Бени Ганц – Kurir.mk

Ганц: Сакам јасно да кажам, не ѝ продаваме оружје на Украина

Ивона Петрова — Wed, 19 Oct 2022 11:06:42 +0000

Израел продолжува да ја исклучува можноста за доставување оружје на Украина и покрај руските напади со ирански борбени дронови, јави ДПА. – Сакам јасно да кажам дека не ѝ продаваме оружје на Украина, нагласи синоќа израелскиот министер за одбрана Бени Ганц за радиото Кол Чаи. Тој додаде дека во Украина се праќа само медицинска и хуманитарна помош и оти така ќе биде и во иднина. – Јас сум министер за одбрана и јас сум одговорен за извозот на израелското оружје, подвлече Ганц. Дел од украинските медиуми пишуваат дека украинскиот министер за надворешни работи, Дмитро Кулебо, во текот на вчерашниот ден, изјавил оти неговата земја треба да побара системи за противвоздушна одбрана од Израел, со цел да се брани од руските напади.

Палестинскиот претседател по вторпат се сретна со израелскиот министер за одбрана

Тале Кристо — Wed, 29 Dec 2021 07:47:39 +0000

Палестинскиот претседател Махмуд Абас се сретна со израелскиот министер за одбрана Бени Ганц, соопшти израелското Министерство за одбрана. „Двајцата лидери разговараа за безбедносни и цивилни прашања“, се вели во соопштението. Ганц го информирал Абас дека планира да продолжи да промовира активности насочени кон градење доверба на економско и цивилно поле, како што беше одлучено на последниот состанок на двајцата лидери, се додава во соопштението. Израелските медиуми пишуваат дека средбата се одржала во куќата на Ганц во Рош Хааин, во центарот на земјата. Во соопштение, партијата Ликуд ја осуди средбата, истакнувајќи дека отстапките опасни за израелската безбедност се само прашање на време. „Израелско-палестинската влада ги врати Палестинците и Абас на дневен ред. Тоа е опасно за Израел“, додаде десничарската партија.

Нетанјаху и Ганц формираа Влада на национално единство

Ивона Петрова — Tue, 21 Apr 2020 05:48:46 +0000

Израелскиот премиер Бенјамин Нетанјаху и неговиот противкландидат на изборите Бени Ганц синоќа објавија дека формирале Влада на национално единство, со што е прекината најдолгата политичка криза во историјата на земјата. Договорот за формирање на Влада за национално единство го потпишаа лидерот на Ликуд, Нетанјаху и претседателот на Партијата Сино и бело, Ганц. По преоданата влада која траеше 16 месеци, три парламентарни избори за помалку од една година, Нетанјаху и Ганц се сретнаа вчера пред почетокот на Денот на сеќавање на жртвите од холокаустот, што во Израел се одбележува од вчера од заоѓање на сонцето до вечерва. Не се објавени детали од договорот.

Бени Ганц избран за претседател на Парламентот на Израел

Тале Кристо — Thu, 26 Mar 2020 18:31:32 +0000

Главниот ривал на израелскиот премиер Бенјамин Нетанјаху, Бени Ганц денеска е избран за претседател на Парламентот. Со само делумна поддршка од партијата Сино бело и поддршка од десничарскиот Ликуд на израелскиот премиер Бенјамин Нетанјаху, Ганц беше избран со 74 гласови „за“ во Кнесетот кој има 120 места. Овој потег ја остава отворена можност за договор за ротирање на Ганц и Нетанјаху на премиерската функција, коментираат светските агенции.