бенфика – Kurir.mk

Бенфика го освои португалскиот Суперкуп, Ди Марија му даде гол на Порто (ВИДЕО)

Ристе Здравков — Thu, 10 Aug 2023 08:52:35 +0000

Бенфика со 2-0 го победи Порто во хаотичен натпревар со 12 жолти картони и два црвени, Анхел Ди Марија постигна гол на овој меч. Бенфика го освои трофејот од Суперкупот на Португалија откако со 2-0 славеше над ривалот Порто. Повратникот во Бенфика, нивната најголема ѕвезда, Анхел Ди Марија го отвори резултатот со гол во 61. минута. Седум минути подоцна погоди и Муса за конечни 2-0. На натпреварот беа покажани дури 12 жолти картони. Седум за Бенфика и пет за Порто. Во 91. минута Пепе беше исклучен поради намерен и сосема беспотребен старт. Шлагот на тортата се случи пред самиот крај кога тренерот на Порто Консеисао беше исклучен, но не сакаше да излезе, па со полиција требаше да го изнесуваат од теренот.

🎥 O primeiro 𝗚𝗢𝗟𝗢 da noite, por 𝑫𝒊 𝑴𝒂𝒈𝒊𝒂! 🪄#SLBFCP #Supertaça pic.twitter.com/gKz7uZHgcM
— SL Benfica (@SLBenfica) August 9, 2023

🎥 Musa fechou as contas do marcador assim! 😎#SLBFCP #Supertaça pic.twitter.com/mn9ooOwjXS
— SL Benfica (@SLBenfica) August 9, 2023

E o Pepe que depois que foi expulso ficou mostrando a camisa do Porto para os torcedores do Benfica.
Surtado kk pic.twitter.com/RVTC3kNg3C
— Lewi Montenegro (@blasttoizze) August 9, 2023

Бенфика го освои Суперкупот на Португалија

Ивана Ефремовски — Thu, 10 Aug 2023 06:00:06 +0000

Бенфика синоќа го совлада Порто во Суперкупот на Португалија со 2:0. Анхел ди Марија го отвори резултатот во 61. минута, кој летото се врати во клубот по 13 години. Седум минути подоцна Петар Муса ја удвои предноста на „орлите“. На крајот од средбата Порто остана со фудбалер помалку- црвен картон доби Пепе во 90+1 минута, а шест минути подоцна судијата го исклучи главниот тренер на тимот Сергиу Консеисао. Бенфика го освои Суперкупот на земјата по 9-ти пат во својата историја, израмнувајќи се со Спортинг по бројот на освоени трофеи во ва натпреварување. Рекордер по бројот на победи во португалскиот Суперкуп е Порто со 23 трофеи. (МИА)

ПСЖ купува од Бенфика

Бошко Тасиќ — Thu, 03 Aug 2023 03:49:57 +0000

Заминувањето на Лионел Меси и најверојатно на Килијан Мбапе, ќе направи голема празнина во нападот на ПСЖ, па управата тргна по ангажирање на напаѓач. Изборот падна на младиот фудбалер на Бенфика, Гонсало Рамош (22) кој минатата сезона на 30 натпревари постигна 19 гола за оваа екипа. Понудата на ПСЖ изнесува 65 милиони евра плус дополнителни 15 милиони во бонуси. Доколку Бенгика ја прифати понудата, Рамош ќе потпише петгодишен договор, а француските медиуми пишуваат дека тренерот Луис Енрике, го гледа како еден од лидерите на новиот ПСЖ.

ПСЖ во Бенфика го најде новиот напаѓач

Ристе Здравков — Sun, 30 Jul 2023 18:50:18 +0000

Примарна цел на ПСЖ ова лето ќе биде доведување на врвен напаѓач и „светците“ веќе ја почнаа потрагата. Луис Енрике бара засилување во нападот бидејќи Меси замина, а иднината на Мбапе е несигурна. Најново име на списокот на ПСЖ е ѕвездата на Бенфика и португалски репрезентативец, Гонзало Рамош. Португалецот оваа сезона постигна 26 гола и запиша 12 асистенции, а остави одличен впечаток и на Мундијалот. ПСЖ наскоро ќе започне преговори со Бенфика и спрема понуда од 75 милиони евра, но португалскиот клуб бара 10 милиони повеќе.

Милан во Бенфика ја најде замената за Тонали

Бошко Тасиќ — Sun, 25 Jun 2023 14:14:27 +0000

Италијанскиот фудбалски тим Милан е силно заинтересиран за фудбалерот на Бенфика, Флорентино Луис, пренесуваат италијанските медиуми. „Росонерите“ се во потрага по квалитетен играч за врска кој ќе биде замена за Садро Тонали, а на врвот на листата желби е токму Флорентино Луис. Бенфика бара најмалку 30 милиони евра за 23-годишниот играч за врска, кој има договор со португалскиот куб до 2027 година.

Германецот Шмит останува во Бенфика до 2026 година

Бошко Тасиќ — Sun, 02 Apr 2023 06:11:55 +0000

Германецот Роџер Шмит ќе остане тренер на португалскиот фудбалски гигант Бенфика до 30 јуни 2026 година, соопшти клубот од Лисабон.

„Чувствувам дека се наоѓам на вистинското место и многу сум среќен поради тоа што Бенфика има доверба во мене“, изјави германскиот стратег. Португалскиот клуб потпиша договор со Шмит во мај лани.

Шмит стекна реноме како тренер на австриски Салцбург и германски Баер Леверкузен, а од 2020 година го предводеше холандски ПСВ Ајндховен.

Енцо Фернандез во Челси за 120 милиони евра

Бошко Тасиќ — Wed, 01 Feb 2023 05:54:06 +0000

Челси, Бенфика и Енцо Фернандез се договорија. Аргентинецот станува дел од лондонските „сини“ откако фудбалерот ги помина лекарските прегледи и потпиша договор до 2031 година. Според најавите, двете страни си подале рака за трансфер вреден 120 милиони евра, што е најголем во историјата на Челси, и најголем во овој преоден рок. Челси синоќа испрати авион по Енцо и челниците на Бенфика за да ја завршат работата и да го реализираат овој трансфер.

Бенфика под истрага за местење натпревари

Ивона Петрова — Mon, 09 Jan 2023 13:15:48 +0000

Португалскиот фудбалски гигант Бенфика е под истрага за наводно местење натпревари во периодот од 2016 до 2020 година, јавија локалните медиуми. Португалската полиција почна истрага откако во јавноста излегоа информации по хакерски напади на бројни клупски фајлови. Под истрага се сите луѓе кои во тој период биле дел од раководството, како и актуелниот претседател Руи Кошта. Претседател на Бенфика во тоа време беше Луис Фелипе Виеира, додека Кошта беше втор човек во клупската хиерархија. „По објавените вести на оваа тема, можеме да потврдиме дека од 3. јануари се води истрага против клубот, против сите членови на Управниот одбор од 2016 до 2020 година, како и сите кои се дел од актуелното раководство на клубот“, соопшти Бенфика на својот официјален сајт.

Бенфика под истрага за местење на натпревари

Бошко Тасиќ — Sun, 08 Jan 2023 18:26:29 +0000

Португалскиот фудбал го тресе сериозен скандал откако полицијата почна темелна истрага против Бенфика, по сознанијата дека овој гигант местел натпревари во периодот од 2016 до 2020 година. Истрагата е базирана на информации откако се хакирани бројни клупски датотеки, вклучувајќи и емаил-комуникации од официјалните клупски адреси. Сите луѓе кои биле дел од управата на клубот во тој период се под истрага, вклучувајќи го тука и актуелниот претседател Руи Коста. Во тој период претседател на Бенфика беше Луис Филипе Виеира, а Коста работеше директно под него, наследувајќи го кога овој се повлече по обвиненијата за перење пари и даночни измами. Долгогодишниот претседател на Бенфика важеше за човек без дамка на името, но тоа дефинитивно може да се промени по најновата истрага против неговиот клуб. Дека ситуацијата не е наивна доволна потврда е дека Бенфика преку клупско соопштение потврди дека клубот е под полициска истрага, не обелоденувајќи повеќе детали. “По објавените вести на оваа тема, можеме да потврдиме дека од 3 јануари се води истрага против клубот, против сите членови на Управниот одбор од 2016 до 2020 година, но и сите оние кои се моментна управа во клубот“, објави Бенфика.

Енцо се сели во Челзи за 127 милиони евра, трансферот ќе биде шести најскап во историјата

Ивона Петрова — Tue, 03 Jan 2023 09:54:43 +0000

Фудбалерот од средниот ред на Бенфика, Енцо Фернандез е пред трансфер во Челзи. Според пишувањата во британските медиуми, Челзи ќе плати 127 милиони евра за Аргентинецот. „Сините“ се подготвени да ја плати ослободителната клаузула од 120 милиони евра што ја побара португалскиот клуб, а ќе платат уште седум милиони евра за да не мора да ја плати целата сума одеднаш. Клубот од Лондон ќе го плати трансферот на 21-годишниот играч во три транши од приближно 40 милиони евра. До комплетирање на трансферот остануваат уште ситни детали. Доколку се оствари трансферот ќе биде меѓу десетте најскапи трансфери во историјата. Само за пет играчи во историјата на фудбалот досега се платени повеќе од 127 милиони евра.