бесење – Kurir.mk

Обесени тројца осуденици во Ирак за бомбашки напад од 2016 година во кој загинаа 300 лица

Ивона Петрова — Tue, 29 Aug 2023 07:10:15 +0000

Во Ирак изминативе два дена се обесени три лица, кои биле осудени за учество во бомбашки напад со автомобил во Багдад во 2016 година, во кој загинаа повеќе од 300 лица, а стотици други беа повредени. Бесењето е извршено во неделата или вчера, соопшти кабинетот на премиерот Мохамед Шија ал Судани, без да даде детали, пренесува Би-би-си. Премиерот ги информираше семејствата на жртвите дека е извршена „праведна смртна казна“ против „тројца клучни криминалци кои беа прогласени за виновни за учество во терористичкиот бомбашки напад“, соопшти неговиот кабинет. Бомбашкиот напад во Багдад, беше извршен на 3 јули 2016 година додека голем број луѓе беа надвор ноќе за време на исламскиот свет месец Рамазан. Возило преполно со експлозиви беше разнесено пред преполн трговски центар во Карада, претежно шиитска област во ирачкиот главен град. Во експлозијата и пожарот што го зафати објектот загинаа многу луѓе. Тоа беше најсмртоносниот поединечен бомбашки напад во Ирак од инвазијата предводена од САД во 2003 година. Одговорноста за нападот ја презеде Исламска држава (ИД). Оваа терористичка организација беше поразена и ја загуби контролата врз територијата во Ирак, но се уште е активна, наведува Би-би-си.

Дваесет и пет годишно момче се обесило на Кејот на Вардар

Ристе Здравков — Fri, 07 Aug 2020 16:09:18 +0000

Дваесет и пет годишно момче се обесило на Кејот на Реката Варда, во близина на ФФМ во Ново Лисиче. Како што соопшти МВР, пријавата била поднесена вчера пред 20 часот, кога момчето било пронајдено. Увид на местото извршила екипа од СВР Скопје и се преземаат мерки за расчистување на настанот.

Откриено како настанала смртта на милијардерот Џефри Епстајн

Дарко Андоновски — Sat, 17 Aug 2019 08:22:33 +0000

Резултатите од аутопсијата покажаа дека причина за смртта на милијардерот Џефри Епстајн е самоубиство со бесење, изјави портпаролката на канцеларијата на шефот на Патологија во Њујорк, Аја Ворти-Дејвис. Таа додаде дека официјалниот извештај за смртта на Епстајн ќе биде објавен во текот на денот. Весникот „Вашингтон пост“ пред два дена објави дека аутопсијата покажала дека вратот на Епстајн бил скршен на повеќе места. Епстајн минатата сабота беше пронајден мртов во својата ќелија во затворот на Менхетн, каде го чекаше судењето за трговија со луѓе и сексуално злоставување. Во обвинението против Епстајн се наведува дека тој намамил десетина малолетнички во своите луксузни куќи и им плаќал за сексуални услуги.

Уште едно самоубиство на СП- се обесил по поразот на Аргентина

Дарко Андоновски — Mon, 02 Jul 2018 15:36:06 +0000

Две недели откако индиски навивач се самоубил со скок од мост во реката во близина на неговиот дом, уште еден Индиец си го одземал животот поради поразот и елиминацијата на Аргентина од Светското првенство во Русија.

Аргентина завчера загуби со 3-4 од Франција во спектакуларното осминафинале, по што Монотош Халдер, 20-годишен голем навивач на Меси и на „гаучосите“ си го одземал животот. Тој се обесил во Хабибпур во областа Западен Бенгал. Според информациите од индиските медиуми, Халдер скршен по поразот на Аргентина ја избегнал вечерата и се заклучил во својата соба, а откако не се појавил на доручекот во неделата наутро, бил пронајден обесен. „Мојот си не беше болен. Тој беше голем навивач на Аргентина и секој ден беше пред телевизорот за да гледа фудбал откако почна Мундијалот во Русија. Беше скршен по поразот од Франција, но никогаш не помисливме дека може да направи вакво нешто“, изјавил Монгол Халдер, таткото на 20-годишното момче. Полицијата започнала истрага за трагичниот случај, но потенцирала дека сè изгледа на самоубиство поради поразот на Аргентина. Пред две недели во Керала, 30-годишен Индиец се самоуби скокајќи од мост во реката Котајам, откако Аргентина доживеа дебакл во групната фаза со поразот од Хрватска со 0-3

Трагедија во прилепско: Се обеси 77- годишен човек

Катерина Бојаџиева — Sun, 13 May 2018 10:28:41 +0000

Во прилепското село Мало Мраморани вчера околу 7 часот самоубиство со бесење извршил Т.З.(77). Извршен е увид на местото на настанот.

Ужас во Ресен: Тело во распаѓање најдено обесено на дрво

Ивана Ефремовски — Wed, 25 Apr 2018 12:30:01 +0000

Тело во распаѓање е најдено обесено во боровата шума над средното училиште во Ресен. Како што соопштуваат од полицијата телото е пронајдено вчера во 19:30 часот. Идентитетот на починатото лице не е познат, ниту пак е утврден полот. Увид на местото на настанот извршила увидна екипа од Полициската станица Ресен. По наредба на Јавен обвинител телото било пренесено во капела во Ресен. Се преземаат мерки за утврдување на идентитетот и за расчистување на настанот, додаваат од МВР.

ФОТО: Ова е затвореникот кој утрово се обеси во битолскиот затвор- беше осуден на 40 години

Курир — Mon, 02 Apr 2018 13:39:08 +0000

Педесет и тригодишниот битолчанец Илија Дарков кој беше осуденик во Битолскиот затвор заради свирепо убиство на својата сопруга 47- годишната Емануела Даркова пред една година, утрово околу седум часот, во затворската ќелија беше пронајден обесен без знаци на живот, објави телевизија Алфа. Го откриле надзорниците на затворската полиција при редовната обиколка и делењето на утринскиот оброк. Веднаш по извршениот увид и констатираната смрт, истражниот тим наложи обдукција врз трупот на починатиот. Инаку, Дарков на 13 март минатата година на свиреп начин ја усмрти сопругата во станот на улица ``21-ва`` во Битола каде била и нивната тогаш четиригодишна ќерка, со повеќе удари на сукало, нанесувајќи и смртоносни удари врз главата. Во Основниот суд, за ова дело Дарков беше осуден на затворска казна од 40 години. Неговиот адвокат Владимир Петличковски рече дека оваа пресуда ја обжалиле до Апелацискиот суд заради низа повреди во првостепената постапка, но од засега не до крај утврдени мотиви, се претпоставува дека тој самиот си пресудил со бесење. Адвокатот на сега починатиот Илија Дарков вели дека утрово кога го известиле од затворската управа за неговото самоубиство, не бил известен ниту имало проштелно писмо ниту било какви индиции дека овој чин на бесење ќе биде извршен.

Скопјанец се обесил во сопствената куќа

Катерина Бојаџиева — Tue, 06 Feb 2018 09:43:18 +0000

Вчера околу 16,00 часот во Скопје во сопствената куќа, самоубиство со бесење извршил Д.У.(83). Извршен е увид на местото на настанот, и по наредба на Јавен обвинител телото е дадено на обдукција.

Се обеси затвореник во Идризово

Ивона Петрова — Wed, 24 Jan 2018 10:23:32 +0000

Командир на смена во Казнено поправна установа Идризово вчера околу 14 часот пријавил дека И.М.(39) од Кичево, кој издржувал доживотна казна затвор, во просторијата во која бил сместен се обесил. Истиот со екипа на Итна медицинска помош бил префрлен во Ургентен центар-Скопје, каде во 13.55 часот била констатирана смрт.

Жена си го пронашла сопругот обесен

Ивона Петрова — Tue, 16 Jan 2018 09:29:56 +0000

С.А. од Скопје вчера околу 12:30 часот пријавил во полиција дека неговиот татко Б.А. (60) се самоубил со бесење. -Б.А. бил пронајден обесен во остава надвор од куќата од страна на неговата сопруга, која го пресекла јажето и го симнала телото на починатиот на подот. Од страна на екипа од Итна медицинска помош во 13 часот била констатирана смрт. Увид на местото на настанот извршила увидна екипа од СВР-Скопје, информираат од полицијата. По наредба на Јавен обнител, телото на починатиот било предадено во Институтот за судска медицина за обдукција.