Лондонскиoт фудбалски клуб Челси објави лоша вест за англискиот селектор Герет Саутгејт, откако дефанзивецот Бен Чилвел потешко се повреди во средата против Динамо Загреб и нема да биде во конкуренција за настап на Мундијалот во Катар. Чилвел заработи повреда на задната ложа , а после лекарските прегледи констатирано е дека станува збор за посериозна повреда која бара подолг период на рехабилитација, што значи дека Чилвел нема да биде дел од селекцијата на „Гордиот албион“. Тој е втор фудбалер на Челси кој се повредува во пресрет на СП, откако претходно против Милан повреда заработи и Рис Џејмс, кој сега е во рехабилитациска фаза и има „трка со времето“, но мали се шансите дека ќе биде максимално спремен за да се најде меѓу 26-те фудбалери на списокот на Саутгејт.