Бернар Арно, најбогатиот човек во светот вчера изгубил над 10 милијарди долари

Тале Кристо — Wed, 24 May 2023 11:04:40 +0000

Најбогатиот човек на светот, сопственикот на францускиот производител на луксузни стоки LVMH, Бернар Арно, за еден ден изгуби 10,39 милијарди евра, пишуваат денеска медиумите. Арно, наведената сума пари, наводно ја изгубил вчера по значителниот пад на цените на акциите. Берзите во САД бележат пад, а загуби особено бележи секторот на луксузни производи. Акциите на компанијата „Луј Витон“ паднаа за 5,0 отсто, а на компанијата Керинг, сопственик на „Гучи“, за 2,97 отсто. Пазарите се загрижени поради несигурната побарувачка за луксузни стоки во САД. Но, Арно и натаму е најбогатиот човек на светот, а неговото богатство се проценува на 178,12 милијарди евра. Разликата меѓу него и вториот најбогат човек на светот, шефот на „Тесла“ и Твитер, Илон Маск, се намали на 11,13 милијарди евра.

Богатството на најбогатиот човек на светот Бернард Арно надмина 200 милијарди долари

Ристе Здравков — Wed, 05 Apr 2023 12:35:04 +0000

Богатството на Бернар Арно, најбогатиот човек на светот, за прв пат надмина 200 милијарди долари, бидејќи акциите во неговата француска империја за луксузни брендови „ЛВМХ“ достигнаа рекордно високо ниво, пренесува „Гардијан“. 74-годишникот стана само третата личност во историјата која собрала богатство над прагот од 200 милијарди долари. Илон Маск и Џеф Безос претходно ја достигнаа пресвртницата пред нивното богатство да се намали бидејќи цените на акциите на нивните технолошки компании паднаа. Богатството на Арно се зголеми за 2,4 милијарди долари во вторникот и достигна 201 милијарда долари, според дневно ажурираниот индекс на милијардери на Блумберг. Неговото богатство се зголеми за 39 милијарди долари досега оваа година, бидејќи акциите на „ЛВМХ“ се зголемија за 30%, благодарение на зголемената побарувачка за луксузни стоки меѓу богатите во светот. Францускиот милијардер сега е 25 милијарди долари побогат од Маск, чие богатство е уништено со купувањето на „Твитер“ и падот на вредноста на компанијата за електрични автомобили „Тесла“ за 50 отсто во изминатата година. Маск е ко-основач на „Тесла“, главен извршен директор и акционер со 13%. Безос, кој беше првиот човек кој ја достигна пресвртницата од 200 милијарди долари во август 2020 година, моментално е трета најбогата личност во светот, со богатство од 128 милијарди долари. Арно е претседател и главен извршен директор на „ЛВМХ“, кој е сопственик на модните брендови „Луј Витон“, „Кристијан Диор“ и други. Нејзините акции пораснаа за повеќе од 150% во изминатите три години, достигнувајќи ново највисоко ниво од 853 евра во средата наутро. „ЛВМХ“ минатата година постигна рекордна продажба од 79,2 милијарди евра и започна програма за откуп на акции од 1,5 милијарди евра, што помогна дополнително да се зголеми цената на акцијата. Арно, кој беше ко-основач на групата за луксузни стоки пред 35 години и е нејзин мнозински акционер, неодамна ги назначи своите деца на клучни улоги во бизнисот. Во јануари неговото најстаро дете, Делфин, беше именувано за шеф на „Кристијан Диор“, вториот по големина бренд во империјата. Нејзиниот брат Антоан беше унапреден да раководи со холдинг-компанијата која го контролира „ЛВМХ“ и богатството на семејството Арно.

бернар арно – Kurir.mk

Бернар Арно, најбогатиот човек во светот вчера изгубил над 10 милијарди долари

Богатството на најбогатиот човек на светот Бернард Арно надмина 200 милијарди долари