БЕСА – Kurir.mk

БЕСА бара албанскиот јазик да биде рамноправен со македонскиот, Министерство за правда вели барањето ќе биде предложено на работната група

Ивона Петрова — Fri, 31 Mar 2023 14:24:25 +0000

Се наоѓаме во историски и многу важен момент за иднината на државата, почитувајќи и промовирајќи ги сите вредности на вистинската демократија, и сметаме дека е исклучително важен момент да се поправат историските грешки преку внатре-етничка и меѓуетничка кохезија, кои се направени преку неадекватна формулација во Уставот на Република Северна Македонија и да се изгради устав кој ќе биде главен извор на мирот, толеранцијата и демократските вредности, изјави на денешната прес-конференција Фатмир Сабриу од БЕСА. Од партијата бараат од Владата како предлагач на уставните измени во текот на составувањето на нацрт верзијата на уставните измени која ќе биде испратена за расправа до Собранието за да се инкорпорираат и амандманите на V-тиот амандман на уставот на Република Македонија. -1. Амандманот V, точка 1, став 1 од Уставот да се формулира во оваа форма: 2. На целата територија на Република Северна Македонија и во меѓународните односи службен јазик е македонскиот јазик и неговото кирилско писмо и албанскиот јазик и неговото писмо. 3. Другите ставови од Амандманот V треба да се прилагодат според став 1. Движењето Беса не е против вклучувањето на бугарската заедница во преамбулата на уставот на државата, но ние инсистираме да се смени амандманот V од уставот и албанскиот јазик да биде рамноправен со македонскиот јазик во Република Северна Македонија, изјави Сабриу. Од Министерството за правда се огласија од реакција во која велат дека го добиле писмото од БЕСА, во кое се бара при подготовката на уставните измени да се земе предвид и промената на амандманот V од Уставот. -Министерството за правда известува дека сите барања во врска со уставните измени, ќе бидат предложени и разгледани на работната група која ке биде наскоро формирана а во која свој член ќе имаат политичките партии, меѓу кои и партијата БЕСА, стои во соопштението на Министерството за правда.

Касами: За Беса е затворена секоја можност за соработка со сегашното мнозинство

Катерина Бојаџиева — Fri, 10 Mar 2023 10:00:51 +0000

Таканаречената „Огнена група“ во ДУИ би била поприфатлива за соработка за Движењето Беса, само ако одлучат да се отцепат од партијата и ако формираат нова партија. Со сегашното парламентарно мнозинство е затворена секоја можност за соработка, изјави првиот човек на Беса, Биљал Касами во интервју во емисијата „Патот кон“ на Алсат. - За нас би било добредојдено ако „Огнената група“ конечно решат да се отцепат од ДУИ, да формираат политичка партија и да седнеме заедно и да направаме проширена опозициска коалиција. Тие, Алтернатива, со други партии, со други групи, со интелектуалци и други опозициски фактори од граѓанскиот сектор. Подготвени сме да подадеме рака за соработка на секоја политичка сила со која оценуваме дека на албанските гласачи ќе им докажеме дека се надминавме себеси и оти сме подготвени да формираме победничка сила со што ќе гарантираме дека нивниот глас нема да оди залудно, рече Касами. Тој истакна дека структурите на Алтернатива се добредојдени во Движењето Беса. - Ако нивниот понатамошен интерес е да се направи политичка ротација во албанскиот политички табор, што подразбира конечно ДУИ да оди во опозиција, тогаш тие се добредојдени да седнеме заедно и да го продолжиме проектот таму каде што застана, рече Касами. Според него, Владата не се осмелува да упати официјална покана за приклучување на Беса во владината коалиција, ниту до него, ниту до некои други истакнати партиски членови, бидејќи не само што ја изневерила неговата партија, туку и албанските гласачи.

Зендели: Беса доби покана за средба од Рама, но нема намера да седи на иста маса со лидерот на ДУИ

Ивана Ефремовски — Mon, 09 Jan 2023 13:51:16 +0000

Пратеникот од Движењето Беса, Фадил Зендели денеска изјави дека неговата партија добила покана за средбата на првите луѓе на партиите на Албанците во земјава со албанскиот премиер Еди Рама, но рече дека тие нема да присуствуваат на неа. Тој оцени дека оваа средба е во полза на ДУИ и дека секогаш кога оваа партија има внатрешни проблеми се одржуваат вакви средби во Тирана. -Ние имаме покана од премиерот на Албанија за утрешната средба. Централното претседателство одлучи дека ние сме спремни да соработуваме со Република Албанија и со премиерот Рама, но како политичка партија Движење Беса не сме спремни да седнеме на иста маса со ДУИ. Во овој момент на ДУИ му е потребна средба во Тирана. Не гледаме дека на некој друг му е потребна таква средба. ДУИ има интерес од една таква средба како што тоа ја злоупотреби во 2017 година за свои цели. Секогаш кога имаат свои внатрешни проблеми со свои внатрешни противници, (ДУИ) бараат помош од регионот. Не гледаме дека сега треба да им излеземе на помош, рече Зендели. Тој потенцира дека кога политичките партии на Албанците барале да седнат на маса да се договорат за некои прашања, лидерот на ДУИ никогаш не бил подготвен да зборува со нив, а дури и во некои медиуми ги има навредено нарекувајќи ги злобници. -Ако сме ние злобници тогаш не гледаме никаква причина да седнеме со него на иста маса кога нему му е потребно, истакна пратеникот на Беса. Движењето Беса, додаде тој, има сопствени автономни политики и смета дека треба да соработуваме тука внатре. -Ќе имаме средба со премиерот на Албанија, но не кога тоа е во полза и во интерес на ДУИ и на нејзините интереси, истакна пратеникот Зендели. Лидерите на политичките партии на Албанците во земјава утре се очекува да заминат на заедничка средба во Тирана на покана на албанскиот премиер Еди Рама. (МИА)

Лимани: Беса не оди во Тирана за да ја спасува владата

Ристе Здравков — Mon, 09 Jan 2023 09:41:38 +0000

Во разговор за МКД.мк потпретседателот на Движењето Беса, Фатмир Лимани вели дека Беса нема да оди во Тирана на покана од албанскиот премиер Еди Рама. Toj вели дека целта на закажаната средба на лидерите на партиите на Албанците во Тирана е промовирање на нова Влада на Димитар Ковачевски проширена со уште еден коалициски партнер и спас на речиси две години мандат. „На иста маса со Ахмети не седнуваме“, вели Лимани. „На Централно претседателство на Беса донесовме одлука ако на состанокот во Тирана присуствува Ахмети дека ние нема да седнеме на иста маса, односно Беса не оди во Тирана“, вели Лимани. Тој потсетува дека Беса пред еден месец имаше упатено покана до партиите на Албанците со свои претставници да седнат на една маса и да изградат заеднички став во врска со „францускиот предлог“ за уставни измени. „Ахмети тогаш врати со понижувачки одговор кон нас, во смисла дека Беса не е фактор за да повикува на вакви состаноци, но и рече дека состанок само на албански лидери не е во духот на градење доверба помеѓу Албанците и Македонците. Значи, не треба да седнуваме одделно од Македонците зашто се работи за критичен период, кога се потребни гласови за уставни измени од пратеници Македонци“, вели Лимани. Тој поставува прашања: „Во овој случај дали состанокот во Тирана е во духот на градење на меѓусебна доверба? Зошто СДСМ го поздрави овој чин и состанокот во Тирана? Што се крои таму?“ И дава одговори: „Просто е. Состанокот е во духот на спасување на криминалната влада СДСМ - ДУИ, а во која, според мене, ќе промовираат и други коалициски партнери. Лимани вели дека Беса останува на ставот за уставни измени, останува на евроинтеграцискиот пат, но нагласува дека се тоа прашања за кои треба тука во Македонија да се постигне договор, а не да се бара помош за опстанок на криминалци во врвот. Тој потсетува како пред шест години т.н. тиранска платформа креваше тензии во Македонија и вели дека ако партиите се за напредок на земјава дека треба проблемите овде да се решаваат, и сите пратеници и Албанци и Македонци да создадат добра клима за позитивни одлуки во парламентот. На крајот Лимани потсетува на партиски став. „Нема да присуствуваме на состаноци на кои се присутни криминалци кои депортирајќи ги младите ја испустија земјава“.

Касами до Ковачевски: Граѓаните бараат предвремени избори бидејќи оваа влада не произлегува од легитимитетот добиен од последните парламентарни избори

Ивана Ефремовски — Mon, 26 Dec 2022 13:55:18 +0000

Лидерот на Беса, Билал Касами реагираше на изјавата на премиерот Димитар Ковачевски кој рече дека „процеси што се од стратешко значење не можат да бидат предмет на уценување“, во одговор, пак, на вчерашната изјава на Касами дека Беса ќе ги поддржи измените на Уставот, под услов власта да се согласи на одржување предвремени парламентрани избори следната пролет. Касами, како што вели, разбира дека премиерот Ковачевски е во незавидна ситуација и немајќи политички капацитет и легитимитет да ја води Владата, тој ги толкува различно политичките позиции на Движењето БЕСА. -Барањето за предвремени парламентарни избори е барање на мнозинството граѓани бидејќи оваа влада не произлегува од легитимитетот добиен од последните парламентарни избори, затоа премиерот не треба да меша тези за уставни измени и предвремени избори, стои во реакцијата. Додека кога зборуваме за уставните измени, се додава во соопштението, Беса уште еднаш го потврдува својот став дека бара да се отстрани терминот „20 проценти“ и да се замени со терминот „албански јазик“, се наведува во реакцијата на Касами. -Почитуван премиере, секој што е против јазикот на еден народ, особено во околностите на Северна Македонија, нужно е против европските вредности и Европската Унија, стои во реакцијата на Касами. Во однос на ставот на Беса за уставните измени, Ковачевски повтори дека не функционира под притисоци и уцени, нагласувајќи дека изборите ќе бидат во 2024 година и тоа е веќе апсолвирано прашање и оти не е фер кон граѓаните вакви клучни прашања да бидат предмет на дневна политика, да бидат предмет на борба за некакви ситни поени. Ова, посочи тој, не е последната одлука до зачленување на Македонија во ЕУ, додавајќи дека уште тешки одлуки ќе има на тој пат, кој појасни дека е неповратен процес и единствено може да биде закочуван од страна на оние коишто се противат на членството на Македонија во ЕУ. (МИА)

Касами: Барањето за предвремени парламентарни избори е барање на мнозинството граѓани

Ристе Здравков — Mon, 26 Dec 2022 13:06:00 +0000

Разбираме дека премиерот Ковачевски е во незавидна ситуација и немајќи политички капацитет и легитимитет да ја води Владата, тој ги толкува различно политичките позиции на Движењето БЕСА, рече претседателот на БЕСА, Биљал Касами -Разбираме дека премиерот Ковачевски е во незавидна ситуација и немајќи политички капацитет и легитимитет да ја води Владата, тој ги толкува различно политичките позиции на Движењето БЕСА. Барањето за предвремени парламентарни избори е барање на мнозинството граѓани бидејќи оваа влада не произлегува од легитимитетот добиен од последните парламентарни избори, затоа премиерот не треба да меша тези за уставни измени и предвремени избори. Додека кога зборуваме за уставните измени, Движењето БЕСА уште еднаш го потврдува својот став дека бара да се отстрани терминот „20%“ и да се замени со терминот „албански јазик“.Почитуван премиере, секој што е против јазикот на еден народ, особено во околностите на Македонија, нужно е против европските вредности и Европската Унија, истакна Касами.

БЕСА иницира средба со политичките партии на Албанците околу барањата за измените на амандманот 5 од Уставот

Ивана Ефремовски — Tue, 01 Nov 2022 12:08:52 +0000

Политичката партија БЕСА денеска ќе испрати покана до сите партии на Албанците за заедничка средба, информира денеска генералниот секретар на партијата Аријанит Хоџа. На средбата треба да се разговара за измените на амандманот 5 од Уставот што БЕСА ги бара, односно да се смени формулацијата „јазикот кој го зборуваат 20 проценти од граѓаните“ со „албански јазик“. Генералниот секретар на БЕСА Хоџа изјави дека на средбата може да присуствуваат и оние партии на Албанците коишто имаат интерес, а до кои нема да биде испратена покана. Средбата се очекува да се одржи откако ќе ги добијат одговорите од сите партии, а Хоџа очекува тоа да биде следната недела. (МИА)

Нови проблеми за ДУИ: БЕСА ќе поднесе интерпелација за Груби, Меџити ќе гласа „ЗА“

Ивана Ефремовски — Mon, 03 Oct 2022 17:03:54 +0000

Извори од движењето Беса информираат дека во ќе поднесат барање за интерпелација за првиот вицепремиер Артан Груби и оти интерпелацијата ќе им биде доставена на пратениците на ДУИ, Изет Меџити и Мерита Коџаџику, објави ТВ 21. Пратеникот на ДУИ, Изет Меџити на 29 септември по средбата со првиот човек на ДУИ, Али Ахмети, изјави дека доколку опозицијата покрене интерпелација за Артан Груби, тој ќе гласа „за“. ФОТО: СДК.МК

БЕСА прогласи победа во Тетово

Дарко Андоновски — Sat, 20 Aug 2022 20:11:58 +0000

Шефот на кабинетот на Движењето Беса, Садат Сулејмани, ја прогласи победата на изборите за општински совет во Тетово. „Уште еднаш го одржавме зборот, сите заедно. Ние сме 1000 гласа пред ДУИ. Им благодариме на тетовчаните што заедно го победивме режимот на тиранијата. Победивме на секое избирачко место“, рече Сулејмани.

Движење БЕСА: Бујар Османи призна дека за Србија приоритет е Русија, а не „Отворен Балкан”

Ристе Здравков — Tue, 07 Jun 2022 08:52:06 +0000

Во последното интервју министерот за надворешни работи, Бујар Османи, меѓу другото призна дека доколку дојде до посета на Лавров на Белград, одржувањето на средбата „Отворен Балкан” во Охрид, ќе биде доведено во прашање. Со или без свест, Османи призна дека кога станува збор за Русија, Вучиќ и српската политика не даваат приоритет на регионалните иницијативи. Прашањето е што прави земја на НАТО, како Северна Македонија, во иницијатива каде главен лидер е Србија-една од ретките земји што ги остави вратите отворени за Русија, кога целиот свет ја осудува руската агресија во Украина. Ова е уште еден доказ дека „Отворен Балкан” без Косово признато од Србија како независна и суверена држава, нема никакво значење како регионална организација. Движењето БЕСА го потврдува ставот дека секоја иницијатива за обединувачка организација во регионот, треба да биде иницирана од Северна Македонија, Албанија и Косово, како држави кои покрај економското обединување имаат и јасна прозападна ориентација, која за жал недостасува во Србија, која продолжува со братските односи со Русија.