Беноа Пер – Kurir.mk

Беноа Пер: Не можам повеќе, по 250. пат сум позитивен на коронавирус

Дарко Андоновски — Wed, 29 Dec 2021 15:32:28 +0000

Три недели пред почетокот на Австралија Опен, францускиот тенисер Беноа Пер резигнирано објави на социјалните мрежи дека повторно е позитивен на коронавирус. – Поздрав, моето име е Беноа Пер и позитивен сум на коронавирус по 250-ти пат! Не можам повеќе да се носам со овие Ковид г … ци, објави 46-то рангираниот светски тенисер на својот Инстаграм профил. – Не ми е ништо, малку ми тече носот, но поради карантинот во кој се наоѓам на другиот крај од светот, не сум баш психички најдобар. Минатата година беше лоша, а оваа тргна во иста насока, напиша Пер, додавајќи оти е вакциниран со две дози и оти ја поддржува вакцинацијата. Пер оваа година го пропушти настапот на Ју-Ес-Опен поради Ковид – 19.

Забранет настап на Беноа Пер на ОИ во Токио

Бошко Тасиќ — Sat, 24 Apr 2021 07:07:46 +0000

Француската тениска федерација објави дека на 35. тенисер на АТП листата Беноа Пер му е забрането учество на Олимписките игри во Токио.

Пер нема да биде вклучен во делегацијата на Франција за олимпискиот тениски турнир поради несоодветно однесување.

Предлогот да се донесе ваква драстична одлука го даде новиот технички директор на Француската тениска федерација, Никола Ескуд, во договор со селекторот на француската Дејвис куп репрезентација, Себастијан Грожан.

Однесувањето на Пер беше под посебна контрола откако беше казнет на турнирите во Буенос Аирес и Монте Карло за плукање.

Пер: Не сакам да играм на УС Опен – сакам да останам жив

Магдалена Андонова — Mon, 06 Jul 2020 16:48:15 +0000

УС Опен се планира да започне на крајот на август под посебни мерки. Сепак, многу влади сè уште се несигурни за состојбата во Њујорк со пандемијата на коронавирус. Еден од оние што е против играње е францускиот тенисер Беноа Пер, кој смета дека сегашната состојба во САД е премногу напната за игра. – Пред еден месец би рекол дека ситуацијата се подобруваше, кафулињата почнаа повторно да се отвораат, како и рестораните, а сега е малку катастрофа. Постојат ризици од заминување во САД. Дури и ако одиме таму, има коцкање, има многу случаи на лице место – вели 31. тенисер во светот за францускиот „РМЦ“. Тоа е многу комплицирано, подвлекува Пер. – Да се оди таму значи да ризикувате да бидете заразени. Сакам да играм тенис и да патувам, тоа е нашето секојдневие, но ако ризикуваме да заминеме во САД, додека го почитуваме карантинот, се чини комплицирано. Ако играме на УС Опен, треба да ги жртвуваме Мадрид и Рим за сето тоа. Мора да најдете летови за да стигнете таму, смета Французинот. На крајот, тој најави дека може да го пропушти Гренд слем турнирот во „Големото јаболко“. – И покрај тоа што постои финансиско ограничување заради прекин на сезоната и потребата за игра, во овој момент претпочитам да не играм. Сакам да останам жив и со добра здравствена состојба – заврши Французинот. УС Опен е планиран за периодот од 31 август до 13 септември. (MИА)

Беноа Пер парично казнет заради непримерно однесување

Ивона Петрова — Thu, 02 Aug 2018 13:25:54 +0000

Францускиот тенисер Беноа Пер доби парична казна од 16.500 долари заради непримерно однесување. Тој во три сета беше поразен од кипарскиот тенисер Маркос Багдатис на отворањето на турнирот Сити опен во Вашингтон, a пред самиот крај на натпреварот во налет на гнев поради поразот искрши три рекети. - Навистина бев вознемиерн. Меѓутоа, она што треба да се памети е дека напредувам во играта. Оние кои сакаат да се занимаваат со другите нешта нека продолжат, но тоа е зад мене, истакна Пер. Казната која АТП му ја одреди на францускиот тенисер е двојно поголема од наградата која ја доби за учество на турнирот. МИА