бенџамин нетанјаху – Kurir.mk

Шолц се сретна со Нетанјаху, повика на компромис за израелските судски реформи

Ристе Здравков — Wed, 20 Sep 2023 06:13:49 +0000

Германскиот канцелар Олаф Шолц повторно вчера, на средбата со израелскиот премиер Бенјамин Нетанјаху на маргините на Генералното собрание на ОН, ги поддржа напорите за изнаоѓање компромис за контроверзните судски реформи во Израел. Шолц ја истакна важноста на најшироката можна социјална поддршка за ваквите фундаментални реформи и ја истакна посветеноста на израелскиот претседател Исак Херцог на ова прашање, изјави вчера портпаролот на германската влада Штефен Хебестрајт по 50 минути разговори. Херцог бара компромис во спорот што го дели израелското општество со месеци и редовно води до масовни протести. Засега не е познато дали Шолц разговарал со Нетанјаху за израелските критики на германскиот амбасадор во Израел, Штефен Зајберт, бидејќи присуствувал на сослушување поврзано со реформите во правосудството. Во понеделникот Шолц го поддржа Зајберт во Њујорк. „Германскиот амбасадор е многу посветен човек со многу јасни принципи. И верувам дека сите го знаат тоа и во Израел“, рече тој како одговор на новинарско прашање. Десничарската влада на Израел формално протестираше поради присуството на Зајберт на сослушувањето на Врховниот суд за контроверзниот закон. Израел смета дека ова е мешање во внатрешните политички работи, објавија локалните медиуми.

Илјадници на улиците на Тел Авив протестираа против новата влада на Нетанјаху

Ристе Здравков — Sun, 08 Jan 2023 08:12:46 +0000

Неколку илјади луѓе синоќа излегоа на улиците на Тел Авив за да протестираат против новата влада на премиерот Бенјамин Нетанјаху, која ги обединува екстремните десничарски и верски партии. Демонстрантите се собраа во центарот на крајбрежниот град и гласно маршираа низ улиците, веејќи израелски знамиња и држејќи транспаренти против Нетанјаху. „Заедно со илјадниците демонстранти излеговме да протестираме и јасно да кажеме – нашата земја не може да се уништи! Ќе продолжиме да се бориме за нашата демократија“, напиша на Твитер лидерот на израелската Лабуристичка партија, Мерав Михаели. Новиот десничарски кабинет на Нетанјаху положи заклетва минатата недела, при што неколку министерски места беа доделени на ултранационалисти. Се наведува дека владата планира сеопфатни реформи, од проширување на населбите на окупираниот Западен Брег до слабеење на моќта на судството. Драматичните реформи на новиот министер за правда Јарив Левин во судството беа главната грижа на демонстрантите. Левин сака да му овозможи на мнозинството во парламентот да ги поништи одлуките на Врховниот суд. Левин сака да го промени и составот на телото кое ги назначува судиите. „Ако не излеземе на улица, ќе ја изгубиме нашата демократија“, рече еден од демонстрантите Хеви Боем, додавајќи дека новата влада е криминална и корумпирана. Друг учесник рече дека е добро што толку многу луѓе излегоа на улица, „но дека сè уште не е доволно да се спречи оваа криминална власт“. Меѓу изменетите закони беше и оној што му дозволи на лидерот на ултраортодоксната партија Шас Арјеха Дери да стане министер за внатрешни работи и покрај пресудата за даночни прекршувања. Нетанјаху, од друга страна, е лидер со најдолг стаж во Израел и е вмешан во години на истраги кои вклучуваат измама, нарушување на довербата и корупција.

Нетанјаху објави дека постигнал договор за формирање нова израелска влада

Ристе Здравков — Thu, 22 Dec 2022 09:52:36 +0000

Израелскиот премиер со најдолг стаж Бенјамин Нетанјаху, изјави дека обезбедил договор за формирање нова влада по неколкунеделни неочекувано тешки преговори со верските и екстремно десничарските коалициски партнери. „Успеав“, напиша Нетанјаху синоќа на Твитер, неколку минути пред крајниот рок на полноќ што го постави израелскиот претседател Исак Херцог. Портпаролот на Херцог потврди дека е примено известувањето на Нетанјаху. – Благодарaм на огромната јавна поддршка што ја добивме на последните избори, успеав да направам влада која ќе работи за доброто на сите израелски граѓани, напиша подоцна Нетанјаху Нетанјаху, лидерот на партијата Ликуд и поранешен премиер, и неговиот десничарски блок на изборите освоија 64 места, мнозинство од 120, а тој го доби мандатот да ја формира новата израелска влада.

Поранешниот премиер Бенџамин Нетанјаху води на изборите во Израел

Ристе Здравков — Wed, 02 Nov 2022 06:26:12 +0000

Партијата Ликуд на поранешниот израелски премиер Бенџамин Нетанјаху води на изборите со 30 пратенички места, пренесуваат израелските медиуми. На второ место е партијата Јеш Атид на актуелниот премиер Јаир Лапид со 22 пратенички места. Најдолговечниот израелски премиер, кому му се суди за корупција, би требало да добие 61 или 62 пратенички места од 120, според излезните анкети на израелската телевизија.

View this post on Instagram

A post shared by Benjamin Netanyahu - בנימין נתניהו (@b.netanyahu)

Претходно беше објавено дека во Израел на 1 ноември во 7 часот по локално време беа отворени избирачките места за предвремени парламентарни избори. Ова се петти парламентарни избори од 9 април 2019 година. Врз основа на нивните резултати ќе се утврдува составот на Кнесетот (парламентот) на 25-тото свикување, а потоа ќе започне процедурата за формирање владина коалиција. Доколку биде успешен, новата влада и премиерот ќе положат заклетва. На овие избори гласаат 6,78 милиони избирачи: тоа се државјани на земјата над 18 години кои се на денот на гласање во Израел или во странство на официјални службени патувања.

Илјадници Израелци со поддршка за Нетанјаху

Ивона Петрова — Wed, 27 Nov 2019 07:20:35 +0000

Илјадници луѓе излегоа на улиците на Тел Авив за да го поддржат израелскиот премиер Бенјамин Нетанјаху, кој минатата недела беше обвинет за корупција. „Нетанјаху, народот е со вас“ и „Не за правосудната диктатура“, се замо дел од транспарентите што ги носеа демонстрантите. За митингот, прв по поднесувањето на обвинението проти израелскиот премиер, неговата партија Ликуд организираше автобуси од целата земја. – Кога нашиот премиер е нападнат на сите фронтови, време е да се обединиме и да го зајакнеме, напиша министерката за култура и спорт Мири Регев на Фејсбук. Таа е блиска соработничка на Нетанјаху и присуствуваше на собирот. Нетанјаху (70) на 21 ноември беше обвинет за корупција, злоупотреба на службената должност и малверзација во три одвоени случаи.

Нетанјаху: Протерувањето на дипломатите јасна порака на Рама до иранскиот режим

Ристе Здравков — Thu, 20 Dec 2018 20:36:16 +0000

Израелскиот премиер Бенјамин Нетанјаху го пофали својот албански колега Еди Рама за протерувањето од Албанија на иранскиот амбасадор Галамхошеин Мохамадниа и уште еден дипломат под обвиние „за терористички заговори на територијата на Албанија“. – Важни вести од Албанија денеска. Албанскиот премиер Еди Рама го протера иранскиот амбасадор од Тирана. Со ова, премиерот Рама испрати јасна порака до радикалниот исламистички режим на Иран – дека заговорите за терористички напади имаат цена, пишува Нетанјаху. Како што пренесуваат албанските медиуми, протерување на иранските дипломати од албанските власти било побарано претходно. Поради оддолжување на тоа, Нетанјаху ја одложил најавената посета на Тирана на први минатиот месец, што ќе беше прва посета на израелски премиер на Албанија. Денеска писмо со благодарност до премиерот Рама испрати американскорт претседателот Доналд Трамп во кое стои дека протерувањето е „пример за амерканско-албанските напори да и покажеме на иранската влада дека нејзините терористички акции во Европа и светот ќе имаат сериозни последици “. И советникот за национална безбедност на САД, Џон Болтон, изрази поддршка за премиерот Еди Рама и албанскиот народ во борбата против тероризмот. Протерувањето на иранските дипломати од Тирана го поздрави и амерканскиот државен секретар Мајк Помпео, оценувајќи дека „светот треба да биде обединет во санкциите кон Иран, со цел да го смени однесувањето.

Нетанјаху: Хамас молеше за прекин на огнот

Ристе Здравков — Wed, 14 Nov 2018 14:54:45 +0000

Израелскиот премиер Бенјамин Нетанјаху изјави дека лидерите на исламистичкото движење Хамас молеле за прекин на огнот. Тоа е прва изјава на Нетанјаху откако Владата на Израел се согласила за прекин на огнот, што стапи во сила. Нетанјаху на комеморацијата на првиот израелски премиер, таткото на нацијата Давид Бен-Гурион, изјави дека не може да изнесе детали за плановите за иднината на Појасот Газа. Ние ќе поставиме услови во право време за Израел и за безбедноста на нашите граѓани, посочи Нетанјаху. Израелскиот премиер беше критикуван од десничарите и од некои жители во јужен Израел, кои бараа многу поагресивен одговор на теророт од Хамас од Појасот Газа. Тој коментирајќи ги протестите на жителите во јужен Израел, кои протестираа кога стапи во сила прекинот на огнот, посочи дека ги слуша и сака, како и дека заедно со безбедносните претставници ја гледа „пошироката слика“, која не може да ја сподели со јавноста. Во знак на протест поради примирјето во Појасот Газа израелскиот министер за одбрана Авигдор Либерман денеска изјави дека поднесува оставка од функцијата во конзервативната коалициска Влада на премиерот Нетанјаху. Објавувајќи ја оставката, која стапува во сила 48 часа откако ќе ја предаде во писмена форма, Либерман го нарече вчерашниот договор за прекин на огнот со палестинското исламистичко движење Хамас, постигнат со посредство на Египет, „капитулација пред теророт“. За портпаролот на палестинското движење Хамас, Сами Абу Зухри оставката на Либерман по дводневните тешки борби е „политичка победа за Газа“. Денешната оставка на Либерман значи признавање на поразот и неуспех во судирот со палестинскиот отпор, посочи Зухри. Палестинските екстремисти во понеделникот истрелаа 460 ракети и минофрлачки проектили врз Израел за еден ден, а израелските воени авиони нападнаа 160 цели во Газа, при што загинаа седум Палестинци, од кои петмина екстремисти. Во Израел загина едно лице откако ракета погоди станбена зграда, а три лица се тешко повредени. Тоа е една од најсериозните насилства после војната во 2014 година помеѓу Хамас и Израел.

Израелскиот премиер не се додржа да не заигра- победничката на Евровизија се изненади од неговите танчерски способности (ВИДЕО)

Дарко Андоновски — Fri, 18 May 2018 09:02:59 +0000

Израелскиот премиер Бенџамин Натанјаху не можеше да и одолее на израелската победничка на Евровизија Нета Барзаилаи која и ја донесе победата на нивната земја речиси повторно по 20 години. -Колку е забавно да се запознае претставничката на Евровизија во Ерусалим, напиша премиерот на Израел на својот Твитер профил.

???@NettaBarzilai pic.twitter.com/3cQtS6yNio
— Benjamin Netanyahu (@netanyahu) May 16, 2018

Тој додава и дека сите ја сакаат пејачката која им донесе голема чест во нивната земја. Имено на видео снимката се гледа како премиерот заедно со пејачката го емитираат нејзиниот настап како кокошка со кој победи на Евровизија минатата недела.

Ја насмеа цела држава: Премиерот на Израел по победата на Евровизија заигра како кокошка (ВИДЕО)

Дарко Андоновски — Tue, 15 May 2018 07:59:28 +0000

Премиерот на Израел Бенџамин Нетанјаху е многу задоволен откако неговата земја победи на Евровизија, па на јавноста им приреди мало изненадување. Пејачката Нета Барзилај со песната „Toy“ им ја донесе победата на Израел во саботата вечерта, а Израелците веќе со денови на најразличен начин ја слават победата. Еден од илјадниците граѓани кој е горд на победата е и премиерот на Израел кој пред почетокот на состанокот на Владата го започна играјќи како кокошка. -Овие денови Ерусалим е благословен со многу подароци, рече премиерот. А во меѓувреме на социјалните мрежи се појавија и снимки како премиерот го изведе танцот, погледнете.

בוקר טוי ישראל! ?? ? pic.twitter.com/9pimWcU07s
— Benjamin Netanyahu (@netanyahu) May 13, 2018