бензинска – Kurir.mk

Не сакал да плати на бензинска, па се заканувал со нож – приведен скопјанец

Ивана Ефремовски — Sun, 10 Sep 2023 19:13:18 +0000

На 09.09.2023 во 23:50 часот Скопје, на подрачје на Карпош, полициски службеници го лишиле од слобода Е.А.(32) од Скопје. Приведен е постапувајќи по пријава според која околу 23:45 часот на бензинска пумпа на подрачјето на Карпош одбил да плати за производите кои ги зел и се заканувал со остар предмет кон вработените. По целосно документирање на случајот ќе биде поднесена соодветна пријава.

Полнеше бензин, па џипот почна да вози сам: Што сакаше да направи оваа жена? (ВИДЕО)

Ивана Ефремовски — Mon, 08 Jul 2019 20:47:59 +0000

На социјалните мрежи се појави видео на кое на никој не му е јасно што се обидува да направи жената. Почнало нормално, жената го ставила пиштолот во резервоарот за да наполни бензин, но потоа решила да тргне. Вистинскиот шоу настана кога џипот сам почна да вози наназад, а жената се обидува да се качи. Но, тука не завршува циркусиот. За да се намести, почнува да вози напред- назад на бензинската.

Драма на бензинска: Девојка сакала да наточи гориво на електричен автомобил (ВИДЕО)

Катерина Бојаџиева — Tue, 18 Dec 2018 10:49:27 +0000

Логично е дека во електричните возила се „става“ струја, а не бензин, и дека секој возач би требало да го знае тоа, но еве доказ некој не го знае тој факт. Жена застанала на бензинска пумпа решена да го наполни својот електричен автомобил, а тоа што следувало е пресмешно. Очигледно незапознаена со автомобилот, жената излегува и збунето почнува да го бара отворот за бензин. По нецела минута залудна потрага, таа успева да отвори капаче и веднаш се фаќа за кредитната картичка за да плати за бензинот. Она што не го знае е дека наоѓањето на „отворот за бензин“ е полесниот дел. Како што би направиле со секој автомобил со мотор со внатрешно согорување, таа се обидува да го стави „пиштолот“, но тој, нормално не одговара. Тесла моделот има приклучок, а не отвор за гориво. Очигледно дополнително позбунета, жената продолжува да го проучува приклучокот пред да реши дека најверојатно има друг отвор каде што се става бензинот. Таа дури го отвора багажникот, пред да се јави на телефон, најверојатно за да побара помош. Сепак еден маж и` помогнал на жената и и` кажал каде греши.

Инцидент на бензинска во Ѓорче: Не сакал да плати зa наточено гориво, реагирало обезбедувањето

Катерина Бојаџиева — Tue, 02 Oct 2018 15:39:32 +0000

Инцидентот се случил вчера напладне на бензинска станица во Ѓорче Петров кога возач со автомобил Шевролет наточил бензин и одбил да си ја плати сметката од 2 000 денари затоа што во објектот не можел да користи и картичка на која собирал поени, пренесува „Република“. Тоа било причина за расправија на муштеријата со вработените кои заради ситуацијата повикале обезбедување. Возачот без да го подмири долгот излегол од бензиската станицата и влегол во својот автомобил, а кога сакал да го стартува возилото го пресретнало обезбедувањето. По расправија и со вработените и со обезбедувањето, тој на крајот ја подмирил сметката за горивото кое го наточил.

Автомобил со полна брзина се заби во бензинска пумпа: Момент по силниот удар се случи вистинско чудо (ВИДЕО)

Матеја Петровски — Tue, 26 Jun 2018 15:16:05 +0000

Во Мисисипи надзорните камери на една бензинска станица снимија катастрофална несреќа која за среќа не однесе ниту еден живот. Снимката од местото Фловуд покажува како автомобил слетува од патот и со полна брзина, со превртување во воздухот, се удира во пумпата. Но момент по страшната несреќа се случува може да се каже чудо, жената која била во автомобилот зад воланот мирно и неповредено излегува од него. Може да се каже дека е просто неверојатно како ниту пумпата, ниту автомобилот не експлодираа.

Утринава ограбена бензинска во Скопје

Матеја Петровски — Thu, 07 Jun 2018 13:22:12 +0000

Утринава во 04:20 часот во Секторот за внатрешни работи Скопје било пријавено дека на бензинска пумпа на улица „Кемал Сејфула“ од страна на две непознати маскирани лица со закана со пиштол извршено било разбојништво, при што од вработените одзеле една чанта во која имало околу 3.000-4.000 денари. Се превземаат мерки за целосно расчистување на случајот.