берзи – Kurir.mk

Азиските берзи го следат растот на Волстрит

Ристе Здравков — Wed, 16 Mar 2022 07:13:47 +0000

На азиските берзи цените на акциите денеска пораснаа, како и претходниот ден на Волстрит, што во голема мера се должи на падот на цената на нафтата, но тргувањето се одвива претпазливо пред одлуката на првиот човек на американската централна банка. Азиско-пацифичкиот берзански индекс MSCI, без јапонскиот, беше околу 6,45 за 1,4 отсто по два дена остар пад. На берзата во Токио индексот Никеи зајакна за 1,6 отсто, додека цените на акциите во Јужна Кореја, Австралија, Шангај и Хонг Конг пораснаа меѓу 1 и 3,5 отсто. Најмногу утрово поскапеа акциите на акциите на кинеските берзи, благодарение на корекцијата по остриот пад во претходните денови, кога акциите на технолошките компании беа под голем притисок. Но, тргувањето е претпазливо бидејќи некои инвеститори се разочарани од одлуката на кинеската централна банка дополнително да не ги намалува каматните стапки. Ширењето на коронавирусот во некои делови на Кина не е во корист ниту на пазарите. Додуша, вчера бројот на новозаразени опадна, но поради острите мерки насочени кон борба против вирусот, инвеститорите стравуваат од забавување на економската активност. Од друга страна, поддршка за пазарите обезбедува вчерашниот скок на берзанските индекси на Волстрит за повеќе од 1,8 отсто. Инвеститорите на најголемата светска берза беа охрабрени од падот на цената на нафтата за повеќе од 6 отсто, па вчера се лизнаа под нивото од 100 долари за барел, првпат по рускиот напад на Украина кон крајот на февруари. Пред една недела цената на барелот достигна 139 долари, највисоко ниво од 2008 година. Падот на цената на црното злато во последните денови се должи на надежите на инвеститорите дека преговорите меѓу Русија и Украина ќе резултираат со договор. Оттука, ублажени се стравувањата од нарушување на испораките на нафта од Русија, но и од натамошен раст на инфлацијата, која во САД е на највисоко ниво во последните 40 години. Вчера почна дводневната седница на лидерите на американските централни банки, а нивните одлуки ќе бидат објавени попладнево. Речиси е сигурно дека, за прв пат по три години, ФЕД ќе ги зголеми клучните каматни стапки со оглед на тоа што инфлацијата во САД со месеци е на највисоко ниво во последните 40 години, близу 8 проценти. Повеќето аналитичари очекуваат ФЕД да ги зголеми каматните стапки за 0,25 процентни поени. Сепак, поради високата инфлација, која може дополнително да се зајакне во наредниот период поради неодамнешниот силен раст на цените на енергијата и суровините, можно е поагресивно зголемување на каматните стапки.

Ново поскапување на нафтата утрово

Ристе Здравков — Wed, 16 Mar 2022 06:58:00 +0000

Цените на нафтата утринава пораснаа по неколкудневниот остар пад. Утрово цената на барелот на лондонскиот пазар зајакна за 1,15 отсто на 101,05 долари, додека на американскиот пазар барелот поскапе за 0,75 отсто на 97,15 долари. На девизните пазари, пак, падна вредноста на доларот во однос на кошничката валути. Индексот на доларот, кој ја покажува вредноста на САД во однос на другите шест главни светски валути, се движи околу 98,89 поени, додека вчера во ова време беше 98,87 поени. Истовремено, курсот на доларот во однос на јапонската валута се лизна од вчерашните 118,30 на 118,15 јени. Но, американската валута зајакна во однос на европската, па цената на еврото се лизна на 1.0965 долари, додека вчера во ова време беше 1.0980 долари. Од друга страна, поддршка за пазарите обезбедува вчерашниот скок на берзанските индекси на Волстрит за повеќе од 1,8 отсто. Инвеститорите на најголемата светска берза беа охрабрени од падот на цената на нафтата за повеќе од 6 отсто, па вчера се лизнаа под нивото од 100 долари за барел, првпат по рускиот напад на Украина кон крајот на февруари. Пред една недела цената на барелот достигна 139 долари, највисоко ниво од 2008 година. Но, денес, како што рековме, цената на нафтата повторно порасна.

Нов пад на цените на нафтата

Ристе Здравков — Tue, 15 Mar 2022 07:25:43 +0000

Цените на нафтата утрово дополнително паднаа, додека пред една недела беа над 130 долари за барел. Утрово цената на барелот на лондонскиот пазар потона за 4,05 отсто, на 102,60 долари, додека на американскиот пазар барелот падна за 4,10 отсто, на 98,80 долари. На девизните пазари, пак, падна вредноста на доларот во однос на кошничката валути. Индексот на доларот, кој ја покажува вредноста на САД во однос на другите шест најважни светски валути, се движи околу 98,87 поени, додека вчера во овој момент изнесуваше 99,22 поени. Истовремено, курсот на доларот во однос на јапонската валута порасна од вчерашните 117,80 на 118,30 јени, што е ново највисоко ниво во последните пет години. Но, американската валута ослабе во однос на европската, па цената на еврото достигна 1.0980 долари, додека вчера во овој момент беше 1.09935 долари. Негативното влијание од падот на Волстрит Пазарите се лошо погодени од вчерашниот пад на индексот S&P 500 на Волстрит, како и индексот Nasdaq. Третата недела влезе трендот на лизгање на индексот S&P 500, што е последица на неизвесноста на инвеститорите поради војната во Украина, но и неизвесноста во однос на заострувањето на монетарната политика во САД. Денеска започнува дводневната седница на челниците на ФЕД, а нивните одлуки ќе бидат објавени во среда. Речиси е сигурно дека ФЕД за прв пат по три години ќе ги зголеми клучните каматни стапки, имајќи предвид дека инфлацијата во САД со месеци е на највисоко ниво во последните 40 години, близу 8 проценти. Повеќето аналитичари очекуваат ФЕД да ги зголеми каматните стапки за 0,25 процентни поени. Сепак, поради високата инфлација, која може дополнително да се зајакне во наредниот период поради неодамнешниот силен раст на цените на енергијата и суровините, можно е поагресивно зголемување на каматните стапки. Падот на индексот S&P 500 во голема мера се должи на притисокот врз акциите во технолошкиот сектор. Повисоките каматни стапки негативно влијаат на технологијата и другите акции засновани на раст, бидејќи нивните вреднувања се повеќе зависни од идните парични текови. „Сведоци сме на ротација од сектори базирани на раст во сектори базирани на вредност, а многу од тоа е поврзано со движењето на каматните стапки. Берзата се соочува со предизвици, а денешното тргување е пример за тоа“, рече Пол Нолте, портфолио менаџер во Kingsview. Пад на азиските берзи Цените на акциите на азиските берзи паднаа во вторник, втор ден по ред, а кинеските пазари се под најголем притисок поради новиот бран на коронавирус. Азиско-пацифичкиот берзански индекс MSCI, без јапонскиот, беше во минус за повеќе од 2 отсто околу 7 часа, втор ден по ред што бележи силен пад. На токиската берза индексот Nikkei зајакна за 0,2 отсто, додека цените на акциите во Јужна Кореја, Австралија, Шангај и Хонг Конг паднаа меѓу 0,5 и 4,2 отсто. Како и вчера, цените на акциите на кинеските берзи утринава паднаа најмногу, како резултат на најголемиот број новозаразени со коронавирус од почетокот на пандемијата во 2020 година. Како резултат на тоа, 17-милионскиот град Шенжен е затворен, па инвеститорите стравуваат од слабеење на економската активност. Дотолку повеќе што Централната банка на Кина ги остави каматните стапки непроменети, така што надежите за нови стимулативни мерки беа уништени. Дополнително, неколку технолошки гиганти сè уште се под притисок од акциите, бидејќи на Tencent му се заканува рекордна казна поради непочитување на правилата за спречување на перење пари.

По долг период, падна цената на нафтата

Ристе Здравков — Mon, 14 Mar 2022 09:44:41 +0000

Вредноста на барелот на лондонскиот пазар утринава изнесува 109 долари, што е пад од 3,55 отсто. Истовремено, на американскиот пазар барелот се тргува по речиси четири отсто пониска цена, односно 105 долари. Во петокот овие деривати се тргуваа по цена од 110, односно 107 долари, а цената продолжи да паѓа. На почетокот на минатата недела цените на барелите беа на рекордно ниво и се искачија на 130 долари, што беше нивна највисока вредност од 2008 година. Цените на нафтата во Македонија зависат од движењето на цените на светскиот пазар, РКЕ донесе одлука дека цените ќе се корегираат на дневно ниво, па овој пад, кој, сепак е недоволен, е добра вест и за домашниот пазар.

Парични текови: Еврото на минимум, криптовалутите во минус, рубљата вреди помалку од цент

Ристе Здравков — Thu, 03 Mar 2022 09:09:18 +0000

Еврото денеска се спушти до нивото на 21-месечниот минимум, поради загриженоста дека руската воена акција во Украина ќе го загрози европскиот раст, додека валутите поврзани со суровини достигнаа повеќенеделни максимуми покрај раст на извоните цени. Единствената валута на еврозоната на азиските берзи, според последните достапни информации, се тргуваше на ниво од 1,1097 долари што е незначително над минимумот (1,1058), објави „Ројтерс“. Еврото од почетокот на неделата е во пад од 1,5 отсто и на добар пат е четврта недела во низа да заврши во загуба во однос на американскиот долар. Сметаме дека еврото е многу ранливо во моментната криза. На корпоративно ниво имаме мрежа на комплексни односи меѓу ЕУ и руските компании , особено во енергетскиот сектор. Цената на енергијата порасна, како и на многу земјоделски производи. Војната во Украина навестува уште поголема и долготрајна инфлација и можно забавување на европскиот раст, вели Џејн Фоли од „Рабобанк“, виш стратег за девизниот пазар. И криптовалутите утрово во минус И пазарот на криптовалите бележи минус во последните 24 часа. Вредноста на биткоинот во последното деноноќие е во минус за 0,5 отсто и изнесува 43.574 долари. Етериумот, исто така, бележи пад за, речиси, два отсто и неговата вредност е 2.903 долари. Пад денеска бележат и останатите криптовалути, освен ХРП која е во плус за 0,13 отсто. Пад на рубљата Руската рубња сега вреди помалку од 1 цент. Од понеделникот, рубљата падна за, речиси, 30 отсто и се тргуваше по 119 за еден долар. Рубљата е во слободен пад по руските напади во Украина во изминатата недела. Дополнителен пад беше регистриран вчера, по објавата на Украина дека руски падобранци влегле во нејзиниот втор по големина град, Харков.

Рускиот напад ја турна вредноста на биткоинот за 8%

Ристе Здравков — Thu, 24 Feb 2022 09:25:34 +0000

Цената на биткоинот рано утринава падна под 35.000 долари откако рускиот претседател Владимир Путин започна воена операција против Украина. Според CoinMarketCap, биткоинот вредел 34.969 долари рано утрово, што е за 8% помалку од претходниот ден, пренесува CNN. Највредната криптовалута во светот падна под 40.000 долари во текот на викендот и продолжи да се намалува како што се интензивираше украинската криза. Биткоинот изгуби речиси половина од својата вредност од највисокото ниво во ноември минатата година (68.990 долари) поради геополитичките тензии, можноста за зголемување на каматните стапки од страна на Федералните резерви на САД и ограничувањата на дигиталните средства во некои големи светски економии. Останатите криптовалути, исто така, остро паднаа во четвртокот рано наутро. Ethereum падна за повеќе од 12%, додека dogecoin ослабе за повеќе од 14%. Последната цена на ethereum и dogecoin беше 2.349 долари и 10 центи. Едвард Моја, пазарен аналитичар во Oanda, вчера им кажа на клиентите на неговата компанија дека „многу крипто-инвеститори се погодени од неодамнешниот пад и се двоумат дали да го зголемат својот удел поради огромната неизвесност на ризичните средства“. Моја предвидува дека малку е веројатно дека биткоинот повторно ќе ја достигне својата цена од 40.000 долари во скоро време, бидејќи геополитичките тензии ќе спречат значително зголемување на ризичните средства.

Унца злато 1.943 долари, берзите различни

Магдалена Андонова — Mon, 27 Jul 2020 09:58:01 +0000

Цената на златото денеска се искачи на историско највисоко ниво, како резултат на зголемената побарувачка на загрижените инвеститори за скапоцени метали, поради влошените дипломатски односи меѓу Кина и САД, додека расположението на берзите е различно пред објавување на извештаите за работење на компаниите. Се проценува дека европските акции денеска ќе компензираат дел од силниот пад што беше регистриран во петокот, бидејќи терминскиот индекс „EuroStox 50“ утрово зајакна за 0,2 проценти. Акциите на азиските берзи имаа мешано движење. Ентузијазмот на кинеските пазари се намали, иако индексот на најликвидните акции CSI300 сепак забележа мало закрепнување од 0,1 проценти во однос на големата загуба што ја регистрираше во петокот. На нерамномерното тргување на Вол Стрит, индексот на фјучерсите S&P500 порасна за 0,4 проценти, додека индексот на јапонската берза Никеи падна за 0,5 проценти. Глобалните акции почнаа да поаѓаат кон крајот на минатата недела, откако Вашингтон нареди затворање на кинескиот конзулат во Хјустон, по што Кина врати со затворање на американскиот конзулат во Ченгду. Во исто време, цената на златото скокна за 1,6 проценти на рекордни 1.943 американски долари за унца, надминувајќи го претходното највисоко ниво од септември 2011 година, бидејќи инвеститорите се свртеа кон инвестирање во безбедни средства поради американско-кинеските тензии. (МИА)

Европските берзи бележат пад

Ивона Петрова — Mon, 23 Mar 2020 09:48:53 +0000

Вредноста на акциите на европските берзи денеска се намали до најниското ниво во последните седум години, поради тоа што се поголем број држави се во самоизолација поради новиот коронавирус, па вложувачите стравуваат од длабока рецесија. СТОХХ 600 индексот на водечките европски акции околу девет часот и 30 минути беше во минус 4,6 отсто, што е најниско ниво во последните седум години. Додека лондонскиот ФТСЕ индекс се намали за 4,90 проценти на 4.938 поени, додека франкфуртскиот ДАХ забележа пад од 4,50 отсто на 8.523 поени, а парискиот ЦАЦ се намали на 3.872 поени. Падот на финансиските берзи покажува дека вложувачите не се убедени дека мерките ќе бидат доволни за ублажување на негативните последици од Ковид-19 врз економијата. Според аналитичарите, понатамошното ширење на коронавирусот сериозни и штети на глобалната економија, па очекуваме растот на светската економија да биде на ниовот од времето на глобалната финансиска криза. Во минус од утрото се и американските термински индекси, а денеска се очекува и понатамошен пад на цената на акциите на Волстрит, кои минатата недела забележаа најголема недлна загуба од финансиската криза во 2008 година. И на азиските берзи цената на акциите забележа пад. Индексот на азиско-пацифичките акции, без јапонските, утрово беа во минус околу пет отсто. Додека на Тоиската берза Никеи индексот забележа раст од два отсто на 16.887 поени. Тоа најверојатно се должи на очекуваните мерки од Јапонската централна банка за поагресивно купување на акции

Пад на берзите ширум светот

Ивона Петрова — Thu, 12 Mar 2020 10:34:19 +0000

Цените на акциите на азиските берзи денеска забележаа голем пад, како и индексите на Волстрит, додека индексите на европските берзи паднаа на најниско нови од средината на 2016 година. Тоа е резултат на пандемијата со новиот коронавирус, но и падот на цената на нафтата и одлуката на претседателот на САД, Доналд Трамп да ги забрани патувања во Европа во рок од 30 дена. Во Европа индексот „ЕуроСтокс 50“ на пазарот на фјучерси забележа пад од 6,3 отсто откако претходно беше регистриран пад дури од 8,3 проценти. Лондонскиот индекс фјучерс ФТСЕ изгуби 5,6 отсто, додека германскиот ДАКС – 6,0 поценти. МСЦИ индексот на азиско-пацифичките акции, без јапонските се намали за 4,0 проценти и е на најниското ниво од почетокот на 2019 година. На Токиската берза, Никеи индексот се намали за 3,8 проценти, додека акциите во Шангај, Хонг Конг, Јужна Кореја, Австралија и Сингапур се намалија 1,6 и 8,0 отсто. Остар пад забележаа и американските термински индекси, индексот фјучерс С&П500 утрово падна за 4,7 отсто, откако вчера се намали 4,9 проценти. Терминскиот индекс на Дау Џонс во моментот бележи загуба од над 800 поени, по вчерашниот пад од 5,8 проценти, што е првпат од финансиската криза во 2008 година.