Берлускони примен во болница поради проблеми со срцето

Тале Кристо — Fri, 15 Jan 2021 09:22:48 +0000

Поранешниот италијански премиер Силвио Берлускони бил итно примен во болницата во Монако поради проблеми со срцето, изјави неговиот личен лекар. Лекарот Алберто Зангрило синоќа изјави дека во понеделнеикот се видел со Берлускони и тогаш решил да го префрли во блиската болница затоа што сметал дека не е мудро да го врати во Италија, чија граница е на 15 километри од малата град-држава. Засега не е познато дали Берлускони го надминал здравствениот проблем. Поранешниот 84-годишен италијански премиер во 2016 година имаше посериозна операција на срцето, а подоцна преживеа и карцином на простата.

Берлускони итно префрлен во болница, паднал на конгресот на ЕПП во Загреб

Тале Кристо — Fri, 22 Nov 2019 18:31:11 +0000

Силвио Берлускони лесно се повредил во Загреб, каде присуствуваше на конгресот на Европската народна партија. Заради тоа, по враќањето во Италија, тој денеска бил примен во болница во Милано, пишува весникот „Кориере дела сера”. Лидерот на партијата „Форца Италија“ се отповикал на барањето на лице во Загреб кое сакало да се слика со него и додека го правеле селфито, Берлускони паднал, и го нагмечил бедрото. Тој се вратил во Милано по завршување на конгресот и вднаш побарал лекарска помош. При прегледот во клиниката во северниот италијански град не била утврдена никаква фрактура, туку само хематом на колкот. Берлускони неколку дена ќе остане под будното око на лекарите во болницата. Партијата денеска преку соопштение ги демантираше гласините дека тој требало под итно да биде транспортиран од Загреб до Милано заради падот.

берлускони – Kurir.mk

Берлускони примен во болница поради проблеми со срцето

Берлускони итно префрлен во болница, паднал на конгресот на ЕПП во Загреб