бербер – Kurir.mk

ТАЖНА ВЕСТ УТРОВО – почина еден од најпознатите скопски бербери, кај него одеа многу спортисти, актери и политичари (ФОТО)

Дарко Андоновски — Wed, 12 Oct 2022 09:04:52 +0000

На 38-годишна возраст почина еден од најпознатите и најомилени скопски бербери – Џеваир Јакупи или познат како Џеки. Уште утрово социјалните мрежи се преплавени со фотографии во знак на сочуство за прерано починатиот Џеки. Низ неговите берберски раце поминале многу познати личности од нашата јавна сцена, а негов најредовен „муштерија“ беше кошаркарот Перо Антиќ, ракометарот Кире Лазаров, многу политичари, бизнисмени, актери… Џеки беше познат и по тоа што во неговиот берберски салон работеа луѓе од различни нации и вероисповеди и токму поради тоа беше еден од омилените салони за потстрижување на многу луѓе… Џеки позади себе ја остави сопругата и нивните три малолетни ќерки…

Татко пукал во берберот: Не му се допаѓала фризурата на синот

Ивана Ефремовски — Mon, 23 Dec 2019 19:56:03 +0000

Караница за фризурата на дете во една тексашка берберница завршила со пукање, соопшти денеска полицијата во Хјустон. Сведоците изјавија дека во саботата во берберница во Хјустон избила кавга помеѓу берберот и таткото на детето, кој не бил задоволен од фризурата. Потоа таткото испукал три куршуми во берберот и избегал со автомобил. Повредениот бербер е во болница и неговата состојба е стабилна. Полицијата се уште трага за напаѓачот.

Шокантна трансформација: Бербер претвори бездомник во холивудска ѕвезда (ВИДЕО)

Ивана Ефремовски — Thu, 05 Dec 2019 15:00:29 +0000

Бербер целосно го трансформира изгледот на еден бездомник, а резултатот импресионираше многу корисници на социјални мрежи. Рики Хернандез од Јужен Остин, Тексас, го повикал бездомникот Џеф за бесплатна фризура и бричење, а видеото, објавено кон крајот на минатиот месец, стана вирално и беше прегледано од повеќе од 4 милиони луѓе на Јутјуб само за неколку дена. Некои коментираа дека Џеф изгледа најмалку 10 години помлад по трансформацијата. Џеф повремено му помагал на Рики околу берберницата, а Рики му ја вратил наклонетоста и доби многубројни признанија за своето дело и се развиваше пријателство меѓу двајцата. „Тој сега изгледа како холивудска ѕвезда во 2019 година“, „Овој бербер го заслужува сето добро“, „Добра работа, видете колку му значеше“, се само некои од реакциите на ентузијастичните корисници на социјалните мрежи.

ФОТО: Ова е берберот на Боки 13 во „Шутка“

Катерина Бојаџиева — Thu, 26 Sep 2019 13:42:44 +0000

Берберот Саше е единствениот вработен во истражниот затвор во Шуто Оризари кои ги потшишува притворениците, меѓу кои е и Бојан Јовановски, ексцентричниот шоумен осомничен во случајот „Рекет“, објави Фактор. Во 70-тината денови додека Боки 13 се наоѓа во притвор, како што пренесува Фактор, Саше е единствената опција за стилот на Боки 13, иако наместо скапоплатените фризери, овој пат пред себе го има еден од берберите со најскромна плата во земјата. Во јавноста се јавија дилеми кој ли се грижи за изгледот на косата на Јовановски додека тој е во ќелија и чека да заврши истрагата. Берберот Саше долго време работел без да биде пријавен како вработен во истражниот затвор, иако бил еден од ретките кои во тоа време сакале да работат под тамошните услови и околности.

Ова момче е родено без раце, но тоа не го спречи да си го исполни сонот: Погледнете што и како работи денес (ВИДЕО)

Ивана Ефремовски — Sun, 05 Aug 2018 09:02:40 +0000

Младиот Аргентинец Габиел Хередиа и неговата приказна за успехот стана хит во медиумите во целиот свет. 20-годишниот Габриел е роден без раце, но тоа не го спречило да го исполни својот сон и да стане успешен бербер. Почнал да се занимава со овој занает кога имал 14 години, а го инспирирала неговата мајка, фризерка. Почнал да вежба, да ги следи светските трендови и со упорност станал успешен. Тој иако со хендикеп, научил да вози велосипед, мотор ,па дури и автомобил. Завршил редовно училиште со голема помош на неговите соученици. Неговото семејство му помогнало да го отвори својот прв салон во местото Сан Исидоро. Од тогаш,станал најпознат бербер во Аргентина.

Бербер му „го отсече увото“ на момче- погледнете ја неговата реакција (ВИДЕО)

Катерина Бојаџиева — Fri, 03 Aug 2018 15:52:54 +0000

Мислам дека се е во ред, само ќе треба малку да го стиснеме увото, му рече еден бербер од Флорида на момче, откако „му го отсекол увото", по што следела панична реакција. Станува збор за скриена камера, каде што берберот со помош на гумена пумпа му пушти лажна крв по лицето на момчето и му вели дека му го отсекол увото. Веднаш потоа, берберот почнал да пцуе. Детето почнува да вика по мајка си. - Пст, немој да и кажеш! Мислам дека се е во ред, само малку ќе го стиснеме увото, му вели берберот. Најстрашно од се е кога лажното уво падна на подот.

Со боксирач претепан бербер во својот дуќан во гостиварско

Ивана Ефремовски — Fri, 29 Dec 2017 15:21:24 +0000

Надворешната канцеларија за криминалистички работи Гостивар поднесе кривична пријава против С.Р. (34), Ј.М. (18) и Р.Р. (17), сите од с. Врапчиште, гостиварско, поради постоење основи на сомнение за сторено кривично дело „насилство“. С.Р., на 19.октомври годинава во 18.50 часот во берберница во село Добридол со метален боксирач физички го нападнал сопственикот Е.С. (26). Во нападот се приклучиле се приклучиле и Ј.М. и Р.Р..