берни еклстоун – Kurir.mk

Еклстоун: Штета што Германија повеќе не е заинтересирана за Формула 1

Ивана Ефремовски — Wed, 15 Mar 2023 09:20:12 +0000

Берни Еклстоун го сподели своето мислење за кризата на мотоспортот во Германија. Конкретно, поранешниот прв човек на Формула 1 изрази жалење поради фактот што земјата не е домаќин на Гран при почнувајќи од 2021 година. По заминувањето на Себастијан Фетел и Мик Шумахер, од Германците само Нико Хулкенберг остана во шампионатот. -Се прашувам што не е во ред со Германија? Имаше толку многу шампиони во земјата. Но, се чини дека публиката изгуби интерес за Формула 1. Германија ја изгуби важноста за Формула 1. Порано имаше одлични трки со голема публика. Но, тоа е готово. Многу ми е жал што ја загубивме Германија од Формула 1. Трките повеќе не се одржуваат. Изгледа за Германија повеќе не постои Формула 1, изјави Британецот. Во исто време, Еклстоун признава дека ситуацијата може да се подобри: -Би тврдел дека постои основа врз која повторно може да се изгради успех во Германија. Можеби организаторите не се потрудија доволно. Веројатно одржаа мали, пријатни, локални трки, а не меѓународни, погодни за форматот на Светскиот куп. Тие не пораснаа со Ф1. Во сезоната 2023 ќе има рекордни 23 трки од светскиот шампионат во Формула 1. (МИА)

Еклстоун: Нема луѓе како Раиконен во Ф1, сите станаа како роботи

Дарко Андоновски — Wed, 12 Jan 2022 14:10:51 +0000

Поранешниот извршен директор на Формула 1, Берни Еклстоун, модерните пилоти ги гледа како роботи кои не можат да се споредат со светскиот шампион од 2007 година Кими Раиконен, кој се пензионираше минатата година. – Како личност, Кими е само одлично момче. И како тркач … тој е вистински тркач! Такви луѓе се потребни. Тој брка и не се грижи многу за мислењата на другите луѓе. Наместо тоа, тој им го дава своето мислење. Денес има малку луѓе како Кими, всушност нема. И тоа е проблемот. Сите станаа како роботи: слушаат и прават што им се кажува, а не постапуваат како што им одговара, потенцира Еклстоун. Кими Раиконен е последниот возач кој на Ферари му ја донесе шампионката титула. Тој на Формула 1 патеки беше 19 сезони. Поради неговиот карактер го доби прекарот „Ајсмен“.

Еклстоун: Да сум на местото на Фетел, не би одел во врвен тим

Тале Кристо — Wed, 13 May 2020 10:53:16 +0000

Почесниот претседател на Формула 1, Берни Еклстоун го сподели своето мислење за тоа кој следен чекор треба да го направи Себастијан Фетел. Ферари и Фетел најавија прекин на соработката на крајот на сезоната 2020, а иднината на Германецот останува неизвесна. – Искрено, да бев на местото на Фетел, нема да одам во супер врвен тим, туку ќе се обидам да изградам нов тим со други луѓе. Едноставно не гледам посебна причина Себастијан да оди во Мерцедес, на пример. Можноста да се добие Фетел би била комплетна победа за тим кој сега е во изградба. Да, и за Себастијан би било одлично, би било нешто ново, како кога тој го започна своето патување со Ред Бул, истакна Екелстоун. Тој исто така верува дека Ферари ќе направи добар избор ако го покани Карлос Саинц. – Саинц неочекувано прерасна во многу конкурентен тркач. Тој е исто така многу талентиран, а тимот ќе биде многу лесен за работа со него. Ако Саинц е таму, тогаш тој ќе биде во улога на втор возач, но за него статусот на втор во Ферари нема да биде проблем.

Еклстоун: Тод се оддалечува од Ф1, ова може да доведе до катастрофа

Матеја Петровски — Wed, 30 May 2018 10:26:28 +0000

Поранешниот генерален директор на Формула 1, Берни Еклстоун, го критикуваше претседателот на Светска автомобилистичка федерација (ФИА), Жан Тод. Според него, Тод веќе не е вклучен во раководењето со шампионатот во Ф1. - Јас создадов структура, стратешка група која ги развиваше правилата, вклучуваше тимови, ФИА, ФОМ. Секој имаше еднаков број гласови. Сега Тод е премногу зафатен, работи на различни работи, работи 24 часа на ден, но се оддалечува од Формула 1. Ова ме загрижува. Мислам дека претседателот на ФИА треба да учествува во работата. Се надевам дека ова нема да доведе до катастрофа. Тод мора да ја задржи Ф1 во неговите раце, истакна Еклстоун. Еклстоун кој четири децении раководеше со Ф1 од време на време излегува со критики како до раководството на овој спорт, така и до првиот човек на ФИА.