Бенџамин Менди – Kurir.mk

Судот го прогласи Менди за невин

Бошко Тасиќ — Sat, 14 Jan 2023 09:41:20 +0000

Фудбалерот на Манчестер Сити, Бенџамин Менди кој беше обвинет за силување, е прогласен за невин. Францускиот дефанзивец, кој беше суспендиран од Сити на една година, му се суди од август минатата годниа, и обвинет е за шест случаи на силувања, еден обид за силување, и еден сексуален напад. После пет месеци судење, е одлучено дека Менди не е виновен. Обвинителството има рок од седум дена да се жали на оваа одлука на Судот, а ако тоа биде сторено, повторно ќе има рочишта за да се потврди невиноста на францускиот играч.

Менди ослободен од обвиненијата за шест силувања, го чека судење и за седмо

Катерина Бојаџиева — Fri, 13 Jan 2023 14:55:28 +0000

Судот во англискиот град Честер го прогласи денеска францускиот фудбалер Бенџамин Менди за невин за шест силувања и еден сексуален напад, но нему повторно ќе му се суди по две обвиненија за силување и обид за силување, откако поротниците не донесоа пресуда. На крајот од двонеделниот процес во судот во Честер, 28-годишниот Менди беше ослободен од обвиненијата за шест силувања и еден сексуален напад врз вкупно четири жени. Меѓутоа, поротниците не донесоа пресуда по седмото обвинение за силување и обид за силување, за што на Менди повторно ќе му се суди на 26 мај. На поранешниот француски репрезентативец, кого неговиот клуб Манчестер сити го суспендираше во август 2021 година, му се закануваше казна доживотен затвор, откако обвинителството го обвини за седум силувања, обид за силување и сексуален напад врз жени во неговата вила, вредна шест милиони евра, во областа Чешир. Второобвинетиот Луис Саха Матури, кој не во роднински врски со поранешниот фудбалер Луис Саха, е прогласен за невин по три обвиненија за силување, а судската порота не донесе пресуда за три други обвиненија за силување и три за сексуален напад.

Менди обвинет за уште едно силување

Тале Кристо — Wed, 22 Dec 2021 15:45:58 +0000

Францускиот дефанзивец во редовите на премиерлигашот Манчестер сити, Бенџамин Менди (27) е обвинет за уште едно, вкупно седмо силување, јавија денеска светските агенции. Менди, кој во 2018 година со француската репрезентација ја освои титулата светски првак, сега се товари за силување на седум жени, и за сексуален напад врз една жена. Најновото седмо обвинение за силување францускиот фудбалер се товари дека го сторил во јули оваа година/. Претходните шест обвиненија се однесуваа на периодот од октомври 2020 до август 2021 година. Менди, кој од средината на август е во истражен затвор, денеска беше изведен пред судија во судот во Честер. На сослушувањето пред судијата се појави уште еден маж, Луис Саха Матури, чиј врски со Менди сè уште не се докрај расчистени, а и тој е обвинет за шест силувања и сексуален напад врз жена во периодот од март до август 20221 година. И двајцата во затворот во Ливерпул го чекаат судењето, кое требаше да почне на 24 јануари, но беше одложено на неодредено време. Менди стана најскапиот дефанзивен фудбалер во историјата кога во 2017 година премина од Монако во Манчестер сити за 60 милиони евра.

Манчестер Сити ќе ја испита новогодишната забава на Менди

Ивона Петрова — Sun, 03 Jan 2021 10:37:29 +0000

Премиерлигашот Манчестер сити ќе го испита однесувањето на дефанзивецот Бенџамин Менди по извештаите дека бил домаќин на забава за Нова година. Клубот ќе истражува потенцијално прекршување на прописите за борба против коронавирусите од страна на 26-годишниот Французин. За потсетување, Манчестер сити има пет фудбалери заразени со коронавирус.