Беласица – Kurir.mk

Започна отстранувањето на опожарениот топловод на мостот „Беласица“

Ивона Петрова — Fri, 14 Jul 2023 11:24:54 +0000

Започнаа теренските активностите за отстранување на опожарениот топловод на мостот “Беласица”. ЕСМ Дистрибуција на топлина ќе вложи максимални напори демонтажата да се заврши во најкраток можен рок. Почетокот на активностите за санација на опожарениот топловод е поврзан со завршување на сите дејствија на мостот од страна на вклучените релевантни институции и компании. И покрај опожарувањето на мостот Беласица, во следната грејна сезона која почнува во октомври 2023 ќе има сигурна и непрекината испорака на топлинска енергија до сите потрошувачи приклучени на дистрибутивната мрежа.

Гаревски: Извештајот за мостот „Беласица“ е предаден, оштетувањата се мали, но ќе треба санација

Тале Кристо — Thu, 29 Jun 2023 15:49:00 +0000

Експертизата за опожарениот мост „Беласица“ е направена од приватниот Институт за сеизмички отпорни градби и климатски промени и драфт верзијата е предадена во Град Скопје, потврди за МИА директорот на Институтот, професор Михаил Гаревски. Од визуелната инспекција, вели Гаревски, не е забележана ниту на еден дел од мостот изложеност на каблите за преднапрегање, туку тие се скриени со заштитниот слој на бетон. Овој е основниот услов и затоа оштетувањата се мали. Иако оштетувањата се мали, посочува, сепак ќе треба да се изврши санација. Но, потенцира, потребна е санација на плочата над примарните цевки за парно со торкретирање за да се врати заштитниот слој од бетон кој ја штити ребрастата арматура од корозија. Потребно е и да се врати паднатиот бетон на некои површини од долната плоча и вертикалните ребра на сандачестите носачи. За да може да се спроведе санацијата на мостот неопходно е да се извадат цевките за парно кои се наоѓаат под мостот, појаснува професорот. Иако тој вели дека извештајот е предаден во Град Скопје, оттаму велат дека во моментот не располагаат со никакви информации.

Скопје во сообраќаен хаос, мостот кај Ист Гејт ќе остане затворен најмалку една година

Тале Кристо — Tue, 16 May 2023 15:39:21 +0000

Мостот Беласица дури година и половина би можел да биде надвор од функција, и тоа под услов доколку веднаш почне да се работи на него. Тоа значи дека година и половина скопјани ќе имаат големи тешкотии за време на сообраќајниот шпиц, бидејќи оние кои кратеа од Железничка кон Ист Гејт ќе мора да ги користат другите мостови, јави Сител телевизија. Деканот на Градежниот факултет, во изјава за Сител појаснува дека самите процедури се долги и затоа ќе биде потребно многу време за санација. -Во најмала рака потребни се три до четири месеци интензивна и високостручна работа за да се утврди неговата моментална состојба. А, доколку се констатира дека е потребна негова санација, тогаш треба уште минимум половина година за да се изработи проект за санација, и после тоа да се изведе санацијата. Значи, треба доста време, вели професорот Марковски. Проблемот е што за носивоста на мостот задолжени се кабли кои се сместени во внатрешноста на бетонската конструкција. -Со оглед на тоа што се работи за кабли изработени од високо вреден челик, тие се многу чувствителни на високи температури. Односно, ги губат своите карактеристики ако дојдат до контакт со висока температура. Оттаму, прво што треба да се утврди, а тоа не е нималку лесно е да се види колкава била температурата во каблите во времетраењето на пожарот. Па потоа да се констатира колкава е нивната носивост, дали е загрозена и колку е редуцирана. Па после тоа следат мерки за санација, појаснува професорот Марковски. Професорот Марковски не верува дека штетата е толкава, што мостот не би можел да се санира, но тој зафат би бил многу скап. -Не би сакал во моментов да шпекулирам со цифри. Во секој случај многу зависи во каква состојба е сега тој. Ако степенот на санација е поголем, самата санација може да достигне и неколку милиони евра, вели Марковски. Се уште останува дилема дали Град Скопје ќе има пари за ваков зафат поради лошата финансиска состојба во која се наоѓа градот. Градоначалничката Арсовска и денеска избега од камерите, но вети дека ќе излезе на прес-конференција во следните две недели. До тогаш скопјани ќе го чекаат епилогот за еден од главните крвотоци во сообраќајот на главниот град. Вчера од Град Скопје само кратко ни кажаа дека не можат да направат ништо додека не ги добијат записниците од МВР и ЦУК. -Извештаите кога ќе бидат готови ќе бидат доставени до надлежните институции, тоа што е работа на МВР. Инаку, испитувањата коишто треба да бидат направени, дали пожарот придонел до намалување на статиката на мостот, не е обврска на МВР, вели Спасовски. Мостот е затворен и за пешаци, а како што објави и вчера Сител, на него постојано има и полициски службеници кои ги враќаат сите оние кои не знаат или не сакаат да ги читаат знаците.

МВР со детали за пожарот на Беласица

Матеја Петровски — Thu, 11 Oct 2018 09:08:44 +0000

На 10.10.2018 година во 13.50 часот било пријавено дека настанал пожар на планината Беласица на македонска територија во правец на место викано „Тиха долина“ и место викано „Сарикаја“, помеѓу селата Банско и Свидовица, информираат од МВР. Пожарот бил локализиран во 17.40 часот од екипа на Територијалната противпожарна единица Струмица и работници на ПШС-Беласица. Во пожарот биле зафатени околу 105 хектари високо стеблеста шума бука и бел бор. Од полицијата велат дека увид ќе се врши во текот на денот.

Пожар на Беласица, огнот е во близина на спомен обележјето на петтемина убиени струмички студенти

Ивона Петрова — Wed, 10 Oct 2018 17:45:35 +0000

На планината Беласица од страната на Валандово денеска избувна пожар. Огнената стихија споро се шири кон делот на планината што гравитира кон Струмица. Според информации од ТППЕ Струмица гори над селото Дорломбос, во близина на спомен обележјето на петтемина убиени струмички студенти. На местото на пожарот се екипи на Шумското стопанство „Беласица“ од Струмица, кои го контролираат пожарот. На местото на пожарот нема пожарникари. Попладнево струмичките пожарникари гаснеа пожар во близина на селото Водоча. Со брза интервенција пожарот е угаснат и не е дозволено да се доближи до стопански и станбени објекти. МИА

Беласица во Првата лига по 12 години

Даниел Василев — Sat, 05 May 2018 17:22:46 +0000

Екипата на Беласица денеска го завери враќањето во првата македонска лига по повеќе од една деценија, откако го совлада Кожув со убедливи 6:0. Со оваа победи струмичкиот тим и официјално се промовира како нов прволигаш во следната сезона. Струмичани од 2006 година чекаа повторно да се вратат во елитното друштво, а годинава тоа им успеа по силната сезона во Втората лига - Исток, во која речиси и немаше вистински конкурент во трката за директниот пласман. Утре ќе се игра дерби натпреварот меѓу Брегалница и Борец, кој е директна борба за второто место на табелата. Борец има еден бод предност пред Брегалница во трката за втората позиција. МИА