куќи во Бељаковце, изгореа една стара напуштена куќа и една дрвена плевна, авионите на ДЗС и хеликоптерот на МВР значително помогнаа, изјави директорот на ЦУК, Стојанче Ангелов. Пожарот во ова село во општина Старо Нагоричане избувна попладне. Ветерот го отежна гасењето. Екипите на територијалната противпожарна единица Старо Нагоричане, како што претходно изјавија за МИА го гаснеа пожарот со екипи на Куманово, Ранковце и Кратово. Пожарот првин избувнал во високата трева и се проширил кон мешовитата шума. Ветерот го отежнуваше гаснењето и беше побарана поддршка, по што на терен се упати полициски хеликоптер и ЕР трактор на Дирекцијата за заштита и спасување.

Три куќи изгореа во големиот пожар во Бељаковце и Руѓенце

Ивона Петрова — Tue, 29 Aug 2023 08:01:27 +0000

Синоќа изгореа три куќи и две помошни простории во Бељаковце и Руѓенце. Иако генерално се избегнува ноќно гаснење на пожарите на отворено, овојпат, со храбрите македонски пожарникари одлучивме во текот на ноќта да го нападнеме силниот оган кој проголта две стари но функционални куќи од с. Бељаковце вклучително и две помошни простории во ова село но и една стара напуштена куќа во с. Руѓенце. Три стари куќи и две помошни простории изгореа вчера во големиот пожар во селата Бељаковце и Руѓенце. Пожарните до доцна во ноќта се обидуваа да стават под контрола огнот. -Пожарот кој избувна во попладневните часови вчера дополнително се разгоре и прошири во доцните попладневни часови кога веќе беше доцна за полетување на дежурните два полициски и еден армиски хеликоптер како и еден Ер трактор на ДЗС. Бидејќи пожарот се движеше во два правци со линија подолга од еден километар, но најверојатно значително повеќе, а и двата крака дополнително загрозуваа други куќи од овие две села, бидејќи ветрот кој дуваше го движеше огнот многу бргу голтајќи ја пред себе високата сува трева, трња, дрвја, меѓу нив и лесно горливите ниски смреки и други зимзелени дрвја, чекањето на раните утрински часови кога можеа да полетаат двата полициски и еден армиски хеликоптер, ќе предизвикаше дополнителен ризик за куќите и населението во овие две села, информира директорот на ЦУК, Стојанче Ангелов. Покрај пожарникарите од Старо Нагоричане, Ранковце и Крива Паланка, поради сериозноста на пожарот помош била побарана и од пожарникари Кавадарци, Штип, Свети Николе и Куманово, вклучително и пожарникари од доброволното противпожарно друштво од Свети Николе, но и неколку локални жители. -Околу 00.30 одлучивме да се приближиме на пламените јазици кои на некои места се издигнуваа по неколку метри над земјата голтајќи ги пред себе дрвјата, грмушките и високата сува трева. Опремени со т.н. напртњачи (машини со рачни прскалки со 20 литри вода кои се носат на грб) како и специјални противпожарни метли со метални ленти, исклучително храбрите и пожртвувани пожарникари, со теренски возила ги пренесовме пред самата линија на огнот. На местото на кое го пресретнавме пожарот, огнот гореше многу силно, температурата беше висока и имаше многу чад. Ситуацијата се менуваше од миг во миг. Мојата цел беше сејфти фрст, не смееше да се загрози човечки живот повеќе од она што беше неопходно, бидејќи сите бевме изложени на одреден ризик. Претходно стекнатата голема доверба во нашите пожртвувани пожарникари ме охрабри да бидам рамо до рамо со нив и да им помагам возејќи ги лично со теренското возило на ЦУК. Но сепак на некои моменти се изложивме на голем ризик. После двочасовна неизвесна борба со огнот успеавме целосно да го изгаснеме овој голем пожар. На двата крака остана по една дежурна екипа пожарникари од ТППЕ Кавадарци и Штип чија задача беше да внимаваат пожарот повторно да не се разбуди. Во овој момент, пожарот не покажува никакви знаци на горење, објаснува Ангелов. Изгорената површина, според првичните проценки, е значително поголема од 100 хектари.