бело чоколадо – Kurir.mk

Сутлијаш со бело чоколадо

Ивона Петрова — Fri, 02 Dec 2022 08:45:27 +0000

Овој одличен рецепт може да се најде на вашето мени денес. Има ли нешто подобро од топол сутлијаш со додаток на бело чоколадо? Уживајте во чинија сутлијаш кој ги буди сите сетила, а рецептот е толку едноставен што можете да го подготвите и ако сте почетник. Состојки: 250 мл. слатка павлака 250 грама ориз 1 кесичка ванилин шеќер 200 грама бело чоколадо Подготовка: Во тенџере ставете ги сите состојки освен белото чоколадо. Гответе на средна топлина, повремено мешајќи, околу петнаесет минути, додека смесата не се згусне. Се трга од оган и се додава белото чоколадо. Потоа мешајте додека не се растопи. Ставете го подготвениот сутлијаш во чинии и послужете додека е уште топол. Можете да додадете и како цимет, суво грозје по желба.

Дали сте љубители на белото чоколадо? После овој текст ќе се предомислите!

Ивана Ефремовски — Wed, 04 Nov 2020 14:23:11 +0000

Повеќето луѓе знаат дека постојат 3 главни типови чоколадо: бело, млечно и темно. Освен тоа, најголемиот дел од луѓето знаат кое чоколадо им е омилено. И темното и светлото чоколадо имаат свои фанови, но што е всушност белото чоколадо? Единственото нешто што ги поврзува вистинското и белото чоколадо е формата и вкусот, бидејќи белото чоколадо не содржи ни грам какао. Состојките на белото чоколадо не се воопшто здрави, бидејќи станува збор за штетни билни отрови, вештачки ароми и шеќери во големо количество. Неговата хранлива вредност е еднаква на нула. Попрецизно, белото чоколадо содржи путер од какао, шеќер и остатоци од млеко. Белото чоколадо мора да содржи најмалку 14% млечни остатоци, меѓу кои 3,5% млечни маснотии и не повеќе од 55% шеќер и други засладувачи. Па, дали белото чоколадо е вистинско чоколадо? Одговорот е не, бидејќи не ги содржи двете главни состојки, а тоа се чоколаден ликер и какао што се неизоставен дел од сите видови вистинско чоколадо. Секако дека ни црното чоколадо не е најздравиот избор ако се претера, ама дефинитивно треба да го одбегнувате белото чоколадо. Освен тоа, овој тип чоколадо може да ви направи проблеми со дигестивниот систем. Нареден пат кога ќе го избирате вашиот десерт, направете паметен избор!

Црната страна на белото чоколадо: Еве зошто не треба да им го давате на децата

Ивана Ефремовски — Thu, 09 Jul 2020 21:49:14 +0000

Белата чоколада која децата ја обожуваат, всушност е мешавина од масти и хемиски ароми. Нутриционистите предупредуваат дека овој производ неоправдано го носи името “чоколада“ бидејќи не ја содржи главната компонента – какао.

Како што тврдат експертите за исхрана, произведителите на бела чоколада наместо какао путер користат други растителни масти, па затоа белата чоколада не може да послужи ни како најлоша замена за чоколадата.

Белата чоколада е сладок отров кој нема апсолутно никаква хранлива вредност, а само калории. За разлика од нормалната чоколада во белата нема теобромин кој се добива од какаото, а делува стимулативно на организмот ако се конзумира во умерени количини.

Експертите предупредуваат дека белата чоколада многу потешко се вари од црната и дека овој сладок грев е преполн со вештачки ароми, емулгатори и нездрава замена за какао путер (32 грама во 100 грама производ).

Најголемиот проблем со овој десерт е што никогаш не сте сигурни што јадете. Многу хемија и нула хранлива вредност!