Демократскиот сојуз предлага на сите здравствени работници да им се признае бенифициран стаж

Магдалена Андонова — Mon, 10 May 2021 08:27:05 +0000

Демократскиот сојуз предлага на сите здравствени работници додека трае пандемијата да им се пресметува бенефициран стаж (за 12 месеци ефективна работа да им се пресметуваат 16 месеци), со зголемен процент да им се пресметува пензиската основа, а да се разгледаат и други погодности, како повеќе денови за годишен одмор и сл. - Воедно предлагаме Собранието на Македонија да донесе резолуција за трајно одбележување и признание на здравствените работници за несебичното ангажирање и пожртвуваност за време на пандемијата и придонесот што го имаат во заштитата на инфицираните од коронавирусот и заболените од КОВИД 19, лекарската грижа и изложувањето на себе си и на семејствата е огромна опасност по здравјето. Демократскиот сојуз иницира расправа за овие предлози и очекува Владата и Собранието да ги преточат во соодветни законски решенија. Истовремено, апелираме најавеното зголемување на платите за здравствените работници да се реализира што е можно побрзо. Инаку, соодветен респект заслужуваат и вработени во други области, како што се припадниците на полицијата, трговските работници во малопродажбата итн, велат од сојузот.

Лицата со бенифициран стаж да изберат дали ќе членуваат во задолжителните пензиски фондови

Катерина Бојаџиева — Tue, 29 Oct 2019 11:49:01 +0000

Членовите на задолжителните пензиски фондови со бенифициран стаж имаат право до 30 следниот месец да изберат дали ќе го продолжат членството во тие фондови или пак парите ќе им бидат префрлени во Фондот на пензиско и инвалидско осигурување. Согласно со законските измени од 2 септември годинава членовите на задолжителните пензиски фондови кои веќе стекнале стаж со кој се остварува намалување на старосната граница за пензионирање за најмалку една година согласно член 118 став (3) од Законот за пензиското и инвалидското осигурување, имаат право да изберат дали ќе го продолжат членството во задолжителен пензиски фонд најдоцна до 30 следниот месец, соопшти денеска Агенцијата за супервизија на капитално финансирано пензиско осигурување (МАПАС). Изборот се врши со писмена изјава, а доколку членовите до овој рок не го остварат правото за избор, членството во задолжителниот пензиски фонд ќе им престане на 1 декември 2019 година. По престанување на членството во задолжителниот пензиски фонд, пензиското друштво го пренесува вкупниот износ на средствата од индивидуалните сметките на овие членови во Фондот на пензиското и инвалидското осигурување на Северна Македонија (Фондот на ПИОСМ). Членовите кои нема да го остварат правото на избор остануваат осигуреници само во тековно финансираното пензиско осигурување засновано на генерациска солидарност (Фондот на ПИОСМ) од каде што ќе остварат пензија.

бенифициран стаж – Kurir.mk

Демократскиот сојуз предлага на сите здравствени работници да им се признае бенифициран стаж

Лицата со бенифициран стаж да изберат дали ќе членуваат во задолжителните пензиски фондови