Бернардо Силва – Kurir.mk

Бернардо Силва две недели во „аут“

Бошко Тасиќ — Sat, 23 Sep 2023 05:17:46 +0000

Португалскиот фудбалер Бернардо Силва, е последен во низата играчи на Манчестер Сити кои се здобија со повреда и нема да биде во составот следните две недели. Тој е петти играч кој се повредува сезонава, а пред него во „болницата“ се придружија Кевин Де Брујне, Матео Ковачиќ, Џон Стоунс и Џек Грилиш. „Голема среќа е што не се работи за многу сериозна повреда. Офанзивната линија ни е значително ослабена поради отсуствата, но мораме да бидеме силни и во вакви моменти. Играчите имаат многу натпревари во распоредот, физичкиот напор е огромен и ваквите повреди не треба да не зачудуваат. Одамна се зборува за густиот распоред, но ја прифаќаме ситуацијата каква што е. Ако има помалку мечеви, ќе има и помалку повреди. Имавме напоред период, се надевам дека Бернардо многу бргу ќе се приклучи на тимот и ќе започне со тренинзите“, изјави менаџерот Пеп Гвардиола.

Бернардо Силва во Манчестер Сити до 2026 година

Бошко Тасиќ — Wed, 23 Aug 2023 19:35:27 +0000

Португалскиот интернационалец Бернардо Силва го продолжи договорот со Манчестер Сити. Тој потпиша верност до 2026 година. „Минав шест извонредни години во Манчестер Сити и воодушевен сум што денеска потпишувам нов договор. Освојувањето на тројната круна минатата сезона беше навистина пецијално, возбудливо е да се биде дел од тим со толкава страст и жела за победување“, изјави Бернардо Силва.

ПСЖ ја посакува ѕвездата на Манчестер Сити

Бошко Тасиќ — Fri, 14 Jul 2023 03:41:19 +0000

Управата на ПСЖ веќе доведоа неколку звучни имиња, ама не планираа тука да застанат и нивна голема желба е португалскиот репрезентативец од редовите на Манчестер Сити, Бернардо Силва. „Дејли Рекорд“ пренесува дека францускиот првак испрати понуда до Сити за Силва, ама истата била одбиена. Луис Кампос многу добро го познава Бернардо, има добар однос со него и се обидува да најде начин да го доведе на „Паркот на принцовите“. За офанзивецот интерес има од Саудиска Арабија, се говори и за Барселона, ама и неговиот сегашен тим сака да ја продолжи соработкаат со него.

Манчестер сити е подготвен да го продаде Силва за 99 милиони евра

Ивона Петрова — Wed, 05 Jul 2023 10:20:43 +0000

Манчестер сити е подготвен да го продаде играчот од средниот ред Бернардо Силва ова лето, тврди новинарот Екрем Конур. „Граѓаните“ се подготвени да прифатат понуда од 85 милиони фунти за 28-годишниот фудбалер, вели Конур. Пари Сен-Жермен и Ал Ахли се заинтересирани за купување на португалскиот фудбалер. Претходно беше објавено дека Силва сака да се пресели во парискиот клуб. Во сезоната 2022/23, Силва одигра 54 натпревари на кои постигна седум голови и шест асистенции. Порталот Трансфермаркт го цени играчот на 80 милиони евра. Договорот е до летото 2025 година.

Манчестер Сити ја одби понудата на ПСЖ

Ристе Здравков — Wed, 14 Jun 2023 08:26:26 +0000

Манчестер Сити ја одби понудата на Пари Сен Жермен за играчот од средниот ред Бернардо Силва, објави „Footmercato“. Парижаните биле подготвени во зделката да го вклучат голманот Џанлуиџи Донарума или играчот од средниот ред Марко Верати, но таквите услови не му одговарале на Сити. Во сезоната 2022/23, Силва одигра 55 натпревари на кои постигна седум голови и осум асистенции. Порталот Трансфермаркт го цени играчот на 80 милиони евра.

Манчестер сити ќе го пушти Бернардо Силва ако тој инсистира да си замине

Ивона Петрова — Tue, 02 May 2023 13:41:55 +0000

Манчестер сити е подготвен да се раздели со Бернардо Силва во летниот преоден рок. Според „90мин“ „Граѓаните“ се подготвени да го пуштат 28-годишниот Португалец, но само доколку за него добијат обесштетување од 75 милиони фунти. За играчот се заинтересирани Барселона и ПСЖ. Силва оваа сезона забележа 47 настапи во сите натпреварувања, постигнувајќи пет гола и седум асистенции.

Манчестер сити подготвен да го продаде Бернардо Силва

Ивана Ефремовски — Mon, 06 Mar 2023 11:08:17 +0000

Фудбалерот од средниот ред на Манчестер сити, Бернардо Силва, наскоро може да го смени тимот. Според британските медиуми, раководството на англискиот шампион сака да го продаде играчот. Граѓаните го ценат Португалецот на 65 милиони евра. Претходно беше објавено дека Барселона е заинтересирана за услугите на Силва. Во зимскиот преоден рок каталонскиот тим веќе му се обрати на Сити со понуда од 70 милиони евра, но Британците ја одбија понудата. Барселона се уште покажува интерес за Португалецот и може повторно да се обиде да го добие играчот од средниот ред на лето. Актуелниот договор на Силва со Граѓаните е до летото 2025 година. Дваесет и осумгодишниот играч од средниот ред одигра 37 натпревари за Манчестер сити оваа сезона, постигна четири гола и пет асистенции. Вредноста на играчот според порталот „Трансфермаркт“ се проценува на 80 милиони евра. (МИА)

Беше пет метри зад сите и ги гледаше како се радуваат: Еве зошто Силва не го славеше голот

Ристе Здравков — Wed, 07 Dec 2022 12:43:21 +0000

Фудбалската селекција на Португалија синоќа забележа сензационална победа од 6-1 против Швајцарија, во натпревар во кој Кристијано Роналдо беше резерва, а за составот предводен од искусниот Сантош блесна Гонсало Рамос. Сепак, покрај високата победа и седнувањето на Роналдо на клупата, синоќешниот натпревар го одбележа уште еден интересен потег кој беше во центарот на вниманието. Станува збор за моментот кога Португалците прославуваа гол веднаш до трибините, а сите беа таму освен Бернардо Силва кој беше пет метри зад нив и ги гледаше како се радуваат. На навивачите на Португалија не им беше јасно зошто Бернардо Силва е единствениот кој не го прослави голот заедоно со соиграчите.

Bernardo Silva doing that thing about keeping one player in opposing half to stop a quick re-start. Still not sure if that would actually be allowed pic.twitter.com/JJeif7Fyay
— Martyn Ziegler (@martynziegler) December 6, 2022

На оваа тема се појавија разни теории, но вистинската е следна. Имено, Бернардо не можеше да го прослави голот бидејќи еден од играчите мораше да остане во границите на теренот за да не имаат можност Швајцарците набрзина да тргнат од центарот и да го загрозат нивниот гол. Доколку сите играчи на Португалија беа надвор од границите на теренот, Швајцарија ќе добиеше дозвола од судијата да започне нов напад и лесно ќе постигнеше гол.

Барселона сака да го ангажира Силва во зима

Ивона Петрова — Sat, 05 Nov 2022 17:56:22 +0000

Барселона останува заинтересирана за Бернардо Силва. Според „Diario Sport“, каталонскиот клуб сега ја разгледува можноста да потпише со играчот од средниот ред на Манчестер сити во претстојниот зимски преоден рок. Бернардо е подготвен за преселба, а со заминувањето на Жерар Пике, Барселона има финансиски можности. Сепак, сè уште не е јасно како да се убеди Манчестер сити да пушти важен играч каков што е Силва. Доколку не успее трансферот во зима, Барселона ќе се обиде да го ангажира фудбалерот по завршувањето на сезоната.

Манчестер Сити сака да го продолжи договорот на Бернардо Силва

Бошко Тасиќ — Sun, 21 Aug 2022 17:10:03 +0000

Челниците на Манчестер Сити ќе му понудат продолжување на договорот на Бернардо Силва, бидејќи менаџерот на „граѓаните“ Пеп Гвардиола го смета за еден од најдобрите фудбалери во тимот и во Премиер лигата. Силва во Манчестер сити пристигна во 2017 година од Монако и досега за „граѓните“ одигра 254 натпревари и постигна 48 голови. Со „граѓаните“ освои 11 трофеи.