белгиски власти – Kurir.mk

Белгиските власти уапсија наводен терорист на Ал Каеда

Ивана Ефремовски — Fri, 05 May 2023 08:54:24 +0000

Белгиските власти уапсија наводен терорист на Ал Каеда, соопшти денеска јавното обвинителство, пренесе ДПА. Осомничениот, роден во 1979 година и од ирачка националност, е обвинет за неколку убиства со терористичка намера, учество во терористичка група, воени злосторства и злосторства против човештвото, се вели во соопштението. Како дел од терористичката ќелија на Ал Каеда, се верува дека тој е делумно одговорен за неколку бомбашки напади со автомобили во таканаречената Зелена зона во Багдад во 2009 и 2010 година, во кои загинаа најмалку 376 луѓе, а над 2.300 беа повредени, соопшти обвинителството. Осомничениот, кој бил уапсен и обвинет во средата, денеска треба да се појави пред судот во северниот град Мехелен, каде судијата треба да одлучи дали тој ќе остане во притвор. (МИА)

Детали за спречениот терористички напад во Белгија

Даниел Василев — Mon, 02 Jul 2018 14:34:46 +0000

Белгиските власти во текот на изминатиов викенд при полициска операција спроведена во источните предградија на Брисел, спречиле нов терористички напад во Франција. Белгиското обвинителство за тероризам соопшти денеска дека нападот требало да биде извршен на 30 јуни врз собирот на иранската опозициска група Ирански народни муџахидини (МЕК) во близина на Париз, на кој присуствуваа околу 25.000 луѓе. Како што јави дописничката на МИА од Брисел, белгиската полиција во саботата уапсила брачна двојка со иранско потекло - Амир С., (38) и неговата сопруга Насимех Н. (33), кои биле запрени додека патувале возило во кое биле пронајдени експлозиви и експлозивни направи и со кое требало да биде извршен нападот. Приведените Иранци имале документи за престој во Белгија. Истовремено во Франција и Германија се уапсени уште две лица поврзани со иранската двојка. Едниот е ирански дипломат во Амбасадата во Виена. МИА

Белгиските власти спречиле терористички напад во Франција

Даниел Василев — Mon, 02 Jul 2018 12:42:17 +0000

Белгиските власти во текот на изминатиов викенд спречиле нов терористички напад во Франција, при полициска операција спроведена во источните предградија на Брисел. Како што објавија денеска белгиските медиуми повикувајќи се на анонимни извори, полицијата при акцијата открила подготвена автомобил-бомба, која според полициските сознанија, требало да биде искористена за напад врз собир на иранска опозициска група во близина на Париз. Според истите извори, во врска со овој случај се приведени двајца Иранци, кои имале документи за престој во Белгија. Белгиските власти засега не ги потврдија ваквите информации.