бензема – Kurir.mk

Роналдо, Меси, Халанд, Бензема, Левандовски и Салах се меѓу финалистите на „Глоуб Сокер“ во категоријата „Најдобар играч на годината“

Тале Кристо — Thu, 03 Nov 2022 13:47:01 +0000

Познати се финалистите на Глоуб Сокер наградите во категоријата „Најдобар играч на годината“. Во потесниот избор влегоа: Карим Бензема, Тибо Куртоа (двајцата од Реал Мадрид), Роберт Левандовски (Барселона), Лионел Меси, Килијан Мбапе (двајцата од ПСЖ), Ерлинг Халанд (Манчестер сити), Кристијано Роналдо (Манчестер јунајтед), Луис Дијаз, Мохамед Салах и Садио Мане (тројцата од Ливерпул). Номинирани за наградата играч на годината во избор на навивачите преку Тикток се: Кевин де Брујне, Ерлинг Халанд (двајцата од Манчестер сити), Карим Бензема (Реал Мадрид), Роберт Левандовски (Барселона), Лионел Меси (ПСЖ), Мохамед Салах (Ливерпул) и Кристијано Роналдо (Манчестер јунајтед). Церемонијата на доделување на наградите ќе се одржи во Дубаи (ОАЕ) на 17 ноември. Најтрофеен досега е Кристијано Роналдо – наградата за најдобар играч на годината ја доби шест пати.

На Бензема ќе му се суди за уцена на Валбуена

Тале Кристо — Thu, 07 Jan 2021 15:11:10 +0000

Напаѓачот на Реал Мадрид, Карим Бензема ќе се соочи со судење за уцена на играчот од средниот ред на Олимпијакос, Матје Валбуена, пренесува „Ле Паризиен“. Случајот ќе биде разгледан во Версај. Бензема, според истражителите, бил посредник во 2015 година и го поттикнал Валбуена да им плаќа на уценувачите кои поседувале интимно видео од фудбалерот. Поради скандалот, двајцата играчи не беа повикани во репрезентацијата на Франција за Европското првенство во 2016 година. Оттогаш Бензема не доби репрезентативен повик и го пропушти Светското првенство на кое Франција го освои трофејот.

Бензема и Рамос нема да играат против Интер

Тале Кристо — Tue, 24 Nov 2020 09:01:35 +0000

Реал Мадрид на официјалната веб-страница го објави составот на тимот за натпреварот од 4. коло во Лигата на шампионите против Интер. Напаѓачот Карим Бензема и дефанзивецот Серхио Рамос не се вклучени во составот поради повреди, додека дефанзивецот Едер Милитау е позитивен на коронавирус. Изоставен е и напаѓачот Лука Јовиќ, додека повредени се играчот за врска Федерико Валверде и дефанзивецот Алваро Одриосола. Реал Мадрид со четири бода е трет во Б-групата, Интер со два бода е на последната позиција. Средбата ќе се игра утре во Милано со почеток во 21 часот.

Пирес: Бензема заслужува место во националниот тим, без оглед на тоа што се случи со Валбуена

Тале Кристо — Sun, 01 Nov 2020 08:26:35 +0000

Поранешниот француски репрезентативец Роберт Пирес изјави дека напаѓачот на Реал Мадрид, Карим Бензема неправедно не добива покани за националниот тим. – Бензема исчезна од репрезентацијата на Франција во 2015 година поради случајот Валбуена. Во 2017 година, судот пресуди дека тој е невин, но тој повеќе не беше поканет во националниот тим. Дали мислите дека ова е фер? Ова е комплексна тема што создаде многу полемики во Франција, и сè уште се водат. Не ме интересира што се случи со Валбуена, но ми се чини дека Бензема заслужува место во француската репрезентација заради она што го стори и прави со Реал Мадрид, изјави Пирес. Според него, но и според многу други фудбалски стручњаци, Бензема е еден од најдобрите напаѓачи во Европа, но селекторот Дешамп го има последниот збор кога се работи за повик во репрезентацијата на Франција.