бенџамин павар – Kurir.mk

Французинот Павар во Интер

Ивона Петрова — Thu, 31 Aug 2023 10:28:29 +0000

Францускиот фудбалски репрезентативец Бенџамин Павар е нов играч на Интер, потврди официјално италијанскиот клуб. Павар доаѓа во Интер од редовите на минхенски Баерн, а италијанскиот клуб не објави детали од договорот. Според италијанските медиуми, Интер ќе му плати на Баерн 30 милиони евра за трансферот, плус дополнителни два милиони евра бонуси. Павар го носеше дресот на Баерн од 2019 година, кога дојде од Штутгарт, и со актуелниот германски првак освои вкупно четири шампионски титули во Бундеслигата.

Интер доби согласност од Павар, се чека Баерн

Ивона Петрова — Fri, 18 Aug 2023 08:25:01 +0000

Фудбалерот на Баерн Минхен, Бенџамин Павар е подготвен да премине во Интер. Според новинарот Флоријан Плетенберг, „Нероаѕурите“ постигнале вербален договор со дефанзивецот. Во италијанските медиуми излезе информација дека Интер понудил 25 милиони евра, а Баерн бара нешто повеќе од 30 милиони. Павар кариерата ја почна во Лил, потоа играше во Штутгарт, а од 2019 година е член на Баерн Минхен. Од 2017 година е француски репрезентативец. Самиот фудбалер повеќе пати изјавуваше дека не е среќен во Баерн и дека има желба да ја промени клупската средина.

Павар сака да замине од Баерн

Ивона Петрова — Thu, 01 Jun 2023 19:20:38 +0000

Германските медиуми пишуваат дека 27-годишниот француски фудбалски репрезентативец Бенџамин Павар нема намера да го продолжи договорот со Баерн и сака да го напушти шампионскиот тим од Минхен. Павар има договор со Баерн до крајот на идната сезона, но изминатиот период неговиот менаџер веќе остварил средба со донеодамнешниот спортски директор Хасан Салихамиџиќ, кого го известил за желбата на Французинот да замине од клубот. Во меѓувреме, Салихамиџиќ беше отпуштен од должноста, заедно со членот на клупското раководство Оливер Кан, и неизвесно е дали новите челници ќе инсистираат Павар да остане во клубот. Според германските медиуми, желбата на поранешниот фудбалер на Лил и Штутгарт да замине од Баерн е мотивирана од интерес за неговите услуги од Барселона.

Баерн го казни Павар поради возење под дејство на алкохол

Ивона Петрова — Wed, 02 Nov 2022 11:47:54 +0000

Тренерот на Баерн Минхен, Јулијан Нагелсман, потврди дека германскиот првак парично го казнил својот фудбалер Бенџамин Павар бидејќи управувал со автомобил под дејство на алкохол. Баерн вчера го победи Интер со 2-0 во последниот натпревар од групната фаза во Лигата на шампиони, а Павар беше еден од стрелците. Одговарајќи на новинарски прашања по натпреварот, Нагелсман рече дека на Павар му е одземена возачката дозвола, а клубот го казнил со петцифрена сума откако францускиот фудбалер беше приведен поради возење под дејство на алкохол. -Мислам дека клубот реагираше на вистински начин. Тој ја увиде грешката, изјави Нагелсман. Спортскиот директор на Баерн, Хасан Салихамиџиќ, прецизираше дека инцидентот се случил пред два месеци.

Павар се повреди пред реваншот против Челси во Лигата на шампионите

Магдалена Андонова — Mon, 27 Jul 2020 07:41:37 +0000

Дефанзивецот на Баерн, Бенџамин Павар, се повреди на тренинзите, соопшти клубот од Минхен. Французинот го напушти теренот на носилки. Според резултатите од медицинскиот преглед, му бил дијагностициран оштетување на лигаментите на левиот глужд. Павар најверојатно ќе го пропушти реваншот од осминафиналната рунда во Лигата на шампионите на 8 август против Челзи. На првиот меч Баерн како гостин победи со 3:0. Оваа сезона, 24-годишниот Французин има четири гола и седум асистенции на 46 одиграни натпревари. (МИА)

Уште една бомба на мечот Франција- Аргентина: Погледнете го брилијантниот гол на францускиот дефанзивец (ВИДЕО)

Матеја Петровски — Sat, 30 Jun 2018 15:33:50 +0000

Два вистински евроголови на мечот Франција- Аргентина, прво Анхел Ди Марија со една бомба успеа да донесе израмнување за својата репрезентација, која подоцна и водеше со 2:1. А израмнувањето на 2:2 за Франција го донесе десниот бек, Бенџамин Павар, кој со уште една бомба од работ на шеснаесетникот успеа да даде еден брилијантен гол. Погледнете ја мајсторијата на Павар: Инаку, во моментов Франција води со 4:2, а водство им донесе Килијан Мбапе со два гола