Заштитна маска од бело злато и дијаманти (ВИДЕО)

Магдалена Андонова — Fri, 04 Dec 2020 15:05:11 +0000

Компанијата „Моци џуелри“ од Санкт Петербург, Русија, создаде луксузна заштитна маска за оние со подлабок џеб и префинет, скап вкус. Станува збор за маска за лице изработена од 450 грама бело злато, а покриена со дијаманти… Основачот и креативен директор на компанијата, Дмитриј Кузњецов покажа како изгледа овој ексклузивен дизајн. Тој рече дека ја дизајнирал маската за време на првиот бран на пандемијата на коронавирусот. Кузњецов вели дека компанијата првично не очекувала да најде купувач за производот. Но, на нивно изненадување, откако маската беше претставена пред јавноста, еден приватен колекционер веднаш се јавил како заинтересиран. – За да ја одбележам оваа „посебна“ година, решив да дизајнирам маска што ќе потсетува на овој настан. Создадов нешто занимливо и нешто што ќе остане. Ова не е само маска со филтер, вели дизајнерот. Цената изнесува 110.000 евра. Маската е украсена со 3.750 дијаманти и е со вкупна тежина од 500 грама. (МИА)

Стотици илјади евра во пламен: Уништен пленот на криумчарите на „бело злато“ (ФОТО)

Ивана Ефремовски — Sat, 06 Oct 2018 08:20:44 +0000

Властите на Мјанмар во главниот град Нејпјидоу запалија конфискуфани слонови коски, како и други делови од диви животни, за да ја подигне свеста за споревување на законот за илегалната трговија со фива флора и фауна. Чадот и пламенот се надвиле низ градот, а властите испратиле јаснапорака дека и во иднина ќе се борат силно против криволовот поради кој страдаат илјадници недолжни животни, најмногу слоновите. Инаку, слоновите коски на црниот пазар можат да достигнат цена и до 7.000 евра за килограм, па поради тоа го има и епитетот „бело злато“. И покрај забраната и се помалиот број на слонови, крумчарењето на коските е трето по рентабилност, по дрогата и оружјето. Деловите од телата се барани како украсни предмети и се користат во традиционалната медицина, особено во Кина. Криумчарењето на коските, вадењето на златото, илегалните „чекори“ на природните ресурси и други кривични дела се 38 отсто од приходите со кои се финансираат конфликти и вооружени групи, се наведва во неодамшено објавено истражување на Интерпол. Групите од организиран криминал се занимаваат и со трговија на слоновите коски од Африка и роговите од носорог кои се продаваат во Азија за користење во традиционалната медицина, а во извештајот на Интерпол се нагласува дека 165 милиони долари заработени со таквата трговија се само мал дел од нивните собрани приходи.

бело злато – Kurir.mk

Заштитна маска од бело злато и дијаманти (ВИДЕО)

Стотици илјади евра во пламен: Уништен пленот на криумчарите на „бело злато“ (ФОТО)