белград – приштина – Kurir.mk

Работна сесија од преговорите Белград-Приштина во претседателската Вила Билјана

Тале Кристо — Sat, 18 Mar 2023 10:15:31 +0000

Претседателот на државата Стево Пендаровски денеска во Охрид во претседателската Вила Билјана ги пречека високиот претставник на ЕУ за надворешни работи и безбедносна политика и потпретседател на Европската Комисија Жозеп Борел, претседателот на Србија Александар Вучиќ и премиерот на Косово Албин Курти на работна сесија од преговорите во рамки на дијалогот на високо ниво Белград-Приштина под покровителство на ЕУ, известуваат од неговиот кабинет. - Претседателот Пендаровски смета дека е исклучително важно што оваа работна сесија од дијалогот на високо ниво помеѓу Белград и Приштина се одвива во Охрид, бидејќи тоа е знак дека Република Северна Македонија во изминативе години покажа нетипично балканско однесување и функционира како вистинска мултиетничка демократија, што е реткост и во пошироки рамки. Ова го доживуваме како признание за постигнатото во изминатиот период и поттик на домашните политички сили да продолжат со европските реформи, за што е можно побрзо да станеме полноправна и формална членка на Европската Унија, посочуваат од кабинетот на Пендаровски. Оттаму потенцираат дека преговорите помеѓу Белград и Приштина се исклучително важно регионално прашање чиешто решавање може да помогне за трајна стабилизација на регионот и негова побрза европска и евро-атлантска интеграција.

Лајчак: Одложен состанокот Белград-Приштина

Магдалена Андонова — Fri, 25 Sep 2020 19:55:17 +0000

Дијалогот меѓу Белград и Приштина, кој беше закажан за понеделник, е откажан поради пандемијата на коронавирусот, соопшти специјалниот пратеник на Европската унија за дијалогот меѓу Србија и Косово, Мирослав Лајчак. „Поради претпазливост во врска со Ковид-19, состанокот во рамките на дијалогот (Белград и Приштина) закажан за понеделник следната недела ќе биде одложен“, објави Лајчак на својот профил на Твитер. Лајчак претходно изјави дека делегациите на Косово и Србија ќе се состанат в понеделник, 28 септември во Брисел, за да ги продолжат разговорите за финансиските побарувања и имотот и дека заедницата на српските општини нема да биде на дневен ред. Не е познат нов датум за состанокот, јави Бета. (МИА)

Во Брисел денеска продолжува дијалогот меѓу Белград и Приштина

Дарко Андоновски — Mon, 07 Sep 2020 07:32:59 +0000

Во Брисел денеска, со средбата на српскиот претседател Александар Вучиќ и косовскиот премиер Авдулах Хоти, продолжува дијалогот меѓу Белград и Приштина за нормализирање на односите, под покровителство на ЕУ, Домаќин на состанокот е високиот претставник на ЕУ за надворешна политика и безбедност Јозеп Борел и специјалниот претставник на ЕУ за дијалог Белград-Приштина, Мирослав Лајчак. ЕУ соопшти дека на средбата ќе бидат разгледани прашања за малцинските заедници, меѓусебните побарувања и имотот, како дел од патот кон сеопфатен договор за нормализирање на односите меѓу Косово и Србија. Вучиќ вчера пристигна од Вашингтон во Брисел, каде се состана со специјалниот пратеник на ЕУ за дијалог меѓу Белград и Приштина, Мирослав Лајчак и специјалниот пратеник на државниот секретар на САД за Западен Балкан, Метју Палмер. Српскиот претседател најави дека на денешниот дијалог ќе се разговара за три клучни теми: исчезнатите лица, внатрешно раселените лица и економијата и најави дека една од темите ќе биде Здружението на српски општини. Косовскиот премиер Хоти, пак, најави дека денеска со Вучиќ ќе разговара за конечниот договор за заемно признавање и нормализирање на односите меѓу Косово и Србија. Косовскиот координатор за дијалог со Србија, Скендер Хисени, вчера по состанокот на експертските тимови од Белград и Приштина во Брисел, рече дека двете делегации забележливо ги доближиле своите ставови околу тоа што тој го нарече „елементи за еден сеопфатен договор за взаемно признавање“.

Експертски тимови во Брисел продолжуваат да работат на Дијалогот Белград – Приштина

Ивона Петрова — Thu, 23 Jul 2020 05:26:38 +0000

Експертски тимови на Србија и на Косово денеска и утре во Брисел ќе ја продолжат работата во рамките на Дијалогот Белград – Приштина. Експертите денеска ќе разговараат на темите што беа почнати на првиот физички состанок на високо ниво. – Косово и Србија се повикани да испратат свои експерти, за да продолжат да се занимаваат со прашањата покренати на состанокот на лидерите минатиот четврток, изјави портпаролката на Европска Унија, Набила Масрали. Европската служба за надворешни работи не наведе детали од планот и агендата на разговорот.

Вучиќ: Договорени темите за продолжување на Дијалогот Белград – Приштина во Брисел

Тале Кристо — Sun, 12 Jul 2020 15:48:44 +0000

Претседателот на Србија, Александар Вучиќ денеска изјави дека се договорени темите за состанокот во Брисел, што ќе се одржи в четврток во рамките на дијалогот Белград – Приштина. – По 20 месеци продолжува Дијалогот под покровителство на ЕУ. Договорени се темите за состанокот во Брисел в четврток, напиша Вучиќ на Инстаграм. Вучиќ денеска имаше видео состанок со косовскиот премиер Авдулах Хоти и со претставници на Европската Унија. Специјалниот претставник на ЕУ за Дијалогот Белград – Приштина, Мирослав Лајчак, по видео средбата со Вучиќ и Хоти изјави дека Диојалогот е вратен на вистинскиот пат. – Драго ми е што можам да кажам дека по самитот во Париз и денешната средба, дијалогот за нормализирање на односите меѓу Белград и Приштина, со посредство на ЕУ, по 20 месеци се врати на вистинскиот пат, изјави Лајчак. И Лајчак истакна дека состанокот биле договорени главните елементи на процесот и агендата на следната средба, што ќе се одржи во живо во четврток во Брисел. Видео конференцијата меѓу Белград, Приштина и преговарачот на ЕУ траеше околу 2,5 часа. Одржани се билатерални консултации на двете страни со високиот претставник на ЕУ за надворешни работи и безбедност, Жозеп Борел и со Лајчак.

Мишел: Итно потребен напредок во дијалогот Белград-Приштина

Магдалена Андонова — Thu, 25 Jun 2020 11:38:44 +0000

Претседателот на Европскиот Совет, Шарл Мишел, утрово оствари средба со косовскиот премиер, Авдулах Хоти, за кого ова е прва официјална посета на Брисел и ЕУ, јави дописничката на МИА од Брисел. Рестартирањето на дијалогот за нормализација на односите помеѓу Белград и Приштина бил главна тема на разговор, но ни напредокот на Косово кон ЕУ, од што зависи “кредибилитетот на заложбата“ на двете страни. -Ја истакнав итната потребата за напредокот во Дијалогот помеѓу Белград и Приштина. Неодамнешното назначување на Специјалниот претставник на ЕУ, Мирослав Лајчак за Дијалогот го илустрира фокусот на ЕУ кон овој дијалог, чие рестартирање е сега планирано за јули 2020 во Брисел, соопштија од кабинетот на Мишел. На средбата станало збор и обвинението на хашкиот суд против Хашим Тачи, но ЕУ одбива да коментира освен за да ја истакне потребата процесот да се одвива независно без влијание од надвор. (МИА)

Дачиќ: САД имаат нов пристап кон косовското прашање

Даниел Василев — Sat, 28 Jul 2018 14:29:45 +0000

Српскиот министер за надворешни работи Ивица Дачиќ денеска изјави дека Соединетите Американски Држави имаат нов, конструктивен пристап кон решавањето на косовското прашање, за кој рече дека претставува значителна промена од досегашниот став. - Тоа значи дека се отвори вратата за барање на ново, компромисно решение, нешто на што САД не беа подготвени во изминатите години бидејќи сметаа дека косовското прашање е затворено, изјави Дачиќ. Прашан дали се работи за нов предлог, Дачиќ рече дека повеќе се работи за нов пристап кон проблемот, пренесе Танјуг. Дачиќ не претстави детали за новиот американски став. Неговата изјава доаѓа неколку дена откако претседателот Александар Вучиќ алудираше дека е подготвен за поделба на Косово, на што реагираа косовските власти велејќи дека тоа не доаѓа в предвид. Американскиот амбасадор во Србија Кајл Скот изјави дека ставот на САД бил и останува дека косовското прашање треба да се реши низ преговори меѓу Белград и Приштина. МИА

Ѓуриќ: Без договор меѓу Белград и Приштина, ќе дојде до судири

Даниел Василев — Thu, 19 Jul 2018 14:17:26 +0000

Директорот на српската Канцеларија за Косово и Метохија Марко Ѓуричќ изјави денеска дека Србија мора да биде свесна за последиците доколку не се постигне договор со Приштина, а тоа би било враќање на Србија и регионот во судири. Тој вели дека Србија денес е соочена со дилемата дали сака да постигне догвоор или не, но мора да биде свесна за она што ќе се случи доколку не се случи договор. - Доколку не постигнеме договор, бидете сосема сигурни дека работите нема да може да останат вакви какви шпто се. Во следните неколку години сосема е сигурно дека би ја вратиле нашата држава и регионот во некој вид судир. Нема да може да осигураме дека нашите деца нема да гинат, изјави Ѓуриќ за РТС. Според него, во дијалогот со Приштина има „сериозно и тешко“ условување“. На прашањето за евентуална поделба на Косово или размена на територии за столче во ОН, Ѓуриќ избегна одговор и рече дека што и да добие Србија ќе биде повеќе октолку што има денес. МИА

Вучиќ, Тачи и Могерини во Брисел го разгледаа напредокот во дијалогот

Даниел Василев — Wed, 18 Jul 2018 11:21:30 +0000

Високата претставничка на ЕУ за надворешни работи и безбедност Федерика Могерини и претседателите на Србија и Косово, Александар Вучиќ и Хашим Тачи денеска во Брисел го разгледаа напредокот во разговорите за нормализација на односите. Како што објави Европската комисија по состанокот, договорено е новиот круг од политичкиот дијалог на највисоко ниво да се одржи за неколку недели, за да продолжат да работи на ова прашање. Српскиот претседател Вучиќ по состанокот изјави дека денешните разговори не биле лесни и дека постојат две работи околу кои е постигнат договор. - Една е разговорите да ги продолжиме и да се обидеме да најдеме заеднички именител на компромисно решение, а втората работа е да го зачуваме мирот и стабилноста во односите меѓу Белград и Приштина, изјави Вучиќ. Тој нагласи дека кажано во една реченица „Албанците и Хашим Тачи сакаат и бараат се за Албанците од Косово, додека Белград се обидува да изнајде компромисно решение во кое ниту една страна не би била понижена“. - Јас секако се борам за Србија и српската страна во која интересите на другата страна не би биле сосем занемарени, изјави Вучиќ посочувајќи дека позицијата и разговорите не се лесни за никого, бидејќи е важно проблемите да се решаваат заради иднината. Во врска со признавањето на независноста на Косово, Вучиќ потенцираше дека на секојдневна основа има разговор за постигнување компромисно решение. - Единственото компромисно решение кое го предлагаат сите политички партии на Косово, особено Хашим Тачи и сите други, секогаш е признавање на независноста на Косово, а тоа така не функционира, рече Вучиќ. Тој изјави дека на разговорите биле „превземени одредени технички чекори“ со цел во Косово да не дојде повторно до инциденити, какви ги имаше до неодамна. Во врска со следните чекори кои ги очекува во дијалогот, Вучиќ изјеви дека е неприфатливо прекинување на разговорите и се да се остави на емоциите и на решавање со страсти. - Затоа Србија е решена да ги продолжи разговорите и кога ќе бидат тие закажани, ние ќе ги продолжиме овие разговори во добра верба и со најдобра намера да се постигне решение. А дали ќе постигнеме решение и дали можеме да понудиме некакво решение... тоа ќе го видиме - засега не сме блиску до нешто такво, рече претседателот на Србија. МИА

Хан оптимист за постигнување решение од дијалогот Белград-Приштина

Даниел Василев — Thu, 17 May 2018 09:05:55 +0000

Европскиот комесар за преговори за проширување на ЕУ, Јоахнес Хан денеска во Софија изјави дека е оптимист кога станува збор за поттикнување решение од дијалогот Белград- Приштина. - Јас сум секогаш оптимист. Новата стратегија јасно нагласува дека постои песпектива за се. Тоа значи дека и во интерес на Косово е да работи на решение за правно обрзувачки договор, изјави Хан на доаѓањето на Самитот на ЕУ - Западен Балкан во Софија. Европскоит комесар нагласи дека има нов поттик и моментум за двете страни да дојдат до договор што е можно побрзо. МИА