белгиец – Kurir.mk

Германец и Белгиец уапсени во Истра – снимале голи деца во камп

Ристе Здравков — Mon, 12 Jun 2023 07:39:02 +0000

Истарската полиција уапси 61-годишен Германец и 57-годишен Белгиец, кои се осомничени дека во одвоени случаи снимале голи деца во Пула и Ровињ. Полицијата во Пула товари германски државјанин за експлоатација на деца за порнографија бидејќи на 7 јуни околу 19 часот снимил голо дете како се тушира во камп во областа Премантура. Белгиски државјанин бил уапсен од полицијата во Ровињ поради сомнение дека попладнето на 7 јуни со мобилен телефон снимал и фотографирал деца во нудистичкиот камп. Обезбедувањето брзо го запрело и го задржало додека не дошла полицијата која го привела мажот во полициска станица. Во двата случаи, полициски службеници извршиле претрес во просториите, возилата и мобилните уреди што ги користеле осомничените. Вакви инциденти се случуваат секоја летна сезона на хрватското приморје. Најчесто тоа се странски државјани кои фотографираат голи деца со мобилни уреди, често скриени во чанти и други предмети, пишува Н1 Загреб.

Со автомобил усмрти шест лица, Белгиец обвинет за убиство од небрежност

Ивана Ефремовски — Tue, 22 Mar 2022 15:26:32 +0000

Човекот кој со својот автомобил удри и усмрти шест лица, посетители на карневал во белсгискиот град Стрепи-Бракенис, е обвинет за убиство од небрежност, соопшти денеска белгиската агенција Белга. Инцидентот се случи во неделата, кога 34-годишен возач влетал во толпа луѓе во овој јужен белгиски град, при што тешко беа повредени уште десет лица. Возачот беше приведен, а обвинет е и неговиот совозач. Набргу по несреќата, истражителите ја отфрлија тезата дека мотивот е тероризам и веруваат дека причина за трагедијата е неговото опасно возење, без намера да убие некого. Обвинителството соопшти дека обвинетиот признал дека возел пребрзо и сопирал пред инцидентот. Белгиската телевизија ВРТ јавува дека возел 90 километри на час во област каде ограничувањето било 50. Возачот изјавил дека по инцидентот продолжил да вози неколку стотини метри бидејќи бил во шок, а имал и малку повисоко ниво на алкохол во крвта од дозволеното. (МИА)